Nafarroan 800 traktore inguru mobilizatu dira sindikatuetatik kanpo, eta Iruñerrian eta Erriberan sortu dituzte trafiko arazoak nagusiki. Araban, herrialde osoko 500 traktorek bat egin dute Gasteizen, UAGAk deituta. Mobilizazioek bihar jarraituko dute, eta Bizkaian ostiralean deitu dituzte nekazariek errepidetara EHNE-Bizkaia eta ENBA-Bizkaiak. Lehen sektorea egoera larrian dagoela salatzen ari dira, eta irtenbideak exijitzen.
Nafarroan, Iruñerrian, Lizarran, Tafallan, Tuteran eta Irunberri zentratu dira nekazarien deialdiak, Berria-k jaso duenez. Goizean goizetik irten dira traktoreak errepidetara, eta lehen orduetan trafikoan eragin nabarmena izan dute, bereziki Iruñerrian eta Erriberan. Iruñerrian 150 traktore inguruk arazoak sortu dituzte goizen goizetik eta 9:00ak arte, ordutik aurrera gutxiago, eta 11:00ak aldera alde egin dute. Erriberan 250 izan dira mobilizaziora batu diren ibilgailu astunak, eta Tutera hartu dute erdigunetzat.
Nafarroako deialdia asanblada irekien eta Whatsaap taldeen bidez antolatu dituzte nekazariek, eta hitz kritikoak izan dituzte sindikatuekiko.
Araban, banaketa plataformen aurrean
Arabako mobilizazio nagusia UAGA-Arabak deitu du. Sindikatuaren esanetan, “ia 500” traktorek hartu dute parte. Arabako hainbat herrietatik irten dira goizeko 6:00ak aldera, eta Gasteizko Jundiz industriagunean egin dute hitzordua. Mercadona, Lidl eta Eroski enpresen banaketa plataformen inguruan mugitu dira erritmo geldoan.
Berria-k jakinarazi duenez, Araban ere zenbait nekazari Whatsapp bidez eta sindikatuetatik aparte mobilizatu dira, bereziki Arabar Errioxan, Gasteiz eta Logroño arteko errepidean arazoak sortuta.
Asteazkenean egun osorako mobilizazioa iragarri du UAGAk Araban. Goizena Eusko Jaurlaritzaraino joango dira traktoreak, eta arratsaldean berriz ere bilduko dira banaketa plataformen inguruan. Nafarroan ez dago deialdi ofizialik, baina mobilizazioek jarraituko dutela iragarri dute hainbat komunikabidek.
Araban zein Nafarroan baimenik eskatu gabe egin dituzte mobilizazioak nekazariek. Nafarroan Guardia Zibilak hainbat isun jarri dituela salatu dute, eta Araban UAGAk jakinarazi du Ertzaintzak hainbat traktoreren matrikula zenbakia hartzen aritu dela.
Bizkaia eta Iparralde
Bizkaian, ostiralerako deitu dituzte traktoreen mobilizazioak EHNE-Bizkaia eta ENBA-Bizkaia sindikatuek. Euskal Herrian protestak Ipar Euskal Herrian hasi ziren edonola dela, bi aste direla, besteak beste errepideak moztuta edo portuak blokatuta. Astelehen goizean, ELBk deituta, 60 laborarik Pirinio Atlantikoetako lurralde eta itsas zuzendaritza okupatu zuten Baionan.
Aldarrikapenak
Gaur egun ez dago Euskal Herri mailako aldarrikapen taula bateraturik, baina haserrea eta ezinegona handia da nekazarien artean eta Europar Batasunari zein tokian tokiko gobernuei zuzentzen ari zaizkie hainbat exijentzia. Esaterako, EHNE-Bizkaia eta ENBA-Bizkaiak hiru ardatzetan batu ditu aldarrikapen nagusiak, Onintza Irureta kazetariak albiste honetan jaso zuenez:
Lehenik, merkataritza askeko akordioen negoziazioak berehala etetea eskatu dute. Adibidez, Europako Batasunaren eta Mercosurren (Argentina, Brasil, Paraguai eta Uruguai) arteko ituna bertan behera uztea eskatu dute, baita Zeelanda Berriarekin akordioa ez berrestea ere. Orokorrean, merkataritza askeko negoziazio denak gelditzea eskatu dute.
Bigarrenik, elikadura politikak merkatuaren erregulazioan oinarritutakoak izatea eskatu dute, hala, baserritarrek eta nekazariek ekoizpen prezio duinak izan ditzaten. Ekoizpen kostuen azpitik saltzea debekatzea eskatu dute.
Hirugarrenik, Europako Nekazaritza Politika sinplifikatzea ezinbestekotzat jo dute, “burokrazia gehiegizkoa” jasan behar izaten dutelako eta horrek kostu “onartezinak” eragiten dizkielako.
Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Esnatze horretan hainbat kausa elkartzen dira, eta lurraldean sakabanatuta dauden herrien erresistentzia-ahalmenak bete-betean erantzuten die. Joan den larunbatean, aldarrikapen horien inguruan manifestazio jendetsua egin zen Gasteizen. Kalean frogatu zen berriro posible dela... [+]
Euskal Herriko Laborantza Ganbarako koordinatzailea mintzatu da Egonarria saioan. Laborantzako eredu talkaz hitz egitean eta traktoreak kalera atera direnean, beti aipatzen da ditxosozko erderazko "PAC"-a, hau da, Europako Nekazaritza Politika Bateratua. Europako... [+]
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]
"Isiltasuna oztopo eta elkartasuna lagun, egungo mundu gordina" kontatzeko erronkari lotu da Axut! antzerki konpainia.
Frantsesenia lizeoa, 70 urtez Ipar Euskal Herria barnealdeko laborarien formatzen.
Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.