Ttattola Gazte Asanbladak ez du Hazparnen okupatutako gaztetxea utziko
Astelehenean jaso zuten kanporatze agindua, eta asteartean egin behar zuten alde. Baina gazteek esan dute abuztuaren 21ean okupatutako Davidenea eraikinean jarraituko dutela. Herriko Etxeak ez du haiekin hitz egin nahi, eta kaleratze aginduan argudio faltsuak erabili dituzte kaleratzea justifikatzeko.
Hazparneko (Lapurdi) Ttattola Gazte Asanbladako kideek kanporatze agindua jaso zuten astelehenean, abuztuaren 21ean okupatu zuten Davidenea eraikina husteko. Astearteko goizeko 10:30etan utzi behar zuten hartutako gaztetxea, baina azaldu dute bertan jarraitzeko asmoa dutela. Aginduari errekurtsoa jarri diote auzitegian, eta bi elkarretaratze deitu dituzte erabakia defendatzeko: asteartean bertan egin zuten lehena; bigarrena, irailaren 4rako iragarri dute.
Gazteek prentsa ohar bidez esan dute hainbat elkarrizketa galdegin dizkiotela Udalari, arazoari konponbidea bilatzeko asmoz. Halere, herriko etxeak entzungor egin diela salatu dute: Isabelle Pargade auzapezak ez die okupatutako eraikinaren jabeen kontaktua eman nahi izan, ez zeukatelako haiekin “hitz egiteko gogorik”. Asanbladatik esan dute ahal izan duten guztia egin dutela alternatibak proposatzeko: “Ekintza ilegal bat hautatu badugu ere, elkarrizketa eta negoziazioa beti hobetsi ditugu”. Baina ezinezkoa izan da.
Bestalde, kanporatze aginduan erabili dituzten gezurrak ere salatu dituzte gaztetxekoek. Etxebizitza Micheline Jeanne Casaux 95 urteko emakumearen bizitokia dela esan dute agirian, eta gazteek haren egoitza okupatu dutela. Gehitu dute asanbladako kideak bertan sartzeak “osasun moralean” eragin diola emazteari, “biziki hunkitu” baitu gertatutakoak. Baina gazteek badakite etxea urte askoan egon dela hutsik. Bestela, “nola bizi daiteke adin handiko emazte bat elektrizitaterik eta urik gabe, eta komunak hautsiak diren etxe batean?”.
Gezur horiekin, herriko etxeak “sentimenduen zelaian” jokatu nahi izan duela azaldu dute. Baina Udalak horrela jardun nahi badu, bi aldeen egoera kontutan hartu beharko lukeela nabarmendu dute. Gazteek bizitoki bat lortzeko gero eta zailtasun handiagoak dituzte Hazparnen (347 etxe huts eta 145 bigarren etxebizitza daude), eta proposamen kulturalik gabeko “hiri huts” batean bizi behar dira. Aginduan erabilitako “osasun moralaren” argudioei, beste bat kontuan hartzeko galdegin diete asanbladako kideek: “Gazteen osasun mentalaz arduratzen ote zarete?”.
Aurreko okupazioa
2020ko urtarrilaren 31n Ttattola gaztetxea utzi zuen gazte asanbladak. Orduan, kideak “indarrez” bota zituzten hamazortzi urtez martxan izan zuten proiektutik. Urte eta erdiko elkarrizketen ondoren, abuztuaren 21ean okupatu zuten herriaren erdiko Davidenea eraikina. Berria hedabideari adierazi ziotenez, herritar guztientzako gunea izateko prestatzen ari ziren: “Ekintza kulturalak egiteko, herria dinamizatzeko eta jendea elkartzeko gune bat izatea nahi dugu. Hau da, gaztetxe rol bat betetzea”.
Etxea okupatu eta berehala hasi ziren gazteak konponketa lanekin. Eta horrela jardun dute orain arte. “Gu hutsik eta abandonatua zen etxe batean sartu gira. Ez da gurea. Gure borondate bakarra etxe hau garbitzea, txukuntzea, berpiztea izan da, Hazpandarrentzat eta guzientzat leku goxo bat bilaka dadin”.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.