TTIPen aurkako hiru milioi sinadura, haren lehengusu transpazifikoa adostu eta biharamunean
Urriaren 6an itxi zen TTIP eta CETA merkataritza itun transatlantikoen aurkako Herritarren Europar Ekimena sinatzeko epea. Guztira 3.200.000 izenpetik gora jaso dituzte ekimenaren sustatzaileek.
TTIP, AEBen eta Europar Batasunaren arteko hitzarmena, negoziazio fasean dago oraindik. CETA, berriz, guztiz adostua dute honezkero Europak eta Kanadak; berrespena baino ez da falta.
Ituonon kontrako Herritarren Europar Ekimena 2014ko udaberrian abiarazi zuten zenbait alemaniar taldek, TTIPen negoziazioak eten eta CETA bertan behera uzteko eskatzeko. Udarako, kontinente osoko 200 elkarte inguruk adierazia zuten ekimenarekiko atxikimendua, baina asmoa okertu egin zitzaien: Europako Batzordeak uko egin zion ekimena erregistratzeari.
Bi gauza egin zuten orduan Ekimena abiarazi zutenek: Batzordearen erabakiaren aurka helegitea aurkeztu EBko Justizia Auzitegian eta, baimenik gabe bazen ere, sinadurak biltzeari ekin legeak ezarritako baldintza beretan. Hala, jasotako hiru milioiak gaur, urriaren 7an, helaraziko dizkiote Jean-Claude Junckerrek zuzendutako Batzordeari.
Bestalde, urriaren 10etik 17ra TTIPen aurkako mobilizazioak egingo dira Europa osoan. Horren harira, Euskal Herrian TTIPari ez! kanpainak deialdia egin du urriaren 10ean mosaiko erraldoiak osatzeko Hego Euskal Herriko lau hiriburuetan.
Akordio Trans Pazifikoa itxi dute
Bitartean, lapikoan zegoen beste merkataritza hitzarmen handiaren akordioa itxi zuten, urriaren 5ean, Ozeano Barearen inguruko hamabi estatuk, bost urteko negoziazioak burututa. Orain, estatu bakoitzeko parlamentuak oniritzia eman beharko dio itunari.
TPPk, Lankidetza Trans Pazifikoak alegia, AEB eta Japonia ditu barne, baina Txina utzi du kanpoan. Hain zuzen, Txinaren nagusigo ekonomiko gero eta handiagoari galga ipintzeko xedea du TPPk, analista gehienen arabera. Hein batean helburu horixe bera du TTIPek ere, baina begien bistakoa da Ozeano Barearen eragin-esparruak zuzenago ukitzen dituela Txinaren interesak.
Horren harira, Europar Batasunean TTIP aurrera ateratzea nahi duten zenbaitzuk kexatu egin dira AEBen jarreraz, estatubatuarrek indar gehienak hitzarmen Trans Pazifikoan jarri dituztela eta TTIP gauzatu dadin behar beste adore agertzen ez dutelakoan.
Munduko merkataritza blokerik handiena osatu dute hamabost herrialde hauek: Asiako hego-ekialdeko hamar herrialde, Hego Korea, Txina, Japonia, Australia eta Zeelanda Berria. Azaroaren 15ean izenpetu dute RCEP merkatu libreko hitzarmen hau.
Eurolegebiltzarrak joan den otsailean eman zion onespena Kanada eta Europar Batasunaren arteko merkataritza askeko itunari (CETA). Hitzarmena mistoa denez, erabat indarrean sartzeko EBko estatu kide guztietako parlamentuek bozkatu behar dute haren alde. Hala ere, hitzarmenaren... [+]
CETA pil-pilean eskuartean dugun Europar Batasunaren eta Kanadaren arteko Ekonomia eta Merkataritza Askeko Hitzarmena dugu eta entzunagoa den TTIP hitzarmenaren atzeko ate bezala definitu izan da. TTIP (Europar Batasuna eta AEBen arteko hitzarmena) izoztua dagoela helarazi... [+]
Ez zen ustekabekorik izan eta Europako Legebiltzarrak Kanada eta EBren arteko CETA hitzarmenaren alde bozkatu zuen otsailaren 15ean, Estrasburgon egindako saioan. 408 diputatuk eman zuten aldeko botoa, 254k aurkakoa, eta 33 abstentzio izan ziren.
Euskal Herriko parlamentuetan ordezkaritza duten alderdietatik, CETAren alde bozkatu dute ondorengo alderdiek bozkatu dute: EAJ, PP eta PSOE. Eta aurka: EH Bildu, Podemos eta Equo. Goizean 150 ekintzailek Europako Parlamentuko sarrera blokatu dute Estrasburgon. TTIP Game Over... [+]
Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka... [+]
“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]
Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.
Valoniako Parlamentua CETAren aurka azaldu ostean, Belgikak itunari ezetz esan dio Europako merkataritza eta kanpo harremanetarako ministroen kontseiluan. Bitartean, Greenpeacek ekintza ikusgarria egin du bilkuraren kanpoko aldean.
Badu hogei urte pasa merkataritza askeen aldeko akordioak izenpetzen dabilela Kanada, eta Vaillancourtek dioenez, herritarrek amore emanik, Ekonomia eta Merkataritza Hitzarmen Osoaren (CETA) aurkako mobilizazioa ez dabil azkar. Alta, ondorio konkretu latzak pairatzen dabiltza... [+]