Tolosalderako osasungintza publikoa eskatzeko manifestazioa egin dute Tolosan
Tolosaldea Osasun Publikoaren Alde plataformak deituta, bi mila lagun atera dira kalera, antolatzaileen arabera. EAEko gainerako eskualdeen pareko osasun zerbitzua aldarrikatu dute. Greban dauden Asunción ospitaleko langileak ere batu dira mobilizaziora.
Tolosalderako osasungintza publikoa aldarrikatzeko manifestazioa egin dute larunbatean Tolosan, Tolosaldea Osasun Publikoaren Alde (TOPA) plataformak deituta. Antolatzaileen arabera, 2.000 herritar baino gehiago atera dira kalera Tolosaldeko osasungintza egoera larrian. Konponbidea orain! lelopean.
Egun, eskualde horretan dagoen ospitale bakarra Asunción klinika pribatua da, eta Osakidetzarekin duen hitzarmen baten bidez ematen du zerbitzua. TOPAk salatu du Tolosaldean EAEko gainerako eskualdeetan baino zerbitzu okerragoa dutela: "Arreta kaxkarragoa jasotzen dugu, azpiegitura aldetik ere eskasago gabiltza, eta gainerakoetara baino diru gutxiago iristen da eskualde honetara".
EAJk manifestazioaren bezperan adierazi zuen Tolosaldeko ospitale publikoa "errealitate" izango dela. Agerraldia egin zuten Joseba Egibar Gipuzkoa Buru Batzarreko lehendakariak, Olatz Peon egungo Tolosako alkate eta barrutiko hautagaiak eta Xarles Iturbe Tolosako alkategaiak. Egibarrek adierazi zuen Legebiltzarrean aurrekontuak konprometitzen hasiak direla, eta ospitale publiko berria Tolosan egongo dela. Ez du ospitalea martxan jartzeko datarik zehaztu, baina Peonen arabera Osasun Saila Plan Funtzionala egiten ari da eta aurrekontu partidak jaso ditu: 2023an 100.000 euro eta 2024ean 500.000 euro bideratuko ditu.
TOPAk adierazi zuen aspertuta daudela "benetako konpromisorik ez egoteaz" eta "soilik hauteskunde aurreko promesa hutsalak" aditzeaz. "12 urte baino gehiago daramatzagu osasun arreta prekarioa jasotzen, eta ez dugu ikusten arazoa konpontzeko arrastorik". Salatu dutenez, ez dakite ia ezer ospitale berriaz eta haren plan funtzionalaz. Asuncion Klinikaren eta bertako langileen etorkizunaz ere ezer ez dakitela gaineratu dute.
Asuncioneko langileak borrokan
Asuncioneko langileek ere parte hartu dute larunbateko mobilizazioan. "Hitzarmen duin baten alde" borrokan ari dira, eta ELA eta LAB sindikatuek deituta mobilizazioak egingo dituzte maiatzean. Joan den astean bi orduko lanuzteak egin dituzte eta maiatzaren 8tik 31era hamar egunetan greba egingo dute. Zuzendaritzari eskatu diote langileen erosahalmena bermatu eta lan orduak murrizteko hitzarmena negoziatzeko.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.
“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen... [+]
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]