“Tratu iraingarria” salatu dute Laudioko San Roke adinekoen egoitzan
"Duintasuna urratzerainoko gertakariak" sarri errepikatzen direla seinalatu dute egoitza horretako senideek Arabako Foru Aldundiari bidalitako gutunean. Aldundiak dio egoera ez dela "hain larria".
"Pixoihalak bistan" eramatera behartzen dituzte Laudioko San Roke adinekoen egoitzako erabiltzaileak, idatzian jaso dutenez. Zaintza Araba elkarteak sinatu eta bidali du gutuna, erabiltzaile diren adinekoen senideekin hitz egin ondoren: "Galtzak atzeko aldetik irekita eramateko eskatzen zaie, goma bat dutela gerrian; eskakizun surrealista horren argudioa da horrela pixoihala errazago aldatzen zaiela eta ez dietela minik egiten".
Horrez gain, senideen esanetan, ibiltzeko laguntza behar duten egoiliarrak gurpil-aulkian egoten dira egun osoan, eta ez zaie laguntzen oinez ibiltzen. Hori ere senideen ardurapean geratzen dela adierazi dute.
"Non daude errespetua, duintasuna eta etika?", galdegin du Zaintza Arabak gutunean. Ez du, dena den, langileen teilatuan ipini ardura: zentroko langile eta erizainen ratioak ez direla nahikoak uste dute, janariaren kalitatea izugarri jaisten ari dela, ganorazko kontrolik ez dagoela... Arazo horien guztien "konponbide berehalakoa" exijitu diote Arabako Aldundiko Gizarte Politiketako foru diputatu Gorka Urtarani.
Urtaran: "Gorabehera garrantzitsurik ez"
Aldundiak oharra kaleratu du Zaintza Arabari erantzuteko, eta ukatu horrelako "tratu iraingarririk" jasotzen dutenik. Gorka Urtaranen departamentuak dioenez, zentroaren egunerokoari loturiko "kexa batzuk" aurrez bazekizkiten, baina ez dago salaketarik erregistratuta. Gainera, oharrak dio duela gutxi egin zela ikuskapena, eta "gorabehera garrantzitsurik" ez zutela atzeman. Horrez gain, "harridura" azaldu du Aldundiak egoitzako langileen profesionaltasuna "zalantzan jarri nahi" delako.
Ratioei dagokienez, oharraren arabera, dekretuaren "oso goitik" daudela esan du Aldundiak: "Erizainen kasuan, ratioa gainditzen da %316an; plaza psikogeriatrikoak %127 gehiago dira; eta erizain laguntzaileen kasuan, ia bikoitza daude".
Arabako zahar egoitzen egoera lehen planora pasa da berriz ere azken asteetan. Zaintza Araba elkarteak Gasteizko Arabarren eta Laudioko San Roque erresidentzietako egoiliarrei ematen zaien tratua salatu dute, hainbat senideren testigantzak jaso ondoren. Langileen lan-baldintza... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian... [+]
Hitzarmenak eta egoerak ezberdinak dira lurralde bakoitzean, baina lan baldintza duinen eskean dira zahar etxeetako langileak. Grebak antolatu dituzte Nafarroan, Bizkaian, eta Araban, eta Gipuzkoan LABek elkarretaratzea egin du UGTk adostutako akordioak “egoera... [+]
55 urtetik gorako pertsonen bizi-baldintzak aztertzeko EAEn egin duten inkestaren arabera, asebeteta dagoen jende aktiboa da gehiengoa, zahartzaroaz sarri eman ohi den irudi ezkor eta infantilizatutik urruti.
Irailaren 17an manifestazio jendetsua egin zuten Madrilen, Beste zaintza eredu bat posible da lemapean. Estatuko Plataforma osatzen duten zaharren egoitzetako senideen elkarteek deitu zuten, tartean Zaintza Babesten federazioak. Instituzioei zein herritarrei argi utzi diete... [+]
Hitzarmen kolektiboaren negoziazioa geldituta dago 2021eko otsailetik. ELAk eta LABek negoziazio mahaitik altxatzea erabaki zuten orduan, patronalak plataformako edozein artikulu aldatzeari uko egin ziola arrazoituz. Besteak beste, sindikatuek ez zuten onartu patronalak egiten... [+]
Elizondoko zahar etxeko langileek prentsaurrekoa egin dute asteartean, iragartzeko azkenean hitzarmen kolektiboa berritzeko akordioa lortu dutela, hainbat greba egun eta mobilizazio ugari egin ostean. Langile batzordeak aho batez onartu du akordioa.
Arabako erresidentzien sektoreko lehen hitzarmena lortzeko ari dira borrokan. Orain hiru urte hasi ziren mobilizazioak. Hala ere, patronalak negoziazio blokeatzen jarraitzen duela salatu dute sindikatuek.
Salaketa jarri dute LAB eta ESK sindikatuek Bizkaiko Foru Aldundiko Ikuskaritzan. Greba hasi dute asteartean berriro Orozkoko Ibarra auzoko egoitzako langileek, lan baldintza duinen defentsan.