Trekutz eguna egingo dute irailaren 7an Antzuolan
Meaka-Irimo herri plataformak antolatu du egun hau, Capital Energy multinazionalaren Trekutz proiektuaren aurka mobilizatzeko. Ekitaldiaren ondoren toka txapelketa, herri bazkaria, bertso saioa eta erromeria gozatuko dute Irimo eta Trekutzera igotzen direnek.
Capital Energyren Trekutz proiektuak 200 metroko bi haize errota jarri nahi ditu, bata Irimo mendian eta bestea Meakan. Hori gauzatu ez dadin lanean ari dira beste urte batez Meaka-Irimo herri plataforman eta egun osoko egitaraua antolatu dute larunbaterako.
9:00etan Antzuolako plazan elkartuko dira eta Irimo tontorrerako bideari ekingo diote. 11:30ean ekitaldia egingo dute tontorrean. Ondoren (12:30 aldera) toka txapelketa izango da Gaztelugain elkartean (Trekutzen). Herri bazkaria 14:30ean hasiko da, nahi duenak aurrez tiketak hartuta eta nahi duenak etxetik berea eramanda. Bazkalostean bertso saioa eta erromeria izango dira, azken hau Astiazaran eta Narbaizaren eskutik. Eta iluntzean Antzuolako gaztetxean izango du errematea Trekutz egunak, Harrikadak taldearen kontzertuarekin.
Trekutz egunaz gain, beste bi ekintza antolatu ditu Meaka-Irimo herri plataformak irailerako:
Eusko Jaurlaritzaren egoitzaren aurrean elkarretaratzea
Irailaren 17an, asteazkenarekin, elkarretaratzea egingo dute Gasteizen, Eusko Jaurlaritzaren egoitzaren aurrean (Donostia kalean), 10:30etatik 11:30etara. Antzuolako herritarrak elkarrekin joateko hitzordua jarri dute, 9:30ean herriko plazan.
Hamaika diziplina anitzeko erakusteka
Irailaren 19an zabalduko dute lurraren defentsan egina den Hamaika erakusketa Olaran etxean (artikulu honetan duzu erakusteka berezi horren berri). Arratsaldetan egongo da ikusgai (18:30etatik 20:00ak arte) egun hauetan: 19, 20, 21, 22, 27, 28 eta 29an.
Hamaika erakusketaren irekiera ekitaldi berezia prestatu dute: irailaren 19an 18:30ean Irantzu Piquerok berak egingo du aurkezpena, erakusketa horren arduraduna, editorea eta ilustratzailea denak. Jarraian, solasaldia egingo dute makroproiektuen eragina bizi duten lau herritarrek galdera hau abiapuntu hartuta: Zertan aldatu du nire bizitza gertuko makroproiektu horrek? 19:15ean kontzertu akustikoa eskainiko dute Isuok eta Bargik eta ondoren mokadutxoa eta erakusketaren irekiera izango da.
Erakusketa amaitzeko egunean, irailaren 29an, itxiera berezia egingo dute: As Bestas filma emango dute Torresoroako aretoan, 18:30ean.
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna: Urumeako mendietan ezarri nahi duten Euskal Herriko zentral eoliko handienaren kontrako protesta izan... [+]
Susmoa dut komunitatea hustuketa prozesu betean dagoela, eta beldur naiz, beste askori gertatu eran, mamirik gabeko bilgarri ez ote den bilakatuko, jada bilakatu ez bada. Ikustea besterik ez dago, komunitatearen izaera holistikoa gero eta modu lausoagoan heltzen da, eta Che... [+]
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Cefiro Holdco enpresak "Domiko" deitu dion eta bederatzi makroeoliko izango lituzkeen proiektua jarri nahi du Lesaka eta Goizuetako lurretan eta ebakuazio-linea Oiartzungo azpiestaziora bideratuko luke. Espainiako Gobernuak du proiektu hau tramitatzeko eskumena.
Bolo-bolo dabil energia berriztagarrien hedapenaren inguruko eztabaida. Sarri askotan, iritsi den proiektu zaparrada desordenatuak eragindako artegatasunak bultzatuta, albiste zein iritzi-artikulu mordoaz gain, hitzaldiak, eztabaidak, mahai inguruak, bideo emanaldiak eta abar... [+]
Komunitatea bildu, pilpilean dauden gaiez hitz egin, informazioa trukatu eta beste herrien esperientziak ezagutzea da herritar kritikoek egiten duten lehen ekintza, makroeoliko bat herrian jarriko diotela jakiten duenean. Halaxe egingo dute martxoaren 13an Andoainen: mendi... [+]
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
Makroproiektu "berriztagarriek" sortzen dituzten ondorioak filmatu ditu Vidas irrenovables (Bizitza ez-berriztagarriak. Euskarazko eta frantsesezko azpitituluak prestatzen ari dira) dokumentalean Extremadurako (Cabeza del buey, Espainia, 1985) landagunean hazitako... [+]
"(Oiongo osoko bilkuraren) helburua argia da, legez legitimatzea tramitazioan irregulartasun nabarmenak dituzten megaproiektu energetikoak"
Joan den asteazkenean egun gogorra eta desatsegina bizi izan genuen, ez bakarrik Labrazarentzat, baita zentral eoliko,... [+]
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.