Troitiñok espetxean jarraitzen du kaleratzea onartu eta hamabost egunera, kimioterapia jasotzen duen bitartean
“Haserrea” adierazi du Etxeratek euskal preso politikoaren egoera dela eta. Azken hamabost egun horietan lau aldiz eraman dute euskal preso politikoa ospitalera. Gaixotasun larria pairatzeagatik agindu zuen Auzitegi Nazionalak euskal preso politikoaren kaleratzea.
Kaleratze auto irmoa jaso eta hamabost egunera Estremerako espetxean (Madril, Espainia) preso dago oraindik ere Antton Troitiño euskal preso politiko donostiarra, Etxeratek ohar batean salatu duenez. Elkarteak azaldu du bi asteko tarte horretan kimioterapia jasotzera lau aldiz eraman dutela Troitiño ospitalera, “oso egoera txarrean”.
“Ez dakigu noiz askatuko duten”
Kaleratze autoa ezagutu zenetik Troitiñoren familia bi alditan bidaiatu da Estremeraraino presoa etxera eramateko asmoz, baina esku hutsik bueltatu da bietan: “Izan ere, Espainiako Auzitegi Nazionalaren labirinto burokratikoaren ondorioz, joan den urtarrilaren 22ra arte (ostirala) ez zen irmo deklaratu urtarrilaren 11n emandako autoa, Antton Troitiñori 104.4 artikulua (3. gradua) aplikatzen ziona”.
Baina autoa irmo deklaratu ostean ere ez dute kaleratu Troitiño. Egoera korapilatu egin da Etxeratek azaldu duenez, ostiralean bertan Espainiako Espetxe Erakundeak 3. graduaren ordez euskal presoari baldintzapeko askatasuna ematea proposatu baitu. “Fiskaltzak eta epaileak ez zuten horri buruzko erabakirik hartu eta presoa espetxean jarraitzea eragin zuen. Orain ez dakigu noiz askatuko duten”
Presoen osasun eskubidea bermatu
“Haserrea” agertu du Etxeratek, besteak beste “gaixotasun larriak dituzten presoen kasuan, pertsonen duintasuna errespetatzeko irizpide eta praktikarik ez dagoelako”. Gogoratu du Troitiñok gaitzaren lehen zantzuak 2020ko apirilean antzeman zituela, baina ez zuela “behar bezala zuzendutako asistentziarik” jaso irailera arte.
Espetxe administrazioari presoen osasun eskubidea berma dezala exijitu dio presoen senide eta lagunen elkarteak. Halaber, Espainiako eta Frantziako gobernuei eskatu die “gaixotasun larri eta sendaezinak dituzten 17 euskal presoen berehalako askatasuna, baita 65 urtetik gorakoena ere, preso guztiak Euskal Herrira hurbiltzen dituzten bitartean”.
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]
Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Ministerio Fiskalak Eusko Jaurlaritzako Justizia Sailaren martxoaren 2ko erabakiaren aurka jarritako errekurtsoa berretsi du Espetxe Zaintzako Epaitegi Zentralak. Ondorioz, preso politiko errenteriarra bigarren gradura itzuliko da.
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
Apirilaren 17an Preso Politikoen Nazioarteko eguna dela eta, agiri bat kaleratu du kolektiboak, eta gogorarazi du urruntze eta sakabanaketa politika bukatu izana “luzaz itxarondako albistea” zela.