Tortura sistematikoa salatu dute Sde Teiman izeneko Israelen atxiloketa eremuan
Presoak lotuak dituzte etengabe, pixoihalak jantzita eta jipoiak jasotzen. Hamaseko kideak diren susmopean ehunka pertsona bahituak dituzte sionistek, The Guardianen iturrien arabera.
Sde Teiman izeneko eremuan, Israel hegoaldeko Neguev desertuan, preso palestinarrek indarkeria fisiko eta psikologiko orokortua jasaten dute. Hala aitortu diote The Guardian hedabideari bertako bi langile ohik. “Jokabide beldurgarriak” salatu dituzte iturriek, anonimoki. Aipatu dute ohikoa zela gatibuak ospitaleko oheetara lotzea, begiak estalita eta pixoihalak erabiltzera behartuta. Bi iturriek azaldu dutenez, gutxienez pertsona bati gorputz adar bat ebaki zioten, eskuburdinek eragindako zaurien ondorioz.
Langile ohietako bat atxiloketa eremuaren zaindari lanetan aritu zen. The Guardiani deskribatu dio nola presoak behartzen zituzten ordu luzez zutik edo belauniko egotera, tortura mekanismo ezagunak diren bi neurri. “Atxilotuak kaiola moduko batzuetan dituzte preso, eskuburdinak jarrita eta begiak estalita”, azaldu du iturriak. Bere esanetan, militar sionistek ez zuten frogarik atxilotu guztiak Hamaseko kideak zirela esateko. Askok etengabe galdetzen omen zuten zein izan zen haiek atxilotzeko arrazoia. “Ez zegoen haien aurkako akusazio formalik, iragazte eremu bat zen, behin-behineko atxilotuekin”. Hedabide britainiarrak azaldu du iturriek errepresalia gogorrak jasan ditzaketela ikusitakoen berri emateagatik.
Beste langile ohia medikua zen Sde Teiman eremuko kanpaina ospitalean, eta The Guardiani jakinarazi dio atxilotuetako gehienek tratatu gabeko zauri infektatuak zituztela, “gerra zauriak”. Agerikoa omen zen presoetako batzuk elikatu gabe zeudela. “Pixoihalaz aparte, biluzik zeuden”. Salatu duenez, kanpaina ospitalea kanpin dendaz osatuta dago, eta larrialdietako gelan ebakuntzak ohatilen gainean egiten dira, ebakuntza mahairik ez dagoelako. Iturriak adierazi du entzun zuela atxilotuetako asko Gazako ospitaleetatik ekarri zituztela. “Artatuak izaten ari ziren ospitaleetan atxilotu zituzten, infekzio larriekin, minez oihuka”. Aitortu du, baita ere, ikusi zuela nola ebakuntza bat egiten zioten preso bati, mina baretzeko analgesikorik gabe.
Atxilotze eremua ixteko eskea
Sde Teiman eremua Gaza eta Israelen arteko mugatik hemezortzi kilometrora dago kokatuta, base militar batean, eta bi zatitan dago banatua, iturrien arabera. 200 palestinar inguru kaioletan eta murrizketa larriekin gatibu dituzten eremua, batetik, eta kanpaina ospitalea, bestetik, non dozenaka zauritu oheetara lotuta dituzten, “orokorrean mina baretzeko analgesikorik gabe”.
Israel-Giza Eskubideen Aldeko Medikuak GKEaren txosten batek salatu duenez, sionisten azken oldarraldiaren hasieratik Gazako biztanle guztiak “legez kanpoko borrokalari” izendatzen dituzte atxilotzen dituztenean. Sailkapen horrek kendu egiten die “gerrako preso” izaera, eta Israeli ahalbidetzen dio denbora luzez debekatzea abokatuen bisitak. Txostenean ohartarazi dute horrek aukera deuseztatzen duela bertan gertatzen dena ikuskatzeko, “tortura arrisku handia eta espetxeratze baldintza oso gogorrak” dauden honetan. Israel-Giza Eskubideen Aldeko Medikuak erakundeak atxilotze eremua ixteko exijitu dio Israeli.
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.