Euskarak har ditzakeen bide anitzak erakusten ditu bi urtetik behin Korrikak. Araban, etxe barrurako bidea hartua du joan den urte amaieraz geroztik, haraino heltzen baita Arabako Alea astekaria. Aberatsago bilakatu dira, beraz, euskara nahiz tokian tokiko informazioa.
Abenduan 0 zenbakia kaleratu eta 65.000 ale banatu zituzten, jendeari proiektua ezagutzera emateko. Arretaz, eta zenbait kasutan sorpresaz, erantzun zutela dio Aritz Martinez de Luna Alea-ko zuzendariak. “Gaur egun horrelako proiektu bat martxan jartzeko ausardia genuela aipatzen ziguten”.
Egitasmoak martxan jartzeko garairik errazena ez izan arren, Aleak apustu bikoitza egin du aldizkaria paperean argitaratzen du-eta: “Badirudi dena doala online mundura eta paperezkoa baztertzen goazela. Bestalde, badago egunerokoan prentsa eta aldizkariak irakurtzen dituen jendea eta hauek ere euskara hutsean Araba mailako aldizkari bat izatea beharrezkoa da. Euskararen normalkuntza prozesuan horrelako euskarri fisikoak izatea beharrezkoa delako eta gabezia zegoelako sortu da Alea”. Paperezkoak lehentasuna hartu du baina etorkizunean badute atari digital bat sortzeko asmoa.
Geu Gasteiz aurrekari
Arabako Alea-k duela urte asko argitaratzeari utzitako Geu Gasteiz aldizkaria du aurrekari. “Hura bertan behera utzi zenetik bazegon irrika proiektua berriz martxan jarri eta horrelako komunikabide bat sortzeko. Zailtasunak medio, beste eragile batzuen partaidetza eta inplikazioa bilatu zen”, azaldu du Martinez de Lunak.
Hiru zutabe ditu aldizkari berriak: Geu Elkartea, Berria egunkaria eta Goiena Komunikazio Taldea. “Geu Elkarteak hartu du pisu gehien bere gain eta beste biek beraien esperientzia ekarri dute proiektura. Horri esker jarri ahal izan da martxan”.
Gainera, Berria-rekin lortutako akordioaren arabera, Arabako Hitza ordezkatu du Alea-k, eta ondorioz, asteburuetan aldizkaria egunkariarekin batera banatzen da herrialde osoan.
Elkarlana koadrilatan
Aurrekari zuen Geu Gasteiz hiriburuan bakarrik oinarritu eta argitaratzen zen eta Alea-k, aldiz, hasieratik hartu zuen zenbaki guztietan eskualde edo koadrilek presentzia izateko konpromisoa. Martinez de Lunaren esanetan, “badakigu Araba nahiko zentralizatuta dagoela Gasteiz inguruan eta gaur egun ere, gure irakurle edo harpidedun gehienak Gasteizkoak dira. Baina euskaldunak Araba osoan daude eta Gipuzkoan edo Bizkaian ez bezala, hemen ez dago tokian tokiko komunikabiderik, beraz, Araba osora zabaltzeko beharra ikusten genuen”.
Bazter guztietara heldu ahal izateak baliabideak areagotzea eskatzen du eta proiektu berria izateaz gain, lan talde txikia du Alea-k. Beraz, egunotan Korrikako testigua egiten ari den moduan, esku gehiago bilatu behar izan ditu proiektuak. “Lortu dugu kolaboratzaile ezberdinekin sare bat ehuntzea eta beraiek egiten dituzten ekarpenei esker lortzen dugu informazioa bildu eta publikatzea”.
Proiektua zehaztu eta finkatuta, jende berria erakarri eta aldizkaria aletzen jarraitzeko harpidetza kanpainan dabiltza orain.
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Euskal Herriko tokiko hedabideen sareak jasoko du aurtengo EITB Saria. Tokikometik adierazi dute mundu mailan tokikoak hartzen ari diren lekua aitortzen dutela EITBtik ere eta sektorekoek aitortzea "oso pozgarria" dela.
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]