Tolosako inauterietan txosnak ohiko lekuan mantentzea exijitzeko kanpaina egiten ari dira
Urtero legez Euskal Herria Plaza eskatu du Tolosako Txosna Batzordeak, baina salatu duenez, udalak aldebakarrez erabaki du txosna gunea Plaza Berrira lekualdatzea.
Tolosako Udalak "behin betiko" erabakiaren berri eman du: aurtengo Inauterietako jaietan txosna gunea ez da Euskal Herria Plazan jarriko; ohiko lekuan beharrean, Plaza Berrian ipiniko da. Iragarpena era ofizialean egiten ari zela Olatz Peón alkatea, udal-aretora sartu dira Tolosako Txosna Batzordeko hainbat kide, kartelak eta aldarriak eskuan, protesta eta presio egitera.
"Bizilagunen urteetako eskariari erantzun asmoz, eta plazen arteko txandakatzeko sistema martxan jartzeko helburuarekin, aurtengo Inauterietan txosna gunea ez da Euskal Herria Plazan kokatuko", hala jakinarazi du Tolosako Udalak. Festaren, bizilagunen deskantsuaren, eta herriko merkatari eta ostalarien arteko "orekak bermatzeko" hartu du erabakia udalak, eta Txosna Batzordearentzat "ez dela erabaki berria" ere jakinarazi du, "aspalditik jorratu delako gaia".
Tolosako Txosna Batzordearen arabera, lekualdatzeak "txosnen deuseztapena" ekarriko du, Plaza Berrian ez dutelako "baldintza egokirik" ikusten.
Argudioak eta kanpaina
Abenduaren erdialdean Tolosaldeko Ataria hedabidera bidalitako oharrean eman zuen egoeraren berri Txosna Batzordeak. Jakinarazi zutenez, ordurako "aldebakarrez" erabakia zuen Tolosako Udalak ohiko plazatik beste plaza batera lekualdatzea datorren otsailaren 16tik 22ra ospatuko diren Inauterietako txosna gunea.
Hitzez hitz, honela adierazi zuten oharrean: "Txosna batzordeak ezarritako baldintzak errespetatu ditu beti, bai ordutegiari, soinuari zein bestelako aspektu teknikoei dagokienez. Aurten, ordea, udalaren jarrera bestelakoa da: txosna Euskal Herria Plazatik kanporatu nahi dute. Soinu arazoak argudiatuz, Plaza Berrira mugitzea da euren proposamena. (...) Tolosan ez dago, Euskal Herria Plazaz gain, txosnaren ezaugarrietara egokitzen den beste plazarik. Plaza Berrian, plaza txikiagoa denez, ezinezkoa da urtero erabiltzen dugun 30 x 15 metroko karpa muntatzea, are gutxiago inguruan behar ditugun materialen biltegi, musikarien furgoneta, zabor, komun eta bestelakoak sartzea. (...) Plaza Berria bera eta inguruko pasabideak erabat oztopatuko lituzke eta jai girotik aparte geldituko litzateke. Gainerako plazak aukera are desegokiagoak dira. (...) Soinuari dagokionez, plaza guztietan arazo berbera legokeela ulertzen dugu".
Elkarretaratzea egin eta sinadura bilketa ere abiatu du Tolosako Txosna Batzordeak.
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Indartsua, irribarretsua eta oso langilea. Helburu pila bat ditu esku artean, eta ideia bat okurritzen zaionean buru-belarri aritzen da horretan. Horiek dira Ainhoa Jungitu (Urduña, Bizkaia, 1998) deskribatzen duten zenbait ezaugarri. 2023an esklerosi anizkoitza... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
Apirilaren 4an, ostiralarekin, Ipar Euskal Herriak Lurralde Kolektibitate baterantz bilakaera instituzional bat behar duela egiaztatuz, Batera plataformak herritarren mobilizazio dinamika baten abiatzea aurkeztu du. Hitzordua emana da maiatzaren 10ean, larunbatez, Ezpeletan,... [+]
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Komunitateari buruzko artikulu segida honekin hasi nintzenean, Antoine eta Antoine zeuden etxean, gazta-ganbara hutsik zegoen, hiltegirako bueltak asterokoak ziren eta hiru egunetik behin egiten genuen gazta. Hau idazten hasi naizenerako, Picardieko lagunak jaioterrira joan... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]