Tolosaldeko alkateak haserre Jaurlaritzako Osasun Sailak "bizkarra eman” dielako
Jon Darpon Eusko Jaurlaritzako Osasun sailburuak Asuncion Klinika eta Tolosako osasun etxea bisitatu zituen atzo. Tolosaldeko Osasun Arreta osatzen duten 30 alkateen haserrea piztu du honek, Darponek “haiekin biltzeari uko egin” baitio.
Osasun sailburuak hedabideen bidez iritsarazi die alkateei erantzuna. Eskualdeko udal ordezkariek adierazi dute “errespetu falta handia” dela eskualdera eginiko bisita “alkateekin biltzeko ez aprobetxatu” izana.
Darpon “gezurretan” ari dela gaineratu dute, eta Jaurlaritzako Osasun Sailak pribatizazioaren aldeko hautua egin duela. “Tolosaldeak argi eta ozen osasun publikoaren aldeko aldarria egin eta egun gutxira Darpon Asuncion klinikara hurbildu izana esanguratsua” dela uste dute Tolosaldeko Osasun Arretako kideek.
Manifestazioaren ondoren
Otsailaren 15ean egin zuten manifestazioa Tolosan, kalitatezko osasun publikoaren alde. Astelehenean berriz, Darpon Asuncion klinikara hurbildu zen. Aipatutako mobilizazioak osasun publikoaren “izen ona zikintzen” zuela adierazi zuen.
Alkateen ustez “adierazgarria” da Tolosaldean husten ari diren osasun etxeetan sartu-irten “azkarra” egin izana, eta Asuncion klinikan berriz bisita nagusia.
Bestalde, eskatu dute Jaurlaritzako Osasun Sailak urtero Tolosaldera zuzentzen dituen 20 milioi euroak nola erabiltzen diren erakuts dezala.
Lan-mahaia sortzeko eskaera
Osasungintzari buruzko lan taldea sortu dezan Darponi “eskua luzatzen” diotela adierazi dute alkateek. Horren bidez egun eskualdean dagoen osasungintza zerbitzua aztertu nahi dute.
Alkateen esanetan “osasun etxeetara espezialitateen itzulera” izan beharko da mahaiaren lehen eztabaida.
Alkateek diote egoera ekonomikoaz jakitun direla, eta ez dutela ospitale publiko berri bat eskatzen, “dauden aukera desberdinak aztertzea” baizik.
Agerraldiaren bideoa jaso du Ataria.info-k:
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.
“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen... [+]
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Naiz eta El Diario Vasco agerkariek eman dute berria. Eskuratu duten informazioaren arabera, Osasun Sailak plan bat prestatu du ebakuntzetako itxaron zerrendak murrizteko. Bi adar nagusi ditu planak: batetik, ospitale publikoetatik gaixo multzoak bideratuko dituzte ospitale... [+]
Josefina Arregi Klinikaren irekieran Gorka Urtaran jarduneko alkatea ere egon da.
CCOO, UGT, CEOE, CEPYME eta AENCeren arteko akordioa salatu du Nafarroako Osasun plataformak. Akordioaren xedea da gaixoen baimen arruntak mutualitateek kudeatzea.
Mila lagun bildu zituen larunbatean Irunen Osasun Bidasoa plataformak. Bidasoaldeko osasungintza publikoaren "okertze progresiboaren aitzinean" arrapostu bat galdegiten diote Eusko Jaurlaritzari. Osasun zerbitzuen gainbehera, hogei urteotako inbertsio eta aitzinikuspen... [+]