Tsunami D, Kataluniako protesta antolatzeko aplikazioa
Tsunami Demokratikoa izeneko mugimendu bat antolatu zen duela aste batzuk, Kataluniako buruzagi politikoen kontrako epaiari aurre egiteko. Aurpegi edo izen agerikorik ez duen antolakunde horrek aplikazio bat zabaldu du, protesta ekintzak sustatu eta antolatzeko helburu teorikoarekin, eta segurtasun informatikoari arreta handia eskainiz. Aktibazio kode bat lortu eta instalatu egin dugu.
Android aplikazio bat da, katalan hutsez dago, eta ez dago Google Playn, baizik eta .apk fitxategi baten bidez instalatu behar da. Instalatuz gero ere, ez da aktibatzen: dagoeneko aplikazio aktiboa duen beste lagun batek pasatu behar dizu QR kode bat. Nonbait QR kodeek iraugipen data dute, eta bakoitza aldi gutxi batzuetan instalatu daiteke.
Guk Kataluniatik lortu dugu kode bat, eta instalazioa burutu dugu, baina horrekin ere ez dugu pista handirik lortu. Batetik, zerbitzariekin lotzeko denbora asko behar du aplikazioak. Auskalo segurtasunagatik, edo trafiko faltsua eragiten diotelako sabotatzaileek. Eta, printzipioz, ez dago egiteko askorik: zure disponibilitatea adierazi behar duzu ezarpenetan, ea asteko zein egun eta ordutegitan zauden "ekintzarako" prest, eta ze baliabide dituzun: garraiorakoak bakarrik. Hori gordeta, nodo zentralek jakingo dute noiz lagundu dezakezu, eta nola zure kokapena ere partekatzen duzun, zure "laguntza" behar badu ekintza batek, jasoko omen duzu ohar bat aplikazioan.
Hori da teoria, baina erabilpen hori egiten ari direnik, ez dirudi oraingoz. Ze ekintzatarako zein dei izango diren, oraingoz ez dago garbi, ezta deiok egiten direnean ere efektiboa izango den ala ez. Kataluniako protestetan desobedientzia eta erantzun baketsuekin lerratu da Tsunami Demokratikoa, baina azken egunetan, ekintza horietako batzuetan beste jarrera batzuk gertatu direnez (edo behartu dituztenez, auskalo), agian zuhur ari dira batzuk ea aplikazioaren bidez ezer aktibatu behar duten, aktibazioak norantz joko duen garbi izan gabe. Hedabideek zera esan dute oraingoz Tsunamiaren kupulaz:
- Urriaren 1eko erreferendumean hautestontzi banaketa egin zela oraingo egitura berdin edo bertsuarekin, modu klandestino eta ez-zentralizatuan.
- Tsunami delakoaren antolakuntza Suitzan erabaki zela, erbesteko pertsonalitateak (Puigdemont Belgitik joana, Marta Rovira ERC-koa, Anna Gabriel CUP-ekoa), alderdi soberanistak, Omnium eta ANC koordinaturik.
- El Paisek dio, "adar informatiko" hau, CUPen gauza dela.
Segurtasunaren aldetik, informatikariren batzuek azpimarratu dute ondo egina dagoela. Baina erabateko segurtasuna zaila izango da ziurtatzea. Hartzaile moduan egongo dira Espainiako poliziak honezkero, baina nodo zentralaren kontrola lortzea beste kontu bat izan daiteke. Lortuz gero, hori bai, arriskutsua izan daiteke ekintzaileentzat. Era berean, norbaitek edo nodo batek (ustez lagunak), badaki zu non zauden, zer duzun eskura, eta ekintza edo puntu batera konbokatzen ahal zaitu. Kontua da: Joango zara?
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
Zortzi hilabeteko erbestealdiaren ondoren, etxera eta Directa-ko erredakziora itzuli da Rodríguez (Gramanet del Besós, Bartzelona, 1974). Inork ezer espero gabe, uztailaren 8an, arratsalde bakarrean, erabat irauli zen bere eta beste hamaika inputaturen aurkako... [+]
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.