Trumpek prezioa jarri dio Maduroren buruari: 15 milioi dolar
Nicolas Maduro Venezuelako presidenteari eta bere gobernuko hamalau goi-ofiziali Kolonbiako FARC gerrilla berria lagundu izana leporatu diete AEBek. “Narkoterrorismoa” egotzita Venezuelako presidentea atxilotzen laguntzeagatik 15 milioi dolarreko saria eskaini du. Ivan Marquez eta Jesus Santrich gerrillako buruzagiengatik 5 milioi dolarreko saria emango du.
Venezuelako “diktadore ez-legitimoa” AEBetara sartzen den kokainaren erantzule egin du AEBetako fiskal orokor William Barrek, eta adierazi du herritarren osasuna ahultzeko nahita egiten dutela hori. AEBetako gobernuak Venezuelakoa "erregimen odoltsu eta ustela" dela berretsi du enegarren aldiz.
"Narkoterrorismoa, drogen trafikoa, diru garbiketa eta ustelkeria" leporatzen dizkie Madurori eta bere gobernuko 14 agintariri. Narkoterrorismo Kolonbiako FARC gerrilla berriekin elkarlanean egiten duela esan du Barrek, “AEBak kokainaz bete eta AEBetako komunitateak suntsitzeko”.
FARC eta chavismoa, eskutik lotuta?
Venezuela FARCen gotorlekua dela salatu dute, eta 20 urtez horrela izan dela. Venezuela AEBetara joateko igarobide bezala erabiltzen dutela, eta kokaina trafikatzen uzten dietela salatu dute.
Madurorekin batera Ivan Marquez Habanako bake prozesuetako FARCeko buruari, eta Jesus Santrich FARC-EP Bigarren Marquetaliako zuzendaritzako kideari ere egotzi dizkie delituok. Azken hori, Santrich, Habanako bake hitzarmena sinatu eta gero urtebete inguru egon zen kartzelan, hain zuzen ere, narkotrafikoa egotzita. Kolonbiako hainbat erakunde politikok eta sozialek “muntaia eskandalagarritzat” jo zuten prozesu judiziala.
ARGIAk Santrich elkarrizketatu du berriki, eta elkarrizketa hori egin zen garaian oraindik narkotrafikoaren salaketa egin gabe zegoen, baina bere hitzek oraingo kasurako ere balio dute: "Ez zen eta ez da inoiz frogarik izango, nik horrelako gauzetan ez dudalako sekulan parte hartu".
Kolonbiako kanpo harremanetako ministerioak AEBek hartutako erabakiak “narkotrafikoaren eta terrorismoaren aurkako nazioarteko borrokan iragarpen determinatzailea” dela adierazi du. Gehitu du duela zenbait urtetik Kolonbiako agintariek “Nicolas Maduroren erregimen ez-legitimoak babesten dituen bi pertsona horiek entregatzeko beharra azpimarratu” dutela.
Estatu kolpe mota berri bat
Nicolas Maduroren erantzuna laster heldu da. Donald Trump "miserable" bezala definitu du, eta gehitu du AEBek egindakoa "estatu kolpe mota berri bat" dela. "Herria eta honen instituzio demokratikoen aurkako erasoa" dela salatu du.
Gehitu du "Far-Westeko cowboy arrazistek bezalako sariak eskaintzeak Washingtongo elitea supremazista dela" erakusten duela, eta Floridako estatuan botoak lortzeko obsesioak eragin duela ekintza. "Miserable bat zara, Donald Trump. Ez da soilik cowboy arrazista eta supremazista, nazioarteko harremanak estortsio bidez gidatzen dituen pertsona da", amaitu du Madurok.
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Espainiako Gobernuak gezurtatu egin du Espainiako Inteligentzia Zerbitzuekin zerikusirik zutenik. Venezuelaren eta Kolonbiaren arteko mugan atxiki zituzten, baita atzerritar gehiago ere. Haien familiek esan dute turismoa egiten ari zirela.
PP, Vox, EAJ, UPN eta Coalición Canariako ordezkarien 177 aldeko botorekin onartu du ebazpena Espainiako Kongresuak, gobernuari eskatzen diona oposizioko buru Edmundo González presidente gisa onartu dezala. EAJk gobernua sustengatzen duen gehiengoarekin apurtu du... [+]
Igandean heldu da Edmundo González Urrutia Madrilera, Espainiako Armadako hegazkin batean. Venezuelako Gobernuak adierazi du gertatua “bi gobernuen arteko akordioaren” ondorioa dela. Espainiako Gobernuak azpimarratu du Gonzálezek egin duela asilo... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Maduroren hautagaitzak botoen %51,2 eskuratu du, eta %44,2 oposizioko hautagai nagusi Edmundo Gonzálezek, Venezuelako Hauteskunde Kontseilu Nazionalak emandako datuen arabera. Oposizioak iruzurra salatu du, eta chavismoak emaitzak errespetatzera deitu du. Madurok jarraian... [+]
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]