Tubacex enpresako mantenuko langileek salatu dute zigor mehatxuak erabiltzen dituela zuzendaritzak euren egoera prekarizatzeko
Tubacex enpresak Laudion duen lantegiko mantenuko beharginek testua zabaldu dute jakinarazteko euren lan baldintzak gero eta prekarioagoak direla. Alde batetik, zuzendaritzak zigor mehatxuak baliatzen ditu eta, bestetik, gero eta gutxiago dira eta euren baliabideak urritzen ari dira.
Tubacex taldeko TTI enpresako mantenuko sailean aritzen diren beharginak batu dira adierazpen publikoa egiteko. Laudioko lantegiko beharginek salatu dutenez, zuzendaritza hasi da 'kontaktu aktak' sistematikoki egiten atal horretako langileen aurka. Eurek argitu dutenez, berez, akta horiek astungarri moduan baliatu daitezke, falta bat gertatuz gero.
Beharginen ustez, mantenuko ofizialen eta langileen artean komunikazio arazo larria dago eta ezbeharren bat jazotzen den bakoitzean, ofizialek aktak bidaltzeari ekiten diote, langileekin eurekin hitz egin ordez.
Mantenuan aritzen den kolektiboak azpimarratu du bere kideak profesionalak direla: “Ez diogu inori utziko hori zalantzan jartzen. Talde bat gara eta talde moduan erantzuten dugu, gure buruzagiek ez bezala”.
Hain zuzen, atal horretan lan egiten dutenek kritikatu dute zuzendaritzak ateak itxi dizkiola barne promozioari eta kanpoko jendea kontratatu duela ofizial ardurak hartzeko. “Kudeatzaileek ez dituzte ez makinak ez langileak ezagutzen” gaineratu dute.
Bide batez, zigorrak ez dira ezezagunak atal horretan, 2020an mantenuko langile bat zigortu baitzuen enpresak, 60 egunez soldata gabe utzita.
Istripuak eta produktibitatea
Langileen aburuz, zigor mehatxuen helburua da ekoizpena handitzea, langileen kalterako. Zentzu horretan, gogoratu dute euren atala dela lan istripu gehien duena eta ezin dela ahaztu 2019an 25 urteko behargina hil zela TTIko azpiegituretan, mantenu lanetan ari zenean.
Denboren estandarizazioa eta manipulazioa
Mantenu ataleko kolektiboak aipatu du enpresaren helburuetako bat dela lanen denborak estandarizatzea, eta aurka ez badaude ere, nabarmendu dute konponketa oso ezberdinak egiten dituztela eta zaila dela hori finkatzea. Gainera, ataleko agintariei leporatu diete erreporteak aldatzea, ofizialek jasotako denborak gogoko ez dituztenean.
Horri guztiari langileek gehitu diote aspaldiko kexa: makineria zaharkitu dela eta konponketak egiteko ordezko piezak eta tresnak gero eta urriagoak direla. Horrek eragiten du esku hartzeen denboretan eta istripuak izateko arriskuan.
Murrizketak mantenuan
Azkenik, langileen iritziz, egungo egoera aspaldi hasitako prozesuaren emaitza da: langile gutxiago daude, eta beste atal batzuek ez bezala, ez daukate koordinatzailerik. Halaber, kanpoko azpikontratazioak arruntak bilakatu dira bajak edo oporrak betetzeko, euren ustez, “legez kontrakoa dena”.
Hori guzti hori aintzat hartuta, mantenuko kolektiboak eskatu dio Langile Batzordeari ez ohiko bilera proposatzea zuzendaritzari euren egoera lantzeko.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.