Trebiñuko auziari buruzko lantaldea osatzea eskatu dute Espainiako Senatuan
Trebiñuko eta Argantzungo alkateek Espainiako Senatuan aurkeztu dituzte Araba ofizialaren parte ez izateak dakarzkien arazoak; gaia jorratzeko lantalde bat eskatu dute. PP eta PSOE kontra azaldu dira.
Trebiñuko alkate Elena Ramirez eta Argantzungo alkate Roberto Ortiz de Urbina Espainiako Senatuan izan dira asteartean, haien udalerrietan egunero bizi den egoera senatariei azaltzeko. Besteak beste, aferak hezkuntzari, nekazaritzari edota industriari nola eragiten dien azaldu dute. Eusko Jaurlaritzak duela gutxi egindako proposamena babestu dute bertan: auziarekin zerikusia duten instituzio guztien arteko lantalde bat osatzea, hain zuzen.
Bai PP zein PSOE alderdiek eskariari muzin egin diote. PSOEko senatari Marcelino Iglesiasek Arabako eta Burgosko diputazioek duela gutxi sinatu dituzten hitzarmenetan sakontzeko eskatu du. Alkateek mahai gainean jarritakoak "gure herrialdeko barneko lurraldeen %80an izaten diren arazo berdinak" direla babestu du, eta Gasteiztik hain gertu bizitzea trebiñarrentzat "abantaila" dela esan die.
Errenta handiagoa
PPko Maria Begoña Contrerasek esan du alkateek azaldutakoa "errealitatearekin bat" ez datorrela, eta Trebiñuko biztanleko errenta, EAEko errenta baino txikiagoa izan arren, Burgosko bataz bestekoa baino handiagoa dela argudiatu du.
Contrerasek beste argudio bat baliatu du eskariari ezetz esateko: Euskal Autonomia Erkidegoko enklabe bat Gaztela eta Leonen balego, "ez legoke liskarrik"; era berean, "gure estatutuen harrotasuna bi kasuetan" mantendu beharra dagoela erantsi du, "Bai Gaztela eta Leongoa zein Euskadikoa". Espero zen moduan, EAJ eta EH Bildu alderdiez gain, Unidos Podemos, ERC, PDeCAT eta Coalicion Canaria alderdiek auziari irtenbidea emango liokeen edozein proposamen babestuko dutela aurreratu dute. Roberto Ortiz de Urbina eta Elena Ramirez alkateek auziari irtenbidea emango dion lantalde bat eratzea eskatu dute.
Albiste hau Arabako Aleak argitaratu du CC-By-SA lizentziari esker ekarri dugu ARGIAra.
Trebiñuko herritarrek bizi duten egoera "anakronikoa" salatu zuten igandean.
Trebiñu Araba Da plataformak arbuiatu du epaitegien aginduz Trebiñun euskara planak baliogabetu behar izana eta hezkuntza publikoan euskaraz ikasteko eskubidea ukatzea. Trebiñu Araban integratzea eskatu dute, "inposizioaren" gainetik.
Gaztela Leongo hauteskundeen biharamunean, Xabi Iturriza trebiñarra izan dute Hizpidea saioan. Trebiñu Araba izateko arrazoien inguruan mintzatu dira berarekin. Otsailaren 26an aurkeztuko da Trebiñu Araba da! taldea.
PSOEk lortu du bozka gehien bai Trebiñun bai Argantzonen, Gaztela eta Leongo Juntarako bozetan. 1.506 pertsona zeuden bozkatzera deituak Trebiñuko barrendegian, eta horietatik 558k bozkatu dute, %37ak.
650 metroko garaieran, izotza sarri, Araba erdian baina Burgosen, “lurralde ahaztua”. Trebiñuren bereizgarriek derrigor markatzen dute hango laborantza, sagarrarena tartean, 1998an Askartzan ireki zuten sagardotegiaren ibilbideak erakusten duenez.
Argantzungo eta Trebiñuko udaletako osoko bilkurek gehiengo osoz erabaki dute lan-mahai bat sortzea, egun Burgoseko probintziaren administraziopean dagoen barrundia ofizialki Arabako parte izatea lortzeko.
XVII. mendetik hona dago Trebiñu Burgosen menpe. Urteak dira trebiñutarrek beren gogoa adierazi dutela, Araban bizi dira, Arabako lurretan dira, Arabako izan nahi dute administrazio zereginetarako ere. Orain, Lege Organikoaren proposamena egin dute Gasteizko... [+]
Trebiñuko bi udalek euskara sustatzeko lau urterako plan estrategikoa onartu zuten 2020ko amaieran. Orain, Trebiñu administrazioarekiko auzien auzitegira eraman du Gaztela eta Leongo Juntak, eta Argantzon horrekin mehatxatu du.
Espainiako Kongresuak alarma egoera berriro luzatzea onartuko du gaur, Gobernuak EAJrekin lortutako akordioari esker; ondorioz, Trebiñuk Arabako gainontzeko eskualdeen baldintza berdinetan egingo du deseskalatzea.
Azaroaren 10eko hauteskunde orokorren atarian, Trebiñuko herritar talde batek paratxutistak eskegi ditu herriko faroletan Trebiñu Araba dela aldarrikatzeko.
Probintziaren Egunean gutuna eman diote Argantzungo eta Trebiñuko alkateek Cesar Rico Burgosko Diputazioaren presidenteari.
Markinez-Amozarrain sendikoak euskaraz aritzen dira etxean eta lantokian. Euskaldun asko hartzen dute haien ogibide den sagardotegian. Trebiñun daude, eta izen bereko sagardotegian euskara lehen lerroan izan dadin saiatzen dira. Lazarraga Saria ere irabazi dute, eta... [+]
EAJk eskatuta, Trebiñuko Konderriko eta Argantzungo alkateek Espainiako Senatuan agerraldia egingo dute gaur, 11:30ean.
Ekainaren 17an izango da “Irrikitan” izenburupean Araba Euskaraz Trebiñu barrendegian. Hirugarren aldiz antolatuko du Argantzon Ikastolak Araba Euskaraz. Adabakia deitzen diote trebiñuar askok beren konderriari, administratiboki Burgos baita, eta... [+]