Traktoreak kalera aterako dira Bizkaian, Nafarroan eta Araban
Araban otsailaren 6an eta 7an egingo dituzte protestak. Nafarroan, otsailaren 6rako egin du deialdia sindikatuez gaindiko talde batek, eta Bizkaian otsailaren 9an Bilbon elkartuko dira. 60 laborarik Pirinio Atlantikoetako lurralde eta itsas zuzendaritza okupatu dute Baionan, astelehen goizean. Handik prentsaurrekoa ematekoak dira.
Bilboko Areatzan elkartuko dira traktoreak
EHNE-Bizkaia eta ENBA-Bizkaiak elkarrekin iragarri dituzte mobilizazioak. Otsailaren 9an Bilbon elkartuko dira. Traktore ilarak ondoko herri eta bailaratatik abiatuko dira: Karrantza, Gernika, Mungia, Durangaldea, Markina eta Erandio. Denak Areatzan elkartuko dira. Han, merkatu garden bat egingo dute, eta hutsean ontziratutako bildots laurdenak eskainiko dituzte, prezio justu batean. Ekintza horrekin, Zeelanda Berriko arkumea ekartzeak dakarren mehatxua salatu nahi dute, eta bertako arkumea balioan jarri ere bai.
Bi sindikatuen ustez, nekazaritza sektoreak “erantzun zehatzak eta errealak behar ditu bere arazoentzat”, eta eskariak hiru ardatzetan bildu dituzte.
Lehenik, merkataritza askeko akordioen negoziazioak berehala etetea eskatu dute. Adibidez, Europako Batasunaren eta Mercosurren (Argentina, Brasil, Paraguai eta Uruguai) arteko ituna bertan behera uztea eskatu dute, baita Zeelanda Berriarekin akordioa ez berrestea ere. Orokorrean, merkataritza askeko negoziazio denak gelditzea eskatu dute.
Bigarrenik, elikadura politikak merkatuaren erregulazioan oinarritutakoak izatea eskatu dute, hala, baserritarrek eta nekazariek ekoizpen prezio duinak izan ditzaten. Ekoizpen kostuen azpitik saltzea debekatzea eskatu dute.
Hirugarrenik, Europako Nekazaritza Politika sinplifikatzea ezinbestekotzat jo dute, “burokrazia gehiegizkoa” jasan behar izaten dutelako eta horrek kostu “onartezinak” eragiten dizkielako.
Nafarroan, EHNEk eta UAGNk aurki zehaztuko dituzte mobilizazioak
Otsailaren 6an edo 7an bi sindikatuak bilera egitekoak dira eta orduan zehaztuko dituzte ekintzak. Patxiku Irisarri Nafarroako EHNE sindikatuko idazkari nagusiak ARGIAri azaldu dionez, nekazarien eta abeltzainen eskakizunak Europako Batasunari begirakoak dira bati bat, eta hauteskundeak ekainean direnez, denbora tarte horretan kudeatuko dituzte protestak. Bi sindikatuak COAG Espainiako Nekazari eta Abeltzainen Koordinadoran daude. Espainiako antolamenduak adostu du Madrilen protesta bat egingo dutela, data oraindik jarri ez badute ere.
Otsailaren 6an, Nafarroako hainbat eskualdetako nekazariak eta abeltzainak protestak egitera deitu dituzte. Sindikatuetatik at, Whatsapp talde bat sortu zen urtarrilaren 28an, eta ia mila pertsona batu dira egun hauetan.
Sagrario Zabaleta kazetariak, Diario de Noticias de Navarra egunkarian, urtarrilaren 28an argitaratutako albistean, Whatsapp taldearen inguruko hainbat datu eskaini zuen. Zabaletaren arabera, bideo batean Lola Guzmán nekazari valentziarrak otsailaren 6rako mobilizazioak iragarri zituen Nafarroan eta Espainiako Estatuko beste hainbat erkidegotan. Zabaletaren iritziz, ekintza horrek Garraioaren Plataforma Nazionala sortu zenekoa gogorarazten du. Plataforma hura patronalen eta sindikatuen loturarik gabe sortu zen eta Voxen babesa zuen.
Araban, otsailaren 6an eta 7an
UAGA sindikatuak ekitaldi nagusia 7an egingo du Gasteizen, Eusko Jaurlaritzaren egoitzaren aurrean. Traktoreak otsailaren 6an abiatuko dira hainbat tokitatik eta Jundiz industrialdean batuko dira 10:00ak eta 11:00ak bitartean. Inguruko aparkaleku batean gaua igaro ondoren, ilaran joango dira Eusko Jaurlaritzaren egoitzaren aurrera. Sindikatuak agiri bat irakurriko du. Ondoren, berriz ere Jundiz industrialdera joango dira, eta han, logistika plataformen aurrean protestak egingo dituzte.
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
18 urterako plan estrategikoa garatzeko Europako diru-laguntzak jaso ditu Euskal Sagardoaren Jatorri Deiturako proiektuak. Iparraldea batu da jada, eta Nafarroa zein Trebiñu sartzeko urratsak ematen hasiak dira.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]