Tourra Euskal Herritik pasatuko dela salatuko dute uztailaren 28an Larresoron
"Munduaren aitzinean nor izan nahi duen" herri bat badela aldarrikatuko dute 'You are in the Basque Country' lelopean. Ibilbidean aldarriak zabaltzeaz gain, egun osorako egitaraua ere prestatu dute.
Senpere eta Ezpeleta artean jokatuko da Frantziako Tourraren erlojupeko erabakigarria, uztailaren 28an, eta Lapurdiko herritarrek "erakusleiho paregabea" topatu dute "estaturik gabeko herri honentzat". Munduaren aurrean Euskal Herri bat badela erakutsiko dute egun horretan, hala ibilbide osoan zehar antolatu dituzten protestetan nola Larresoron egingo duten egun osoko egitarauarekin ere.
Zortzi aldarrikapen
Frantziaren inposaketaren aurrean bizi nahi duen herri bat badela erakutsi nahi dute antolatzaileek. Hartara, zortzi aldarri egin dituzte. Haien esanetan, Euskal Herria da:
- Aske izan nahi duen herria
- Bakea behar duen herria
- Burujabetza behar duen herria
- Euskararen ofizialtasuna behar duen herria
- Unibertsitatea behar duen herria
- Presorik behar ez duen herria
- Errefuxiatuei ongi etorri dagien herria
- Euskaraz bizi nahi duen herria
Ekimenean lagundu eta parte hartzeko deia egin diete herritarrei: "Erakuts dezagun munduaren aitzinean euskal herritarrak garela eta entzunak izatea galdegiten dugula; baditugula lehentasunezko eta erroko galdeak, lau haizetara zabaldu nahi ditugunak". Antolakuntzan parte hartzeko Tourra.eus webgunean izena emateko aukera zabaldu dute.
>> Iturria: Topatu.eus. CC-By-SA lizentzia baliatuta ekarri dugu gurera.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Pello Bilbao txirrindulari gernikarrak irabazi du astearteko Frantziako Tourreko lasterketa. Txapelketaren Twitter kontutik Espainiako bandera batekin zoriondu dute hasieran, baina bi minutu pasa ostean txio hori ezabatu eta ikurrina jarri diote. Pozez hartu dute batzuek, baina... [+]
Asteburuan Frantziako Tourraren 2023ko edizioa Bilbotik abiatuko da, eta lasterketak Euskal Herria zeharkatuko du lehenengo hiru etapetan. Ibilbidea Bilbon hasi eta, besteak beste, Gasteiz, Donostia eta Baiona hirietatik pasako da. Donostiako Bizilagunekin Plataformak Tourraren... [+]
Frantziako Tourra hastera doan honetan, Bilbon hotelen prezioak izugarri garestitu dira eta luxuzko jatetxeetan tokirik ez dago aspaldi. Bizkitartean, ostalaritzako langileak greban dira, inflazioaren eta behin behinekotasunaren ondorioz galdutakoa berreskuratu nahian.
Lasterketaren lehen hiru etapak Euskal Herrian egingo dituztela baliatuz bi estatuetan banatutako herri bat dagoela erakutsi nahi dute alderdi politiko independentistek. Hendaian bildu dira bozeramaileak horren berri emateko.
Jaurlaritzaren arabera, jarrera "estu", "irrealista" eta "arduragabea" dute protestan ari diren ertzainek. Negoziazio mahaira itzultzeko eskatu zien ostiralean sailaren arduradun Josu Erkorekak, sindikatuak mahaitik altxatu eta gobernuari... [+]
Bilbo, Gasteiz eta Donostia zeharkatu ostean, uztailaren 3an Baionara helduko da Frantziako Tourra. Lasterketak duen oihartzunaren jakitun, hitzarmena sinatu dute Baionako eta Tourraren antolatzaile Amaury Sport enpresako ordezkariek, "euskara balioan ezarri, hedatu eta... [+]
Ekainaren 29an egingo da Frantziako Tourreko taldeen aurkezpen ofiziala, Bilbon. "Fan Park" handia jarriko dute erakundeek.
Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.
“Grand Départ Pays Basque 2023” dela eta, Eusko Jaurlaritzak inoiz izan den “segurtasun-operatibo” handienetako bat aurkeztu du ekainaren 5ean. Txapelketak udako irteera operazioarekin bat egingo du, aireportuak eta trafikoa oztopatuz.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]