Trebiñuko konderrian barna doa euskara
Korrikak urratsak ditu oinarri, milaka euskal herritarrek batak bestearen ondoan eta jarraian emanak. Euskarak ere oinarri bera du, hitz baten ostean bestea egitea. Eta edozein herritarren urratsak dira ekarpen, baita –edo bereziki– kokapen edo egoera administratiboagatik are zailagoak diruditen eremuetan. Gogora datorkigu Trebiñuko Konderria; euskara ikasleak badira han ere, eta batzuk hutsetik hasteko prest daude aurten.
Marcos Garciak lau urte daramatza euskara ikasten, ez etxean ez eta ikastetxean jasotzeko aukerarik izan ez zuen hizkuntza. “Eskola publikoan ikasi nuen eta euskara irakasgai bat zen”, dio. Urruti dagoela iruditu arren, duela ez hainbeste urte ikastetxe askotako errealitatea zen A eredua.
Hirugarren urratsean hasi zen euskaltegian eta hasiera gogor samarra izan zela aitortzen du. Hala ere, gerora ondo moldatu da. Egun, seigarren urratsean dago, beste bost ikaskiderekin batera, helburu argi bezain sinple batengatik lanean: “Euskaraz hitz egin nahi dut. Aspalditik nahi nuen baina orain nire lanak uzten dit, jardun erdiz egiten dut lan eta denbora pixka bat dut”. Hizkuntzak ikasteko hain garrantzitsua izan daitekeen ingurua ere alde du: “Etxean entzuten dut euskara. Nire bikotekideak eta alabak euskaraz hitz egiten dute”.
Euskara klaseetara Argantzunera joan arren, Armiñonen bizi da Garcia. Kalean euskara apur bat erabil dezakeela dio, baita Argantzunen hainbat lagunekin euskaraz egiteko aukera duela ere, baina “pixka bat, kosta egiten zait”.
Korrikako lekukoa
Garciak ez du nolanahi bizi Korrika, izan ere, “oilo ipurdia” jartzen dio. Gainera, milaka eta milaka euskal herritarrek kilometrorik kilometro babesten duten euskararen aldeko mezua esku artean izan zuen duela bi urte, bera bezala euskara ikasten ari direnak gogoan izan zituen mezua hain zuzen ere. “Primerakoa izan zen” dio Garciak.
Esperientzia pertsonalaz harago, inguruko jendeak nola bizi duen azpimarratzen du: “Korrika jaia da, positiboa, ona. Jendeak ondo hartzen du, pozik dago eta inplikatzen da”.
Gero eta talde gehiago
Euskararen aldeko jaiek sor dezaketen ilusioa ukaezina da baina Garciak badu beste poz bat ere: aurten euskaraz ikasteko bi talde gehiago sortu dira Argantzunen. “Hutsetik hasi den taldea sortu da, lehen urratsekoa”. Beraz, euskarak badu jarraipenik. “Lau talde gara Trebiñun eta taldeetan jende gutxi egon arren (sei edo zazpi pertsona), poliki-poliki aurreratzen ari gara. Ni pozik nago”, azaldu du.
Horrek kaleko giroa ere euskaldunagoa egiten du, ikasleak gelatik irtetean euskaraz egiten dute-eta euren artean. Euskara kalera ateratzeko helburuarekin antolatu nahi izaten dituzte ikasgeletatik kanpoko ekintzak ere, “irakasleak saiatzen dira baina azkenean bi edo hiru bakarrik animatzen gara. Besteek, nagikeriagatik edo ez dakit zergatik baina ez dute nahi klasetik atera”.
Armiñongo euskara ikasleak argi du horrelako ekintzek elkarri laguntzeko balio dutela, batzuei besteei baino gehiago kostatu arren euskaraz egitea, ahalegintzeko bultzada ezin hobea direlako.
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Bilboko Alde Zaharreko Korrika batzordeak auzoan egin zuten ekimen bat baimenik gabe antolatzeagatik udalaren 1.500 euroko isuna salatu du. Ekintza hau arau-hauste larritzat jo zuen udalak, eta auzokideek espazio publikoaren erabilera defendatu dute.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, martxoaren 24arekin heldu da Korrikaren lekukoa Baionako Askatasun plazara, eta mezu sekretua irakurri du Garazi Arrulak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak,... [+]
43 urte igaro dira AEK-k lehenengo Korrika antolatu zuenetik 1980an. Lekukoak egindako ibilbideen, leloen, abestien eta omendutako pertsonen errepasoa jarraian.
Garazi Arrrula Ruiz izan da aurtengo Korrikaren mezugilea. Txalaparta argitaletxeko editorea da tafallarra. Baionan, milaka euskaltzaleren aurrean, esan du euskara ez dela "ez altxor, ez oroitarri, ez toponimia. Euskarak hegemonia hartzeaz ari gara". Eta gehitu du... [+]
AEKren mezua bertako kide Maider Heguyk eta Bixente Claveriek irakurri dute. Erakundeei “hizkuntza politika ausarta eta sendoa” eskatu diete eta ez “brilli-brillizko bilgarria”. Konpromiso eta baliabide gehiago eskatu dituzte. Gogorarazi dute oraindik... [+]
23. Korrika makina bat irudi esanguratsu egiten ari da, eta dagoeneko oso ohituta gaude jendetza ikustera "Harro Herri" leloaren atzetik korrika. Baina gauean zer pasatzen da? Larunbatetan ere, jendea festan dagoen bitartean, lekukoa norbaitek sostengatzen du. Nafarroa... [+]
Korrika egunez egun erakusten ari da pasatzen den txoko guztietan nola pizten duen harrotasun sentimendua, euskaldun izatearen harrotasunarena. Emozio horixe da, batik bat, euskara transmititzen jardun duten adineko pertsona horiena.
