Frantziako Tourra hastera doan honetan, Bilbon hotelen prezioak izugarri garestitu dira eta luxuzko jatetxeetan tokirik ez dago aspaldi. Bizkitartean, ostalaritzako langileak greban dira, inflazioaren eta behin behinekotasunaren ondorioz galdutakoa berreskuratu nahian.
Karrera ikusgarria daramate hotelak erreserbatzeko atariek azken asteetan Bilbon. Booking-en zein e-dreams-en, berdin du, zaila izango zaizu 200, 300 edo 500 eurotik beherako ezer aurkitzea. Tourra aspaldi iritsi da Puppy eta Guggenheimaren hirira, eta batez ere luxuzko hotel frankizia multinazionalak hasi dira etekinak nabaritzen.
Bilboko Udaleko Garapen Ekonomiko, Merkataritza, turismo eta Enplegu saileko arduradun Xabier Ochandianok Deia egunkariari azaldu dionez baliteke hurrengo egunetan hotelek betekada “teknikoa” izatea, hau da, ez dela logelarik egongo hiri osoan.
Carlton, NH, Ercilla edo Catalonia bezalako hoteletako logelen gau bakarreko prezioek pentsionista normal batek hilabetean jaso dezakeena gainditzen dute askotan. Zure soldata osoa –eta zure pisu kide guztiena gehitu, nahi baduzu– beharko zenuke gela horietako bat ordaintzeko. Gran Víako Catalonian, adibidez, 3.381 euro kosta du Guggenheimaren parean lo egiteak. Maillot horia beretzat.
Gran Víako Catalonian, adibidez, 3.381 euro kosta du Guggenheimaren parean lo egiteak. Maillot horia beretzat
Hotelak ez ezik, jatetxeak ere ari dira katanarrua betetzeko erlojupekoa jokatzen. “Estamos que nos salímos” aitortu diote El Correo egunkariari luxuzko chef bilbotarrek. Alegia, Michelin izardun jatetxeek itxaron-zerrenda luzeak dituztela.
Erakunde publikoek indar guztiak jarri dituzte kirol makro-ekitaldi bilakatu den Tourrari zuku guztia ateratzeko, eta hedabideetan ez da besterik. Hor Dago-El Salto-n Ahoztar Zelaietak azaldu duenez, Amaury Sport Organitation Frantziako bizikleta biraren antolatzaileari 12 milioi euro esleitu dizkiote Eusko Jaurlaritzak, Bizkaiko Aldundiak eta Bilboko Udalak logistika lanetarako, eta “ezkutuan” geratu diren beste kontratu batzuk ere sinatu dituzte. Denera 14 milioi euro baino gehiago lirateke.
Amaury Sport Organitationek ez du Tourra bakarrik antolatzen, Dakarreko rallya eta beste kirol ekitaldi batzuk ere bai, eta l’Équipe bezalako hedabide handiak bere esku daude, Zelaietak dioenez. Diru publikoa bidoika kontatu ahal balitz, zenbat ur isuriko ote den burugainetara asteburu honetan Euskal Herriko errepideetan...
“Hitzarmenik gabe, ez dago Tourrik”
Denak ez dira irabazi, eta denak ez dira irabazle Tourrean. Bizkaiko ostalaritzako langileak greban dira ostegun eta ostiralean, ELA, LAB, CCOO eta UGT sindikatuek deituta. Taberna, jatetxe eta hoteletako 22.000 langileri eragiten die deialdiak eta 2020tik iraungita duten hitzarmen kolektiboa berritzea eta inflazioaren ondorioz galdutako erosahalmena berreskuratzea dute helburu, besteak beste.
“Hitzarmenik gabe, ez dago Tourrik”, hala esan dute langileek –ertzainak ez dira lasterketa gelditu dezaketen bakarrak–, eta hotelen atarietan elkarretaratzeak egiten ari dira. Ostiralean ere halako protesta bat egiteko asmoa dute, Tourra hasi baino ordu gutxi batzuk lehenago.
“Eskatzen dudan gauza bakarra da errespetatu dadila txirrindularien deskantsua” esan du Christian Prudhomme Tourreko zuzendariak, Berria eta Naiz-ekin egindako elkarrizketan: “Irteera bikain baten aurretik, ezin dute gaizki lo egin”.
Ez doaz horiz jantzita, baina urte osoan eskularru horiekin edo motxila horiarekin ibiltzen diren horiek, zenbat minutu izango dituzte telebistaren pantailan euren aldarrikapenak azaltzeko?
Beste txirrindulari batzuk, kasu honetan banaketa arloan dabiltzan rider-ak, deskantsua baino, lan eskubide duinak eskatzen ari dira, eta ostalaritza hitzarmenean sartzea. Delivero, Glovo eta antzeko plataformentzat lanean ari diren bizikleta-banatzaileek, baita janari-azkarreko enpresetan dabiltzanek ere, “babes hori behar” dutela aldarrikatzen ari dira azken asteotan.
Ez doaz horiz jantzita, baina urte osoan eskularru horiekin edo motxila horiarekin ibiltzen diren horiek, zenbat minutu izango dituzte telebistaren pantailan euren aldarrikapenak azaltzeko?
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Ezbeharra astelehen goizean izan da, eta gizonaren emazteak 13:23ean dei egin die larrialdi zerbitzuei. Bi biktimak bihotz-gelditze egoeran aurkitu dituzte, eta sorospenek ez dute lortu horien bizitza salbatzea. Umea herriko bizilaguna zen.
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Itsasoan gertatutako istripu baten ondorioz hil da arrantzalea. Hunekin Aski itsasontzian lanean ari zelarik erreskatatu zuten gizona, larunbat arratsaldean. Erietxean hil zen.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.
Emantzipatu nahi duten baina ezin duten gazteen kopurua gero eta handiagoa da Europar Batasunean. Errealitate hori datutan jarri du Eurofund erakundeak argitaratu berri duen ikerlan batek, eta etxebizitzaren garestitzea da arrazoi nagusietako bat, baina ez bakarra.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.