Torturatuek aitortza eta erreparaziorako “ekimen irmoak” eskatu dizkiete instituzioei
Poliziaren eskutik tortura jasan duten laurehun euskal herritar baino gehiagok Intxaurrondon ohartarazi dute “inpunitatez aritutako erantzule ugari eta isiltasun gehiegi” dagoela oraindik ere. Egiari Zor Fundazioaren agerraldian exijitu dute torturaren “dimentsio osoa” argitara ateratzeko.
Torturaren Aurkako Egunaren testuinguruan, Intxaurrondon bildu dira laurehundik gora herritar, larunbatean, Egiari Zor Fundazioak deituta. “Euskal Herriko historia hurbileko hainbat unetan tortura geure azalean jasan dugunon testigantza bizia gara”, azaldu dute, karpeta urdinak eskuetan.
Torturatuen aitortza eta erreparaziorako “hutsune nabariak” daudela jakinarazi dute, eta eskatu diete Nafarroako eta EAEko gobernu arduradunei torturaren errealitatea itzaletik argira atera dadin pausoak emateko. “Torturatuen aitortza eta erreparazio sozial, politiko eta instituzionalaren bidean sakontzeko konpromiso eta ekimen irmoak eskatzen ditugu”, zehaztu dute.
Kriminologiaren Euskal Institutuak aurkeztutako txostenei egin diete erreferentzia, eta gogorarazi dute 1960tik gutxienez 4.311 tortura kasu izan direla Araba, Bizkai eta Gipuzkoan, eta beste 1.068 Nafarroan; guztira, gutxienez 5.379. “Kopuru izugarriaz mintzo gara, gurea bezalako herri txiki batentzat, eta horrek euskal herrian modu masibo eta sistematikoan torturatu dutela adierazten du”.
Inpunitatea eta isiltasuna
Azpimarratu dute torturaren ondorio sakonagoak argitzeke daudela eta inpunitatea nagusi dela: “Espainiako Estatuak Guardia Zibila, Polizia Nazionala eta Ertzaintza erabili ditu Euskal Herrian militante politikoak torturatzeko hainbat testuinguru politikotan, eta horrek guztiak erantzuleak ditu, inpunitatez aritutako erantzule ugari eta isiltasun gehiegi oraindik ere”. Salatu dute EAEko torturatuen txostena “kaxoi batean” geratu dela garatu gabe, “ikusezin”, eta Nafarroako txostenari ere “oztopo ugari” jarri dizkiotela publiko egiteko.
Ahotsa.infok bideo honetan bildu du Intxaurrondoko agerraldia:
Karpeta urdinak, tortura azaleratzeko
Egitasmo politiko baten berri ere eman dute: otsailaren 13tik aurrera Karpeta Urdinak dokumentala emango dute hainbat herritan, torturaren errealitatea gizarteratzeko tresna egokia dela iritzita. Karpetaurdinak.eus webgunea ere martxan jarri dute.
Irakurri hemen Karpeta Urdinak dokumentaleko zuzendari Ander Iriarteri egindako elkarrizketa: "Jaurlaritzak baditu 300 arrazoi torturaren gaiarekin jarraitzeko: Ertzaintzaren 300 tortura kasuak"
Torturaren gaia sakonago landu du Xabier Letonak erreportaje honetan: Egia, aitortza eta erreparazioan jarraitzea eskatzen dute torturatuek
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
2006. urtean, Baltasar Garzonek, orduko epaile izarrak, errebelazio moduko bat izan zuen, eta jardunbide bat idatzi zuen, terrorismoagatik inkomunikatutako atxilotuen eskubideak bermatzeko. Epaile berak ehunka atxilotu inkomunikatu pasatzen ikusi zituen bere aretotik, horietako... [+]
Nafarroan torturatutako ia mila pertsonaren errealitatea eraldatzen hasi berri dela azaldu du antolakuntzak. Nafarroako torturaren biktimen lehen aitortza ofiziala aurtengo apirilean egin zen, eta oraingoa antzeko prozesuetatik igaro diren beste torturatuekin eta gaian aditu... [+]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
Orain 180 urte sortu zenetik lehen aldiz, kuarteletik kanpo eta Gasteizko erdigunean ospatu du Guardia Zibilak bere patroiaren eta hispanitatearen eguna. Bertan izan dira Gasteizko alkate Maider Etxebarria, Espainiako Gobernuko ordezkari Marisol Garmendia, Gasteizko gotzaina eta... [+]
Felix Bolaños Espainiako Justizia ministroak esan du gardentasuna dagoela segurtasun nazionalaren menpe, eta behin eta berriz hala nabarmendu du, Mikel Zabalzaren heriotzaren inguruko auzia ez desklasifikatzeko. Auziaren eta segurtasun nazionalaren arteko lotura, baina,... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.
Israelek Gazan atxiloturiko zortzi osasun-langileren eta beste zazpi lekukoren testigantzetan oinarritzen da Human Rights Watch gobernuz kanpoko erakundearen txostena. Nazioarteko Zigor Auzitegiak egoera aztertzea nahi du GKEk. Gazako Osasun Ministerioaren datuen arabera,... [+]
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Presoak lotuak dituzte etengabe, pixoihalak jantzita eta jipoiak jasotzen. Hamaseko kideak diren susmopean ehunka pertsona bahituak dituzte sionistek, The Guardianen iturrien arabera.
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]