Torturari buruzko Nazioarteko II. Jardunaldiak egingo dituzte ostiralean, Iruñean
Biktimen aitortza, laguntza psikosoziala eta torturaren osteko erresilientziaz arituko dira Planetarioan nazioarteko adituekin.
Tortura. Erreparaziorako urratsak konferentzia antolatu du Nafarroako Torturatuen Sareak Nafarroako Gobernuarekin elkarlanean, azaroaren 17an, ostiralean, Iruñeko Planetarioan. Egitarauari dagokionez hiru solasaldi egingo dituzte arratsaldeko 16:30 eta 20:00ak bitartean.
Mari Jose Garcia Nafarroako Torturatuen sareko kideak hala azaldu du jardunaldien helburua: "Torturaren gaiak gure herrialdean itzaletik argira ateratzea lortzen ari garela adierazteko baliatu nahi dugu agerraldia". "Guretzat ezinbestekoa da torturak Nafarroan gizarteratzean izan duen eraginaren eta gertatutakoaren berri ematea", gaineratu du Garciak. 1960tik gaur egun arte arrazoi politikoengatik eragindako tratu txar eta torturak ikertzea ezinbestekotzat jo dute, "eragindako zauriak aitortu eta sendatu ahal izateko".
Horretarako nazioarteko adituak gonbidatu dituzte Iruñeko Planetariora hitzaldietan parte hartzeko. Biktimak birgaitzeko eta eremu politiko-sozialean aitortzeko eskubidea hitzaldia eskainiko dute Lorena Pérez Oosrio Txileko psikologoak eta Jorge Chocarro Zoco Nafarroako Torturatuen sareko kideak. Martxelo Díaz kazetaria izango da moderatzailea eta arratsaldeko 16:30ean hasiko da, ordubetez.
Bigarren hitzaldia 17:30ean hasiko da eta Jeannette Ruiz Goikoetxea psikologo klinikoa izango da moderatzaile. Biktimei eta senideei laguntza psikosoziala. Salaketak ikertzeko aditu-protokolo izenpean solastuko dira Juana Luisa Lloret de Fernández Perutik etorritako psikologoa eta Olatz Barrenetxea Larrondo psikologo klinikoa.
Atsedena eta otamenaren ondotik azkenekoari helduko diote: Erresilientzia eta erreparazioa, motibazio politikoak eragindako torturaren ondoren. Paco Etxeberria Gabilondo mediku forentsea eta Aranzadiko kidea eta Pau Pérez Sales psikiatra eta Torture Journaleko kidea izango dira hizlariak; Jesús Barcos Carbonell kazetaria moderatzaile.
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Presoak lotuak dituzte etengabe, pixoihalak jantzita eta jipoiak jasotzen. Hamaseko kideak diren susmopean ehunka pertsona bahituak dituzte sionistek, The Guardianen iturrien arabera.
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Tarteka bizitzak ekarrarazten dizkizu ahaztuta nahiko zenituzkeen oroitzapenak. Xafan-ekin geratu naiz gaur kafea hartzeko, Xabier Mendigurenen Oso latza izan da liburuari buruzko solasaldia dugulako gero, eta konturatu naiz inoiz ez diodala ezer galdetu aztnugal hitzarekin... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
.jpg)
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]
Zazpi urtez landu ondoan, bere tesia aurkeztu du Pauline Guellek, zuzenbide publikoan doktore bilakatuz. Urte luze hauetan "torturaren zigorgabetasuna" landu du, Euskal Herriaren adibidea hartuz, Francoren garaitik 2022 urtera.
Espainiako Polizia Nazionalaren 200 urteurren ekitaldia egin dute Gasteizen larunbatean. Polizia Nazionalak Betoñun edo Olagibel kalean bere egoitzetatik kanpo, kalean, ekitaldi publiko bat egiten duen lehen aldia da azken urteetan. Bertan izan dira, besteak beste, Maider... [+]