The Yes Men taldearen troleoa Europako Parlamentuan: Terrorismoaren aurkako behin betiko konponbidea
Global Security Response enpresaren izenean Endura esfera aurkeztu zuten, edozein erasotatik babesteko koraza pertsonala. Europako parlamentuan The Yes Men taldeak egiten duen lehen ekintza zuzena da, eta Europako terrorismoaren aurkako politikak kritikatzea zuten helburu.
“Terrorismoarekin bukatzeko aukera bakarra herrialde horietako pertsona guztiak hiltzea litzateke, baina, hori ulertu ezazue, ezinezkoa da”. Global Security Response enpresako bozeramaile eta defentsako aholkulariaren hitzak dira hauek. Urtarrilaren 12an terrorismoaren aurkako behin betiko soluzioa aurkeztu zuen Europako Parlamentuan. Ordu arte aurrera eramandako politikak ez direla eraginkorrak izan azaldu zuen aurkezpenean: “Ez dira oso inteligenteak izan. Frantziako erasoen osteko erantzuna suari gasolinarekin aurre egitea bezala izan da. Terrorista gehiago agertzea ekarri du, AEBek Iraken egindako bonbardaketek bezala”.
PowerPoint baten bidez “terrorismoaren aurkako” gerraren alferrikakotasuna erakutsi, eta Global Security Response enpresak sortutako produktuaren onurak azaldu zituen: Endura izeneko esfera. Schumperten esanetan produktu horrek aukera ematen dio pertsona orori edozein eraso terroristatik bere gotorleku propioan babesteko. Aurkezpenaren erdian bi pertsona azaldu ziren Endura esferak babestuta.
Baina, terrorismoaren aurkako soluzio militarrik existitzen ez den bezala, Endura esfera ere ez da erreala. The Yes Men taldearen ekintza izan zen. Segurtasun enpresako ordezkaria Andy Bichlbaum zen, The Yes Men taldearen bi sortzailetako bat, eta esfera zeramatzatenak bi eurodiputatu ziren Stelios Kouloglou eta Martin Sonneborn. Ekintzaren helburua, defentsa eta segurtasunaren paradigmaren baitan terrorismoaren aurkako soluziorik ez dela erakustea zen.
Ekintzan Bichlbaumek bibote faltsu bat zeraman soinean. “Bibote koloniala” bere esanetan. “Terrorismoarekin bukatzeko edozein saiakerak ez badu historia koloniala kontuan hartzen porrot egingo du”, adierazi zuen, “Lehen Mundu Gerra ostean Ekialde Hurbila banatu zutenetik, AEBek Irak inbaditu zuten arte, arrazoi ugari daude gauzak izan beharko luketen bezala ez izateko”.
Ekintzan parte hartu zuen Stelios Kouloglou Syriza alderdiko eurodiputatuak salatu zuen Sirian egiten ari diren bonbardaketak Estatu Islamikoaren “errekrutatze arma” direla, eta gaineratu zuen terrorismoa garaitzeko bide bakarra Siriako gerra bukatu, errefuxiatuei ongi etorria eman eta islamista moderatuekin harremanak hobetzea dela.
Ekintza zuzenak tresna dituen bikotea
The Yes Men bikotea ezagun egin zen multinazional handien aurka egin zituen ekimen komunikatiboen harira. Beren ekintzarik entzutetsuena, AEBetako enpresa kimiko Dow Chemical-en izenean, 2004an BBCn zuzenean haren ordezkari balira bezala, planta bat itxi eta Indian Bhopalen izandako istripuko biktima guztiak ekonomikoki konpentsatuko zituztela iragarri zutenekoa izan zen. Wikileaks-ek argitaratu zuen CIAren paperetan ere ageri dela bikote ekintzailea. The Yes Men Fix the world dokumentala beraiei buruz da, ARGIAko multimedia kanalean euskarazko azpidatziekin ikus daiteke.
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Parlamentuak asteazkenean onartu du adimen artifizialari buruzko legea, haien esanetan segurtasuna eta oinarrizko eskubideen errespetua bermatzen dituena, eta, aldi berean, berrikuntza bultzatzen duena.
Europako Legebiltzarrak eta Europar Kontseiluak abenduaren 20an onartu dute EBko Migrazio eta Asilorako Ituna. Batez ere, legez kanpo iristen saiatzen diren migratzaileen egoera gogortuko du.
Aurkeztutako dokumentuan, eurodiputatu batzuek adierazi dute EBk izan behar duela ereparazio-prozesuen buru, eta neurri berriak eta justizia errestauratiboari buruzko foru iraunkorra eskatu dituzte.
Legebiltzarrak astearte honetan, hilak 21, onartu du erabakia gehiengo handiz: 456 boto alde eta 153 kontra. Horren bidez, eskatu dio Europar Batzordeari prestatzen ari den Isuririk Gabeko Industriaren Europako Legean onar dezala energia nuklearra zero isuri duten energien... [+]
Neurri arautzaileak hartzeko eskatu dio parlamentuak txosten batean Europako Batzordeari. Batez ere Instagram, TikTok eta Facebook plataformetan oinarritu da ikerketa.
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Ustelkeria leporatuta kartzelan daude Eva Kaili, europarlamentuko presidente ohi Pier Antonio Panzeri eta beste bi pertsona. Europarlamentuko presidenteorde sozialdemokrata erosi du Qatarko diktadurak, eta dirua eman dio Europar Batasunean haien irudia zuritu dezan, Belgikako... [+]
Europako Parlamentuko Ikerketa Batzordeak frogatu du estatuen interesen aurkako politikari eta ekintzaileak zelatatu dituztela Hungarian, Polonian Grezian, Zipren eta Espainiako Estatuan. Espainiako Estatuan gutxienez 65 pertsona zelatatu dituzte Pegasus programa erabilita,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
Parlamentuak Europako Batzordearen proposamena onartu du. Ondorioz, orain arte energia berriztagarriek soilik jaso zitzaketen diru-laguntzak eskuratu ditzake gasaren eta energia nuklearraren industriak. EAJk aldeko boza eman du.
Europako Parlamentua eta Europako herrialdeak akordio batera iritsi dira karga-metodo bakarra egon dadin.