Trumpen ‘Kultur Iraultzak’ beste gotorleku bat suntsitu du
USAIDen inguruko txolopotearen ondoren, espero beharrekoa zen. Baina, hala ere, urte askotan haien jarraitzaileak izan garenok, samin-puntu batekin hartu dugu albistea. Martxoaren 15ean, Trump administrazioak, kolpetik, erabat itxi baitu United States Agency for Global Media (USAGM) erakunde ofizialak finantzatutako hedabide “pribatuen” sorta.
Hauek dira itxitako hedabide batzuk: Voice of America (VOA), Radio Free Europe/Radio Liberty (RFE/RL), Radio Free Asia (RFA), Middle East Broadcasting Networks (MEBN), Radio y Televisión Martí, eta abar. Beraz, alferrik itxarongo duzue hemendik aurrera orain arte behin baino gehiagotan hemen izan ditugun haien atal digitalen aipamen-estekarik.
Pena dela diot, beraiek izan ezik inork gutxik ukatuko dien erabateko tasun propagandistikoa (baita desinformazio hutsekoa ere, askotan) eta guzti, jakinbide iturri zirelako. “Ingeniaritza inbertso” moduko bat eginda: AEBetan unean uneko administrazioak herrialde edo gorabehera jakin batzuen inguruan zerabiltzan gurarien eta lehentasunen termometro doiak ziren. Besterik apenas genuenontzat.
Gerra Hotzaren amaiera ofizialak lortu ez zuena, beraz, aldebakarreko erabakiz etorri da. Ez, haatik, haserre eta iskanbilarik gabe.
Trumpen, eta ixteko erabakiaren sustatzaile sutsua izan den Musken, arrazoibideak AEBetako barne politikakoak dira guztiz: hedabide-multzo hori demokratei salduta omen zegoen (!), ideologia ezkertiarrak baino ez omen ditu hauspotu (!!), eta abar. Milioidunen Kultur Iraultzak irakinean jarraitzen du: bonbardatu kuartel nagusia!
Lanik gabe geratuko omen diren 1.300 lagunekin batera, erabakiaren aurka hitza atera duten gainerakoen argudio potoloa, aldiz, kanpora begirakoa izan da: AEBen etsaientzat sekulako oparia omen da, RFE/RL-ko arduradun gorenak izendatuki esan duen moduan. Herrialdeen arteko bakezko hartu-eman normalizatuekin oso uztargarria ez dirudien beligerantzia mozorrotu gabe jada, jakina. Hartarako sortuak ziren eta.
Hedabide horiek ixteak Txinari egingo omen dion mesedea eta emango dion atsegina da, noski, arrazoibide horren gandorra. “Infernuko poza” izenburu izan zezaketen saski-naskiak ere idatzi dira, gordinak eta egosiak tentuz nahastuz.
Pekineko agintearen iritzi ofizialaren antzekotzat har litekeen Global Times-en editorialak ez dio muzin egiten itxierari, ez horixe. Baina sakonera-karga batekin amaitzeko: “Informazioaren aroan, Mendebaldeko hedabide tradizional batzuen eskuetan zegoen informazio-monopolioa pikutara joaten ari da. VOAk 'gezur-lantegi' gisa eduki duen kontakizun-hegemonia bideotxo batekin puska daiteke...”.
Biharko egunean, halakoak berregiteko asmoak burutik kentzeko, agian.
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.
Urtea baino gehiago da Olatz Simonek –EITBko berriemailea Parisen, garaian–, orrialde hauetan bertan ohartarazi zigunetik Bruselak kazetariari lanbideaz erakusten dionaz. Eta halaxe joan gatzaizkio galdezka Amaia Portugali. Bruselan gure irrati publikoak duen... [+]
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.
Hemendik aurrera egunkarian soilik "norbanakoen askatasuna eta merkatu librea" sustatzen dituzten iritziak jasoko direla adierazi du enpresaburuak. Iritzi artikuluen zuzendariak hedabidea utzi duela ere argitaratu du.
Egitarau mardula prestatu dute Bergarako irrati libreko kideek: musika, literatura eta tailerrak. Besteren artean, martxoaren 29an Txapa Eguna egingo dute.
Diario de Noticias de Álava (DNA) egunkariko langileak sinadura greban daude, eta aspaldi ari dira beren lan baldintza “miserableak” eta horiek kazetaritzaren kalitatean duen eragina salatzen. 2013tik soldatak izoztuta dituzte, eta ordutik erosahalmenaren %30... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
Donostiako San Telmo museoko aretoa jendez bete da Irutxuloko Hitzaren hogeigarren urteurreneko ekitaldian.
"EITB euskalduna, zuzendaritzatik hasita!" lelopean, otsailaren 25ean egingo dute elkarretaratzea, asteartean, EITBko ELA, LAB eta ESK sindikatuek nahiz Aldatu Gidoia ekimenak deituta.
Komunikabideko hainbat langile eta bazkide bertaratu ziren duela astebete Amurrioko Udaleko plenora, dirulaguntza bigarren urtez ezabatu dela salatzeko. Txerra Molinuevo alkateak ez zuen inolako erantzunik eman.