Trebiñu ofizialki Arabako parte izateko ekimena abian jarri dute berriz
Argantzungo eta Trebiñuko udaletako osoko bilkurek gehiengo osoz erabaki dute lan-mahai bat sortzea, egun Burgoseko probintziaren administraziopean dagoen barrundia ofizialki Arabako parte izatea lortzeko.
Aldarrikapen historiko bati berriz ekitea erabaki dute asteazken honetan Trebiñun, herri nagusi diren Trebiñuko eta Argantzungo udaletan egindako osoko bilkura banatan. Enklabea Arabako parte izatea nahi dute "baliabide publikoen aprobetxamenduaren mesedetan eta jarraikortasun geografikoa" kontuan edukita.
Hamarkadak daramatzate trebiñuarrek euren ez-ohiko egoera salatzen, oso urruneko zaien Burgosko probintziaren administraziopean bizitzeak eta arestian aipaturiko printzipio horiek hausteak "kalteak eta oztopoak" ekartzen dizkietelako enklabe horretako herritarrei. Arabako bihotzean bizi dira, eta Araban nahi dute egunerokoan ere bizi.
Hala, osoko bilkuretan, Trebiñu Arabako parte izateko ekimena berriz aktibatzea erabaki dute ofizialki (pdf), bi herrietako alkateak, Enrike Barbadillo eta Pablo Ortiz Latierro, bertan zirela. Erabakia gehiego oso handiz hartu da Trebiñuren kasuan (%83,3) eta Argantzunen kasuan, berriz, aho batez, Arabako Aleak emandako datuen arabera.
Arabarekin bat egiteko ekimen instituzional komun horrek hiru hanka edukiko ditu. Batetik, iritzi publikoak eragiteko komunikazio kanpaina bateratua egitea; bestetik, lan-mahai bat osatzea, konderria Arabako lurralde historikoan integratzeko bidean tokiko erakundek zein eragileek "etengabeko elkarrizketa" izan dezaten; eta azkenik, herritarrei deia, ekimena sustatu eta antolatzen lagundu dezaten.
Bizi garen gizartea erabat oinarrituta dago menpekotasunean. Mendeetan zehar gure bizitza horren arabera eratu da, eta poliki-poliki erabakitzeko eskumena, askatasuna eta burujabe izatea murriztuz joan dira. Batzuetan bortizki kendu dizkigute; besteetan, ordea, geuk eman ditugu... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Herritarrei eta Hernaniko enpresei energia aholkularitza eskainiko die.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.
Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]