Trumpek abiarazi egin du dagoeneko Mexiko-AEB hesiaren eraikuntza
Donald Trump presidenteak Mexiko eta AEBen artean hesia eraikitzeko lege dekretua sinatuko du gaur. Hauteskunde kanpainan behin eta berriz errepikatu zuen konpromisoetako bat da, immigrante ilegalen sarrera oztopatzeko.
Trumpek Twitter bidez eman zuen astearte gauean egitasmoaren berri: “Bihar segurtasun nazionalerako egun handia izango dela aurreikusten da. Beste hainbat gauzaren artean, hesia eraikiko dugu!”.
Hauteskunde kanpainan Trumpek mexikarren aurka egin zuen askotan, besteak beste handik iristen diren immigrante ilegalei “bortxatzaile” deituz. Presidente berriak hesia Mexikok ordainduko zuela esan arren, hauteskundeen ostean, haren lantaldeak hasierako inbertsioa estatubatuarrek ordaindu beharko zutela azaldu zuen. Beti ere amaieran mexikarrek ordaintzeko ideiarekin.
AEB eta Mexiko arteko mugak 3.200 kilometro ditu eta horietatik 1.000 kilometro daude hesituta. 2009an kaleratutako txosten baten arabera hesi bat eraikitzeak miliako (1,6 kilometro) 3,9 milioi dolarreko kostua izango luke.
Presidente errepublikarrak Siria, Irak, Iran, Libia, Somalia, Sudan eta Yemenetik iristen diren immigranteen etorrera ere mugatu nahi du, El Paísek jakin duenez. Behin-behinean errefuxiatuak heltzea galarazi nahi du eta aipatutako estatuetako hiritarren bisak blokeatu.
Oliobideen borrokak aurrera jarraitzen du
Bestalde, urtarrilaren 24an Dakota eta Keystoneko oliobideak aurrera jarraitzeko dekretua sinatu zuen Trumpek. Gizarteak, eta batez ere herri indigenek, gogor kritikatu izan dituzten proiektuak dira. Obamak agintaldiko azken hilabeteetan geldiaraziak zituen.
Dakotako oliobidearen kasuan, horren aurkako protestak hilabetez luzatu dira Standing Rocken. Siuxek, bertako beste hainbat tribuk eta ekologistek ur horniketan arazoak sor ditzakeela azaldu dute eta lur sakratuen suntsiketa dakarrela, oliobidea Oahe lakuaren azpitik igaroko baita.
Keystone XL oliobideak Kanada eta Nebraska lotu nahi ditu; ekologistek argudiatu dute kultur ondareei, ur hornikuntzari eta bertako komunitateei ondorio kaltegarriak eragingo dizkiela. Trumpek, berriz, esan du Ekialde Hurbilarekiko menpekotasuna murriztu nahi duela erabaki horrekin eta AEBetan lanpostuak sortu.
Enpresa horiekin negoziazioak abiatuko dituela azaldu zuen, produktu estatubatuarrak erosi beharko dituztela adieraziz. Gogoan izan behar da Trumpek berotze globala eta klima aldaketa ukatu dituela. Hori dela eta, Obamaren Klimarako Akzio Plana ere bertan behera utziko duela adierazi du.
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
Air Force One hegazkinean Super Bowl-erako bidaia aprobetxatu du Donald Trumpek, ezartzear dituen muga-zergen berri emateko. Eszenografiaren aldetik, bikain. Etxerako mezua da “lasai baino lasaiago nago ni; begira nora goazen... Estatubatuarrak ere lasai egon daitezke... [+]
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
AEBko John C. Coughenoiur epaileak onartu du Washington, Arizona, Illinois eta Oregon estatuek elkarrekin aurkeztutako helegitea, eta horren arabera atzera bota du Donal Trumpek AEBn jaiotako migratzaile ez legezkoen seme-alabak kanporatzeko dekretua.
"Ameriketako Estatu Batuen gainbehera aldia amaitu da", esanez abiatu du kargu hartze ekitaldiko diskurtsoa Donald Trumpek. Besteak beste, trans eta pertsona ez-bitarren eskubideak deuseztatuko dituela promestu du, baita energia berriztagarrien aldeko politikekin... [+]
Donald Trumpek asteleheneko 18:00etan (12:00ak Washingtonen) egingo dio zin AEBetako presidente izateari. Europako eta beste hainbat herrialdetako eskuin muturreko estatu buruak gonbidatu ditu inbestidura ekitaldira. Egun bakar bat lehenago emandako mitinean aurreratu duenez,... [+]
Hainbat enpresak aniztasun eta inklusio politikak aldatu dituzte Donald Trumpen gobernu berriari ongietorria egiteko.
Donald Trumpek urtarrilaren 20ean berriro hartuko du AEBetako lehendakari kargua, eta bigarren agintaldia izango du Etxe Zurian. Aurreko agintaldian, 2017-2021ean, lotsa gutxirekin ibili bazen erabakiak hartzeko orduan, agintaldi honetan konplexu urri horiek ezabatuko ditu eta... [+]
Pitzatu samar dagoen astakirten baten ateraldia bailitzan hartu zen –Europan batik bat, baina baita gainerako bazterretan ere– 2019ko abuztuan Donald Trump, AEBetako presidenteak Groenlandia erosteko azaldu zuen asmoa.
Ari da mundu guztia kontuak ateratzen Trump 2.0 aldian norberari gerta dakiokeenaren eta munduan gerta daitekeenaren inguruan. Subjektuaren mudakortasuna ezagututa, ziur samartzat eman daitekeen aurreikuspen bakanetakoa da Estatu Batuen Txinarekiko harremanak, ekonomikoak... [+]
Munduko pertsonarik aberatsena da Musk, Forbes-en azken sailkapenaren arabera. Vivek Ramaswamy politikari eta enpresa-buru kontserbadorea izanen du bere ondoan, kargua betetzeko. "Erreforma estrukturala" bideratzekoa dute, gobernuarentzat "inoiz ikusi gabeko... [+]
Argi eta garbi irabazi dio Donald Trump presidente errepublikano ohiak Etxe Zurirako lehia Kamala Harris egungo presidenteorde demokratari. 312/226-eko aldea izango du urtarrileko bozketan Hautesle Kolegioan. 2016an Hillary Clinton galtzaile izan zen, baina herritarren boz... [+]