TTIP akordioaren aurka, NATOri buruzko erreferendumaren urteurrenean
Europar Batasuna eta AEBak negoziatzen ari diren TTIP hitzarmenaren aurkako mobilizazioetara deitu dute martxoaren 12an, Hego Euskal Herriak NATOn sartzeari ezezkoa eman zion erreferendumaren 30. urteurrenean. “NATO ekonomikoari ez! Herritarrok erabaki” leloa erabiliko dute Iruñean eta Donostian egingo dituzten ekitaldietan. NATOrentzat bezala, TTIPentzat demokrazia oztopoa dela adierazi du Euskal Herrian TTIPari ez! kanpainak.
Donostian manifestazioa eguerdiko 12:00etan hasiko da, Bulebarrean. Iruñean, berriz, TTIPi buruzko mahi-ingurua egingo dute ordu berean Civivox Condestable aretoan, eta giza katea 17:30ean, kartzela zaharretik abiatuta. Horrez gain, hainbat taldek protesta egiteko bizikleta martxa antolatu dute Bizkaiko Arratia bailaran. Goizeko 10:00etan Bediatik irten eta bazkalorduan, 14:30ak aldera, Igorrera heltzea da asmoa. Ondoren bazkaria eta TTIPi buruzko bide emanaldi laburra egingo dute, Kiñu gaztetxean.
Deitzaileek Europar Batasuna negoziatzen ari den merkataritza askeko akordioak gaitzetsi dituzte, herritarrentzako ondorio kaltegarriz betetako marko juridiko berria ezarriko baitute haien ustez: “Herri eta pertsonen burujabetzaren murrizketa, lan eskubideen eta enpleguaren galera, ingurumenaren suntsiketa, elikadura segurtasunaren eta tokiko nekazaritzaren aurkako erasoa, emakumeon bizimodua zailtzea, osasuna eta hezkuntzan pribatizazioak...”.
Kanadarekin adostutako CETA 2017 hasieran berretsi nahi dute
Martxoaren 12ko mobilizazioak batik bat TTIPengatik protesta egiteko badira ere, ez da ahantzi behar Europar Batasuna zerbitzuen kudeaketari buruzko TiSA akordioa ari dela negoziatzen beste 30 herrialderekin batera –funtsean zerbitzu horien pribatizazioa izango litzateke haren ondorio nagusia– eta TTIP baino are modu ezkutuagoan, eta honezkero CETA akordioa daukala Kanadarekin adostuta baina oraindik berresteke.
Europako Batzordeak iragarritako egutegiaren arabera, Europako Parlamentua aurtengo udazkenean hasiko da CETA aztertzen, eta asmoa da 2017 hasieran berrestea. TTIPekin gertatzen den bezala, eztabaida nagusietako bat izango da nori dagokion berrespen hori, alegia, nahikoa ote den Europako Kontseiluak eta Parlamentuak bozkatzea, edo horiez gain estatu bakoitzak bere aldetik onartu beharko dituen akordiook.
Hala balitz, herrialdeetako parlamentuek banan-banan eman beharko liekete oniritzia akordioei –Maltan izan ezik; hor nahikoa da gobernuaren borondatea–, eta gerta liteke TTIPi buruzko erreferendumak deitzea EBko hamabost bat herrialdetan. Euskal Herrian TTIPari ez! kanpainako iturrien arabera, Europako Batzordeak aukera hori eragotzi nahi du, EBko legediak, printzipioz, horretara behartu arren.
TTIP 2017ko urtarrila baino lehen?
Bestetik, Cecilia Malström Europako Batzordeko Merkataritza komisarioak esan du bi aldeak saiatuko direla TTIPen testua beranduenez 2017ko urtarrilerako adosten. Hots, Barack Obamak Etxe Zuria utzi baino lehen. Ez dirudi helburua erraz beteko dutenik, desadostasun nabarmenak baitaude zenbait puntutan, baina datozen hilabeteotan bai Europak bai AEBek prozesu negoziatzailea azkartzeko ahalegin berezia egingo dutela hitzeman du Malströmek.
Munduko merkataritza blokerik handiena osatu dute hamabost herrialde hauek: Asiako hego-ekialdeko hamar herrialde, Hego Korea, Txina, Japonia, Australia eta Zeelanda Berria. Azaroaren 15ean izenpetu dute RCEP merkatu libreko hitzarmen hau.
Eurolegebiltzarrak joan den otsailean eman zion onespena Kanada eta Europar Batasunaren arteko merkataritza askeko itunari (CETA). Hitzarmena mistoa denez, erabat indarrean sartzeko EBko estatu kide guztietako parlamentuek bozkatu behar dute haren alde. Hala ere, hitzarmenaren... [+]
CETA pil-pilean eskuartean dugun Europar Batasunaren eta Kanadaren arteko Ekonomia eta Merkataritza Askeko Hitzarmena dugu eta entzunagoa den TTIP hitzarmenaren atzeko ate bezala definitu izan da. TTIP (Europar Batasuna eta AEBen arteko hitzarmena) izoztua dagoela helarazi... [+]
Ez zen ustekabekorik izan eta Europako Legebiltzarrak Kanada eta EBren arteko CETA hitzarmenaren alde bozkatu zuen otsailaren 15ean, Estrasburgon egindako saioan. 408 diputatuk eman zuten aldeko botoa, 254k aurkakoa, eta 33 abstentzio izan ziren.
Euskal Herriko parlamentuetan ordezkaritza duten alderdietatik, CETAren alde bozkatu dute ondorengo alderdiek bozkatu dute: EAJ, PP eta PSOE. Eta aurka: EH Bildu, Podemos eta Equo. Goizean 150 ekintzailek Europako Parlamentuko sarrera blokatu dute Estrasburgon. TTIP Game Over... [+]
Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka... [+]
“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]
Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.
Valoniako Parlamentua CETAren aurka azaldu ostean, Belgikak itunari ezetz esan dio Europako merkataritza eta kanpo harremanetarako ministroen kontseiluan. Bitartean, Greenpeacek ekintza ikusgarria egin du bilkuraren kanpoko aldean.
Badu hogei urte pasa merkataritza askeen aldeko akordioak izenpetzen dabilela Kanada, eta Vaillancourtek dioenez, herritarrek amore emanik, Ekonomia eta Merkataritza Hitzarmen Osoaren (CETA) aurkako mobilizazioa ez dabil azkar. Alta, ondorio konkretu latzak pairatzen dabiltza... [+]