Trantsizio ekologiko eta sozialaren alde Bizkaia, Gipuzkoa eta Arabako kaleak hartu dituzte herritarrek
Ia ehun gizarte eragile biltzen dituen Larreko Mahaiak antolatu du U30 Aldaketaldia ekimena urtarrilaren 30ean. Hiru hiriburuetan eta hainbat herritan arazo ekologiko eta sozial lokalak eta globalak bistara ekarri dituzte. Agintari politikoei dei egin diete oraingo eredu ekonomiko eta sozial bidegabe eta ez jasangarria alboratu eta norabide aldaketa abia dezaten.
Gizarte eragile ugariren artean izan dira talde ekologistak, feministak, sindikatuak, arrazakeriaren kontrakoak eta auzo elkarteak. Antolatzaileek adierazi dutenez, urtarrilaren 30eko ekimenak aldaketa baten hasiera baino ez dira izan.
Ecuador Etxeak Bilboko berri jaso du. Manifestazioan 400 pertsona inguru bildu dira. Eusko Jaurlaritzaren eraikinetik hasita, kilometro bat egin, eta Bizkaiko Foru Aldundian amaitu dute. Irakurritako oharrean ondokoa adierazi dute antolatzaileek: “Egungo larrialdi ekosozialaren aurrean, behar beharrezkoa den trantsizio ekologiko eta justu baten aldeko urratsak eman beharrean, Bizkaiko Foru Aldundiak, Eusko Jaurlaritzak bezala, egoera honetara ekarri gaituzten politikekin jarraitzen du, nahiz eta berde kolorearekin margotzen ahalegindu: azpiegitura erraldoietan (Super Sur, Itsasadar azpiko autobidea, Abiadura Handiko Trena…) diru publikoa xahutuz, premiazkoa den fiskalitate berde eta progresiboa oztopatuz, eukaliptoan oinarritutako baso kudeaketa sustatuz…”.
Gasteizen, Plaza Berrian
Hala Bedi-k Arabako hiriburuan egindako elkarretaratzearen berri eman du. Plaza Berrian elkartu direnean hala irakurri dute adierazpen bateratuan: “Beharrezkoa da norabide aldaketa sakona exijitu eta trantsizio ekologiko eta sozialki justu baten alde urratsak emango dituen jendartea aktibatu eta saretzea. Argi dugu bizitzaren aldeko norabide-aldaketa hori ez dela gauzatuko horren alde egiten duen euskal gizarte aktibo eta saretua ez badugu”.
Donostian, Egiako parketik Bulebarrera
Donostiako berri jaso du Irutxuloko Hitzak. Hedabideak adierazi duenez, ehunka herritarrek aldarrikatu dute larrialdi ekologikoa eta azpimarratu larrialdi hau ez dela urruneko kontu bat, baizik eta Euskal Herrian ere sortzen dugula.
Juanmi Galatas Larreko Mahaiko bozeramailearen hitzak jaso ditu Donostiako hedabideak: “Gure kontsumo mailarekin, azpiegitura erraldoiekin, trafiko izugarriarekin sortzen laguntzen dugu larrialdi ekologikoa. Planeta hemen hasten da: hemen egiten dugunak eta ez dugunak eragina du planeta osoan. Arazo global hori lokalera bihurtzea da Aldaketaldiaren helburua”.
Eguzki talde ekologistak Donostiako manifestazioko hainbat argazki, eta herrietako ekintzak eta elkarretaratzeak bildu ditu bere webgunean. Lotura honetan dituzue argazkiok.
Zaldibar gogoan
Otsailaren 6an urtebete izango da Zaldibarko zabortegia bertan behera erori eta bi langile azpian harrapatu zituela. U30 Aldaketaldiaren mobilizazioetan gogoan izan dute Zaldibarren gertatutakoa eta otsailaren 6an Zaldibar Argitu plataformak antolatutako mobilizazioetan parte hartzera deitu dute.
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]
Akainak edo kaparrak batetik, eltxo tigreak bestetik, Euskal Herrian duten presentziaz eta gurean dauden espezieez mintzatu zaigu Aitor Cevidanes ikertzailea. Osasuna eta ingurumena hizpide, dituzten arriskuez, herritarron uste faltsuez eta klima aldaketaren nahiz gizakion... [+]
Klimari buruzko datuak jasotzen dituen Copernicusen arabera, hamahirugarren hilabetez jarraian errekorra hautsi da aurtengo ekainean. Parisko Akordioan hitzartutako 1,5ºC-en helburua ez da bete eta egoera aldatzen ez bada, errekor negatibo berriak izango direla aurreikus... [+]
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]
Zeintzuk dira gure benetako beharrizanak ondo bizitzeko? Zer da ondo bizitzea? Galdera hauei erantzutea funtsezkoa da gehiegikeriaren gizartean, are gehiago larrialdi klimatiko, ekologiko eta zibilizazio krisiaren garaiotan.
Azken urteotan nabaritu den beroketa globalaren emendatzea neurri batean kutsadura murriztearen ondorioa da, hain zuzen, murriztuz doazen aerosol sufredunen isurketek, berez, berotegi efektuaren zati bat konpentsatzen dutelako. Paradoxa horrek egoera berri batean sartzen gaitu,... [+]
Ostegunean hasi da uda. Hartara, udaberriko eguraldiaren balorazioa eta udakoaren iragarpena egin du gaur AEMETek. Apirila 1961az geroztik hilabeterik lehorrena izan den arren, udaberri “arrunta” izan da eta uda ohi baino beroagoa izatea aurreikusi dute.
Elba ibaiaren arroa, 1417. Lehorteak eraginda ibaiaren mailak nabarmen egin zuen behera, eta norbaitek ur maila markatu zuen harri batean, idazkun bat zizelkatuta: “Harri hau berriro ikusten baduzu, negar egingo duzu. Ura maila honetan zegoen 1417... [+]
Ozeano Barean, atoloi apalez osatuak, Marshall uharteak dira klima aldaketaren aurrean herrialde hauskorrenetakoak, itsas mailaren gorakadak zuzenki mehatxatzen dituelako. Bertako gobernuak egokitze plan sakon eta zehatz bat martxan jarri du, biztanleekin elkarlanean, behetik... [+]
Teofanes Aitorlea kronikalariak jaso zuenez, 763-764ko negua inoizko hotzenetakoa izan zen Konstantinoplan. Elurrak eta izotza hartu omen zuten bizantziar hiriburua eta Bosforon iceberg bat ere ikusi omen zuten.
Orain arte klima hoztea, besteak beste, jarduera... [+]
Frantziako Estatuaren menpe segitzen duen Indiako Ozeanoko Mayotte irlan biderkatuz doaz kolera kasuak. Uraren kudeaketa kaskarra izan ohi da eritasun horren zabalpenaren arrazoietan eta, hain justu, uraren krisi gogorrari aurre egin nahian dabiltza bertako herritarrak. Bigarren... [+]
Etiopia, Somalia eta Kenyako hainbat eskualdetan ia hiru urtez euririk gabe egon ondoren, azkenaldian urpetuak izan dira. Sasoi kontrasteak ohikoak izanik ere eskualde hartan, klima aldaketarekin larritzen dira, eta euriak hobeki baliatzeko hainbat tokiko ekimen garatzen ari... [+]