Tubacex enpresako sindikatuek adierazi dute lantegiek geldirik jarraituko dutela egoera ez bada aldatzen
Oharra zabaldu dute langile batzordean aritzen diren sindikatuek beharginen artean, jakinarazteko ekoizpena bertan behera geratuko dela zuzendaritzarekin akordioa lortu arte. "Ez gaude greban, langileon, familien eta gizarte osoaren osasunagatik hartutako neurria da", azpimarratu dute.
Atzo arratsaldean eskualdeko lantegien jarduera gelditu eta gero, ELA, CCOO, STAT, Independenteak eta LAB sindikatuek oharra plazaratu dute egoera argitzeko.
Izan ere, momentuz, ekoizpena bertan behera utzi dute faktorietan. Langile ordezkariek nabarmendu dute zuzendaritzak hartutako prebentzio neurriak ez direla nahikoak eta, esaterako, ez dagoela maskara behargin guztientzat eta emandako konponbide bat dutxatu gabe itzultzea etxera dela.
Langile erakundeek bi gai azpimarratu dituzte. Alde batetik, ez daudela greban, baizik eta osasun publikoa bermatzeko behartuta ekin diotela ekoizpena gelditzeari.
Bestetik, jakinarazi dute ez dagoela inolako akordiorik enpresako arduradunekin lanean ez dauden egunei dagokienez.
Gauzak horrela, lanuzteak akordioa lortu arte jarraituko du. Momentuz, bilera eskatu dute sindikatuek. Euren proposamena da lantegia gradualki ixtea.
Enpresaren erantzuna
Atzo testu bat bidali zien zuzendaritzak langile batzordeko kideei bere jarrera plazaratzeko. Dokumentu horretan Tubacex enpresako arduradunek ziurtatu zuten prebentzio neurri guztiak hartu dituztela eta ez dagoela berebiziko arriskurik lantegietan. Alegia, sentsazio guztiz subjektiboa dela.
Horrez gain, aipatu zuen jarduera industriala etetea ez dagoela alarma egoerak behartzen dituen neurrien artean.
Bestalde, zuzendaritzaren ustez, sindikatuek oso modu orokorrean baliatu zuten atzo lan arriskuen kontrako legedia.
Berez, Tubacexeko zuzendaritzako kideek adierazi zuten langileek egindako blokeoa ez duela legeak babesten eta zigorrak eta salaketak abiatzeko aukera aztertuko zituela. Horri erantsi zioten Lan Ikuskaritza harremanetan jarri zela enpresarekin telefonoz eta, printzipioz, ez zuela esku hartuko.
Azkenik, testuak ohartarazten zuen lantegiak hustu ezean, hori egiteko baliabideak bilatuko zituztela.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.