Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak. Mobilizazioak deitu dituzte martxoaren 12rako Hego Euskal Herriko hiriburuetan, NATOren aurkako erreferendumaren 39. urteurrenean.
"Gerra inperialistari herriok borroka" lemapean, Askapena antolakunde internazionalistak kanpaina berria abiatu zuen urtarrilean, "borroka ideologikoa areagotu eta klase eta herri erantzun internazionalista bultzatzeko". Otsailean "gerra inperialistaren" inguruko zenbait hitzaldi eman ondoren, martxoaren bigarren asteburuan "Topaketa antiinperialistak" antolatuko ditu Bilbon.
Bi egunetan zehar Karmela espaziora bertaratzen direnek gai ugari jorratzeko aukera izango dute:
Larunbatean, Cira Pascual ikerlari venezuelarraren eskutik "ofentsiba inperialista eta gerra" landuko dituzte, eta ondoren Iñaki Gil de San Vicente euskal pentsalari marxistak "gerra kulturala" ardatz izango duen hitzaldia. Europako testuinguruaren inguruko analisi bat ere eskainiko dute Askapenako kideek. Eguna borobiltzeko, Hegoalde globala ofentsiba inperialistaren aurrean: borrokak eta erresistentziak izeneko mahai ingurua egingo dute. Bertan landuko dituzte ondorengo lau lurraldeak: Sahel –Marra Junior izango da, militante politikoa, panafrikanista, ezkertiarra eta iraultzailearen bidez–, Palestina eta Mendebaldeko Asia –Taher Ali, militante palestinarrak–, Argentina –Laura Taffetani, Argentinako militantea, Convocatoria Segunda Independencia eta Gremial de Abogados antolakundeetako kideak– eta Venezuela –Cira Pascual Marquina, Venezuelako ikerlari militanteak–.
Igandean "Euskal Herriko posizio eta estrategia internazionalisten" arteko eztabaida izango dute Askapenako, Jarduneko eta Euskal Herriko Kontseilu Sozialistako kideek parte hartuko duteen mahai inguruan. Euskal Herrian eta Europan "fronte antiinperialista" bat eta estrategia internazionalista bat eraikitzeko borroka ideologikoa areagotu eta "herri erantzuna" antolatzen indarrak jarri behar direla uste du Askapenak.
Mobilizazioak martxoaren 12an
Topaketez gain, "gerra inperialistan areagotzea" salatzeko mobilizazioak deitu ditu Askapenak Hego Euskal Herriko lau hiriburuetan martxoaren 12rako, asteazkenerako, NATOri buruzko erreferendumean Hego Euskal Herrian ezezkoak irabazi zuenaren 39. urteurrenean: Bilbokoa 19:00etan abiatuko da Eliptika Plazatik eta hainbat eragilek antolatuko dute. Ordu berean hasiko dira Donostiakoa eta Iruñekoa, Bulebarrean eta Udaletxe plazan, hurrenez hurren. Iruñekoa ere hainbat eragileren artean antolatuko dute. Gasteizen 19:30ean ekingo zaio mobilizazioari, Correosetik.
Hainbat eragilek deituta, NATOren aurkako elkarretaratzea egin da Iruñeko Udaletxearen aurrean. Izan ere, gaur, martxoak 12, 39 urte bete dira Hego Euskal Herriak, Espainiar Estatua NATOn sartzeko erreferendumari ezezkoa eman ziola. Askapenako kide batek adierazi du, gaurko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
Europako, Ekialde Hurbileko eta Abya Yalako askapen borroken ezagutza euskal herriratzea izango da brigadisten lana. Askapenak azpimarratu du elkartasun internazionalista herrien arteko "ezinbesteko tresna" dela eta munduko beste herri langileei babesa eta elkartasuna... [+]
“NATO buru duen azken ofentsiba inperialistari aurre egiteko eta Euskal Herri antiinperialistaren aktibazioa aldarrikatzeko” antolatu dute deialdia Askapenak, NATOren eta Europako Batasunaren Aurkako Herri Plataformak eta Bardea Orain taldeek. Martxoaren 11n egingo... [+]
Internazionalismoak "herrion askapen nazional eta sozialean" daukan garrantzia mahai gainean jartzeko eta udagorritzen daramaten urteek "etenik izan ez dezaten", bueltan dira brigadak bi urteren ostean, 35 urte udagorritzen! lelopean.
Zortzi hitzaldi eta tailer eskainiko ditu Askapenak, nazioarteko hizlariekin.
