Trafiko eskumena Nafarroaren esku uzteko dekretua atzera bota du Espainiako Auzitegi Gorenak
Guardia zibilen Jucil elkarteak jarri zuen helegitea. Gorenak ebatzi du posible dela trafiko eskumena Nafarroako Gobernuaren esku lagatzea, baina Foru Hobekuntzan jasota ez dagoen eskumena izanik, horretarako beste bide bat bilatu beharko litzatekeela: esaterako, Foru Hobekuntza bera erreformatzea, edo eskualdaketa lege organiko gisa onartzea Espainiako Diputatuen Kongresuan.
Espainiako Gobernu frankistak 1959an kendu zizkion trafiko eskumenak Nafarroari, eta, atzera ere, iazko uztailaren 1ean berreskuratu zituen, PSOEren eta EH Bilduren akordioaren eraginez. Joan den urteko martxoan egin zuen iragarpena Maria Chivite lehendakariak, eta jakinarazi bost urtez luzatuko zela eskualdatze prozedura osoa.
Espainiako Gobernuak errege dekretu bidez jarri zuen indarrean eskualdatzea eta, orain, Espainiako Auzitegi Gorenak indargabetu egin du prozedura egokia izan ez delakoan. Gorenaren arabera, posible da trafiko eskumena Nafarroako Gobernuaren esku lagatzea, baina errege dekretuz ezin da agindu, ez dagoelako jasota Nafarroako Foru Hobekuntzaren parte diren eskumenen artean. Beraz, Gorenak iradokitzen duena da Foru Hobekuntza erreformatzea, edo lege organiko bidez arautzea eskualdatzea, bestela. Hau da, azken kasu horretan Espainiako Kongresuaren onespena beharko luke.
Chivite: "Nafarroaren autogobernua eta erregimen forala babestuko ditut"
Gorenaren erabakia hedabideen bitartez jakin duela eta, "harrituta" azaldu da Chivite lehendakaria astelehen arratsean urgentziaz eginiko prentsa agerraldian. Informazioa heldu zaion moduaz bi hitz baino ez ditu egin: "Kuriosoa izan da; horretan utziko dugu". Era berean, ulergaitza egiten zaio Gorenaren erabakia.
Dena den, errege dekretuz ez bada ere, trafiko eskumena Nafarroan gera dadin aurrera egingo du Nafarroako Gobernuak, eta bideak aztertuko dituela hitzeman du. Gainera, Espainiako Gobernua "aurrerakoia" dela esan eta eskumenen transferentzia gaietan "sintonian" daudela nabarmendu du.
Aznal: "Nafarroako burujabetzaren aurkako eraso larria da"
Nafarroako Parlamentuko EH Bilduko eledun den Laura Aznalek "oso larritzat" jo du trafiko eskumenaren eskualdatzea indargabetzeko Gorenaren epaia. "Gehiengoaren borondate politikoz eskumen hau lortu dugunean, Espainiako epaitegi batek eskumen hori gauzatzeko aukera kendu digu. Ez dugu onartzen, oso larria da eta Nafarroarentzat oso albiste txarra (...) Edonola ere, alderdien gainetik, Nafarroaren aldarrikapen historikoa izan da; Nafarroako gobernu guztiek eskatu izan dute, baita UPNrenak ere".
Eskuinaren kanpaina gogorra
Iazko martxoan Chivitek iragarpena egin zuenetik, Navarra Sumak eta Espainiako eskuinak kanpaina gogorra egin dute gaiaren inguruan, batez ere EH Bilduk transferentziaren gaia sartu zuenean PSOErekin egindako Espainiako Gobernuaren aurrekontu akordioetan.
PSOEri EH Bilduren eskuetan egotea leporatu diote etengabe, eta Guardia Zibila Nafarroatik kanporatu nahi izatea. Testuinguru horretan, Jucil guardia zibilen elkarteak errekurtsoa aurkeztu zion eskualdatzea agintzen zuen errege dekretuari.
Baina eskualdatzearen errege dekretuak ez du Guardia Zibila Nafarroatik kanporatzea agintzen, Xabier Letona Biterik albiste honetan kontatzen zuen moduan: Nafarroan 1.581 guardia zibil daude eta horietatik %10 bakarrik aritzen da trafiko lanetan. Guardia zibil horiek aukera izan dute, hala nahi izanez gero, Foruzaingora sartzeko. Eskumenaren transferentzia prozesua bost urtez luzatzea aurreikusten zen, Foruzaingoak eskuduntzei ekiteko behar dituen 149 polizia izan arte.
Eskualdatzearen bidez, Foruzaingoak honako funtzioak berreskuratzea kontenplatzen zen: isunak jartzeko eta kentzeko ahalmena, autoeskolen eta gidabaimenen bideratzea, bideko segurtasuneko formazioa eta kanpainak, istripuei buruzko informazioaren kudeaketa, eta kirol edo bestelako ekitaldietan errepideak kontrolatzea.
PSNk, EH Bilduk, Geroa Baik eta Zurekin Nafarroak bat egin dute Borboiak Nafarroako kultura sari nagusitik at gera daitezen. Espainiako erregeak 2015etik, Uxue Barkos lehendakari zenetik, ez daude ekitaldi handi honetara gonbidaturik.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
"Erorien Monumentuaz sozialistekin akordioa lortu izan ez balitz, eraikinak bere horretan jarraituko luke aurrerantzean ere eta hori zen guk onartzen ez genuen aukera bakarra”. Hala dio Joseba Asironek. Entzun elkarrizketa osorik hemen sakatuta.
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Etxebizitzaren arazoari irtenbidea ematea du helburu Nafarroako Gobernuak hasitako prozesuak. Tentsio handiko eremu izendatu nahi dituzten udalerrien artean daude, besteak beste, Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu... [+]
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.
Hitzarmenak 1.035 euroko gutxieneko errenta bermatuko du eta euskara, osasuna eta etxebizitza izanen ditu konpromiso estrategiko nagusi. Hamargarren urtez jarraian, UPNk ez du batere eraginik izanen aurrekontuetan, urteroko legerik garrantzitsuenean.