Trans legea onartu eta urtebetera, 227 pertsonak egin dute aldaketa EAEko erregistroan
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.
2023ko otsailaren 28an martxan jarri zen Trans Legearen funtsetako bat zen trans pertsonen eskubideak errespetatzea Erregistro Zibilean izena eta sexua aldatzerakoan. Ordura arte ziurtagiri mediko bat eskatzen zioten aldaketa egin nahi zuen pertsonari, hala nola hormonak hartzen ari zela bermatzeko. Legea aldatu zenetik ez da halakorik behar, eta adin txikikoen eskaerak ere arautzen ditu.
Urtebetean Bizkaian 152 pertsonak, Araban 45ek eta Gipuzkoan 30ek egin dute aldaketa, Eusko Jaurlaritzako Berdintasun, Justizia eta Gizarte Politiketako departamenduak jakinarazi duenez. Dena den, beste hainbatek ezin izan dutela egin gogorarazi du LGTBI kolektiboko aktibista Asmi Ananda Molinak, oztopoak direla eta, El Diario Vascori jakinarazi dionez: “Pertsona batzuek ezin dute euren nortasuna adierazi, sistema bitarra dugulako, maskulino eta femeninoarena. Pertsona ez bitarrak daude, ez direnak eroso sentitzen definizio horiekin, eta intersexualak ere bai”. Ananda Molinak dio kolektibo horien guztien eskubide berdintasuna behar dela, eta estatuko legeak zein EAEkoak hutsune hori dutela.
Bestalde, Justizia kontseilariordearen esanetan, “garrantzia handiko” pausoa da, nahiz eta prozesua “erraz samarragoa” izan orain: “Batzuek prozesua bertan behera uzten dute, konturatzen direnean horrek duen eragina. Jendeak iraganeko bizitza zibila dauka, eta dena aldatu behar da”. Prozesua konplexua da, Erregistro Zibilean ez ezik, gainerako dokumentu eta ziurtagiri guztietan egin beharko luketelako aldaketa. Hortaz, jakinarazi dute batik bat 14 eta 19 urte arteko gazteak direla aldaketa egiten ari direnak, eta gutxiago 40 edo 50 urtetik gorakoak.
Hainbat kolektibok salatu du Gurutzetako ospitaleko Genero Identitatearen Unitatean arreta jasotzen duten transei lehen harrera psikiatrikoko profesionalek egiten dietela, horrek transak patologizatzen dituela eta harrera endokrinoak egin beharko lukeela. Harrera endokrinoak... [+]
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
BAMBIk (Amurrio, 1999) diru bilketa abiatu du, bere trantsizio prozesuaren barruan, aurpegia feminizatzeko asmoz. Trans kolektiboaren egoeraren eta bere ibilbide artistikoaren inguruan mintzatu da.
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek.
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
Gehiengo zabalarekin onartu dute. EAJ, PSE-EE, EH Bidu eta Elkarrekin Podemos-IU-k baiezkoa eman dute, eta PP aurka agertu da.“Hainbat hobekuntza” txertatuko dituzte Osakidetzan, hezkuntzan eta lan-arloan.
Gurutzetako ospitaleko Genero Identitatearen Unitatearen “arreta txarra” eta “tratamendu bortitza” salatu du Izei Etxeberriak.
Trans pertsona arrazializatuek, trans pertsona arrazializatuentzat sortutako dantza da vogue-a. Interneten bideoak ikusita horren berri izan zuen Anouar Merabetek (Martil, Maroko, 1991), eta Euskal Herrian komunitaterik ez zegoenez, Parisera joan zen ikastera. Ostean, Kiki house... [+]
Ehundik gora lagun bertaratu ziren iragan larunbatean Laudioko Orbeko Etxean eginiko ‘Txao Titis, Titi gabe bada paradisua’ jaialdira. Ekimenaren helburu nagusia mastektomia egin nahi duen Laudioko pertsona trans bati ebakuntza hori egiteko dirua biltzen laguntzea... [+]
Tratu txarrak Osakidetzako langile batzuen eta Ertzaintzaren partetik pairatu dituela salatu du.
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.