Titi konplizeak
Behingoz uda bukaera iritsi den honetan (edo hori espero dut behintzat) eta hondartzak apurka-apurka basamortutzen doazen heinean, emakumeen titiek espazio publikoa utzi eta jertse itxietara eta bularretako estuetara bueltatzen dira.
Uda izaten da emakumeen bularrak gutxieneko naturaltasun maila batekin onartzen diren urtaro/testuinguru bakarra (eta ez edonon, eta ez guztien onarpenarekin). Toplessa egiten duen emakumea izanik, biziki pozten nau ikusteak gero eta arruntagoa dela neskek bainujantziko goiko atala erabiltzeari uko egitea. Edo, behintzat, erabaki hori hartzeko babes handiagoa dutela sentitzea.
Nik titiak erakusteko trantsizioa pausatuki egin nuen, eta esan beharra dut oraindik lekuaren eta konpainiaren arabera hartzen dudala hori egiteko edo ez egiteko erabakia, gustura egoteko eta gozatzera noalako hondartzara. Baina bakar bakarrik noanean, beste eremu batzuetan topatzen ez dudan geriza aurkitzen dut, pausoa ematera bultzatzen nauena. Neska naizen aldetik, ez zait hori leku askotan gertatzen, bakarrik ibiltzeak askotan duelako haren baitan beldurra eta segurtasun ezaren zama.
Gure hondartzetariko batera heltzean, eskailerak jaitsi aurretik, ondo begiratzen dut non dagoen toplessa egiten ari den emakumeren bat. Behin bat ikusita, haren inguruan beste bat edo bi ikusten ditut ia beti, gehiago ez badira. Eta horrela, saldo txikiak begiztatzen noa hondar guztitik, ezezagunek sortutako taldeak.
Titiak erakustea hautu politikoa da, ez dezagun ahaztu. Oraindik egon badaudelako horren kontra daudenak, objektualizatzen gaituztenak eta bularrak ezabatu nahi dituztenak
Haietako bat aukeratu ondoren, gerturatu eta eskuoihala alboan jartzen dut. Kitto. Kide bilakatzen naiz inori galdetu edo baimena eskatu gabe. Sostengu bat sortzen da bat-batean, hurkoa. Sexuan bezala, geroz eta arropa gutxiago, geroz eta konplizitate maila altuagoa dagoela dirudi. Babesten zaituen ingurua duzu alboan, inoiz ikusi ez dituzun emakumeek sortua. Ahaldunduta eta lasai, musika entzun, irakurri, buruz gora etzan edo altxatu egiten zara, aldamenean egon daitezkeen egoera deserosoei jaramonik egin barik.
Hala ere, behin baino gehiagotan gertatu izan zaizkit azken horiek, proposamen desatseginak, begirada lizunak edo txistu gogaikarriak. Emakume izate soilagatik bizitzen ditugunak. Baina inguruak eutsi egin nauela sentitu dut, eta bularrak berriro ere des-estaltzea erabaki dut hurrengo egunean.
Sentitzen dut ez naizela honetaz jabetu den neska bakarra. Sexualizaziotik ihesean toplessa egiten dugunon parte-hartzea areagotu egin dela uste dut eta titi biluziek sortzen duten eraginean sinesten dut, titien konplizitatean, emakumeon ahizpatasunean.
Berdin dio gusturago zaudelako, beltzaran jartzean geratzen diren markak gorroto dituzulako edo ahal eta nahi duzulako egiten baduzu: titiak erakustea hautu politikoa da, ez dezagun ahaztu. Oraindik egon badaudelako horren kontra daudenak, objektualizatzen gaituztenak eta bularrak ezabatu nahi dituztenak. Baina pixkanaka saldo biluzi horiek are arruntagoak dira eta pixkanaka beste espazio publiko bat bereganatzen goaz, udaz uda gure bularren izate eskubidea bermatzen dugun bitartean.
Karmele Ugalde Arcenillas
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Azaroaren 15ean Errenteria-Oreretan Euskal Herria Digitala osatzen dugun eragileek antolatutako hirugarren jardunaldiak egingo ditugu. Autodefentsa digital feminista lantzeko tailer bat eta digitalizazio demokratikoa oinarri izango duen hitzaldi bat izango dira... [+]