Trikiti doinuekin agurtu dute Landakanda
Berotasunez agurtu dute astelehen arratsaldean Landakanda. Jende asko batu da pandero jotzailearen aldeko hileta elizkizunean, eta alboan izan ditu belaunaldi desberdinetako trikiti munduko eta euskal kulturgintzako aurpegi ezagun asko.
Azken agur beroa eman diote gaur, astelehena, Ramon Zubizarreta Landakanda pandero jotzaile azkoitiarrari. Herenegun, zapatua, hil zen panderoaren erregea, 88 urte zituela, eta gaur, Azkoitiko Andre Mariaren Jasokundeko parrokian agurtu dute azkenekoz. Ia bizitza guztian alboan izan duen musika tresna berarekin eraman du Landakandak, hilkutxaren gainean izan baitu une oro horren maitea izan duen panderoa.
Euskal herritar askok izan du gogoan Ramon Zubizarreta Landakanda. Hain zuzen, egun trikitixaren munduan diharduten dozenaka trikitilarik eta pandero jotzailek lagunduta egin du Landakandak beilatokitik parrokiarako bidea. Hileta-elizkizuna amaitu aurretik, berriz, Landakandari omenalditxo bat egin nahi izan diete eliza barruan. Hasteko, bertsoak abestu dituzte Anjel Mari Peñagarikano eta Millan Telleria bertsolariek. Bere inguruan ibilitako beste hainbat trikitilarik, berriz, doinu bat eskaini diete elizkizuna amaitu aurretik. Parrokian elkartutako ia 400 lagunek txaloak eskaini dizkiete nola bertsolariei hala trikitilariei. Elizkizunaren ondoren, bestalde, trikitilari guztiek Euskal Herriko biribilketa abestia eskaini diote Landakandari eliz atari aurrean.
Euskal Herriko Trikitixa Elkartearen mende erdiko historia laburbiltzen duen liburua aurkeztuko dute larunbatean Azpeitian, Euskal Herriko Trikitixa Elkartea. 50 urte eta gehiago izenburupean, Laxaro Azkunek eta Haritz Garmendiak egina. 2022an egin zituen elkarteak urrezko... [+]
Egon edo ez egon bakarkako bederatzigarren diskoa argitaratu du Joseba Tapiak (Lasarte-Oria, 1964). Horri buruz solas egitekoak ginela iritsi da berria: aurtengo Adarra Saria eman dio Donostia Kulturak, bere ibilbide oparoaren aitortza modura. Elkarrizketaren fokua zabaldu dugu,... [+]
Ostiral honetan hasiko da Bartzelonan Tradicionàrius nazioarteko folk jaialdia. Aurtengo edizioak Kepa Junkera musikari bilbotarra omenduko du, beren beregi sortutako Kepa aurrera ikuskizunarekin.
Iñaki Garmendia 'Laja' herriko trikitilari ezaguna hil zen herenegun, eta gaur arratsaldean emango diote azken agurra. Haren aldeko hileta elizkizuna izango da gaur, astelehena, Azkoitiko parrokian, 19:00etan. Trikitiaren baitan batzen diren hainbat... [+]
Kepa Junkera musikaria Belgikako ospitale batean dago, joan den asteazkenean iktus bat jasan ondoren. Ebakuntza egin zioten eta ingresatuta dago, EITBk informatu duenez.
Eleuterio bera zen festa liburua aurkeztu dute Asteasun; trikitia, lagunak eta senideak elkartu dira, Eleuterio Tapiaren argitalpenaren aitzakian.
Elgeta handia hil zen urtean jaio zen Joseba Tapia handia, Eleuterio Tapia handiaren iloba. Denak handi, soinu txikia jotzen handi, soinu txikiaren poz handitasuna aldarrika han eta hemen eta munduan barrena, Besamotzak disko berrian nahiz Larreko eskolatik liburuan.