‘The Guardian’ egunkariaren jabeak barkamena eskatu du, hedabidearen sortzaileak esklabotzarekin aberastu zirelako
The Guardian egunkari britainiarraren jabeak, Scott Trust enpresak, iragarri du neurriak hartuko dituztela, euren iragan esklabistaren kalteak konpondu eta "lehengoratze justizia" egiteko.
The Guardian egunkariak 2020. urtean abiatutako ikerketa "independente" baten emaitzak plazaratu ditu. Horren arabera, egunkariaren sortzaileek, John Edward Taylor buru, esklaboak izan zituzten euren kotoi-sailetan XIX. mendean. 1821ean egunkariaren sorrera finantzatu zuten Manchesterreko enpresariek ere lotura izan zuten esklabotzarekin; gutxienez esklabista izandako hamaika babesle identifikatu ditu The Guardian-ek.
Egunkaria argitaratzen duen Scott Trust enpresako presidente Jacob Sundek "barkamena" eskatu du, egunkariaren sortzaileek "kotoiaren merkataritzan izandako paperagatik", eta esan du barkamena eskatzea eta gertaera horiek onartzea "lehen pausoa baino ez" direla.
'The Guardian'-ek, bere sortzaileen plantazioetan esklabo lanetan aritutako ondorengoen komunitateentzat 10 milioi libera bideratuko ditu, hango proiektuak bultzatzeko
Sundek iragarri du The Guardian-en sortzaileen plantazioetan esklabo lanetan aritutako ondorengoen komunitateentzat 10 milioi libera (11,4 milioi euro) bideratuko dituela egunkariak, hango proiektuak bultzatzeko.
The Scott Trust Legacies of Enslavement txostenean (Scott Trusten legatua esklabotzan) argi azaltzen da Taylor eta beste enpresariek ehungintza industriako sozietate sare handi bat zutela, eta Amerikako lurraldeetatik kotoia inportatzen zutela, Sea Islands, Hego Carolina, Georgia eta Jamaikatik, besteak beste.
Esklabistak, kalte-ordainak eskatzen
Kasu batzuetan esklaboen jabeak ere izan ziren, George Philipsek esaterako, Jamaikan plantazio bat zuen eta Britainia Handiak esklabotza abolitu zuenean, 1835ean kalte-ordaina eskatu zion gobernuari, bere "jabetzakoak ziren gizakien galeragatik".
Erresuma Batua duela bi mendetik aritu izan da esklabo-jabe izandakoei kalte-ordainak pagatzen euren "ondasuna" kentzeagatik; Bristolen 2015ean amaitu zuen Ogasunak zor hori ordaintzeari.
The Guardian-ek bere sortzaileen esklabo izandako zenbait pertsonaren izenak ere identifikatu ditu, Jamaikan 1831ko Gabonetako Esklaboen Iraultzan paper garrantzitsua jokatu zuen Granville izenekoa kasu.
"Rol periodistiko berria"
Lehengoratze Justiziarako Funtsak Jamaikan eta Gullah zein Geechen –libre geratutako esklaboek AEBetako kostaldean sorturiko hizkuntza eta kultura kreolearen lurraldeari deitzen zaie gullah eta geeche– programa bat zabalduko du datorren hamarkadan, hango proiektuak babesteko.
Horrez gain, egunkariak iragarri du komunitate beltzen inguruko erreportaje gehiago egingo dituela eta "rol periodistiko berriak" sortuko dituela arlo horretan. Kazetari beltzentzako bekak ere sortuko ditu The Guardian-ek.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]
Epaileek zuten azken hitza eta hala eman dute: La Negresse auzoak hala izaten jarraituko du Paueko Administrazio Auzitegiaren ebazpenaren ondoren, Miarritzeko Herriko Etxearen iritziarekin bat eginda. Izena aldatzeko auzibidea Mémoires et Partages (Oroimenak eta... [+]
Marcus Rediker historialari estatubatuarrak kapitalismoaren aurkako erresistentzien hasiera arakatu du, marinelen eta pirateriaren historiara iritsi arte.
Julian de Zulueta esklabista arabarraren inguruko erakusketa ikusgai dago LABE espazioan.
Julián de Zulueta y Amondo esklabista arabarra eta bere negozioak ardatz hartuta Azukre Beltza erakusketa “murgiltzailea” sortu du Irati Antía Zuaznabar gasteiztarrak, eta asteazkenean inauguratuko du hiriburuko LABE espazioan. Zulueta XIX. mendeko... [+]
Nazio inperialistetan familia jakin batzuk izugarri aberastu eta elite ekonomiko berriak sortu zituen munduko sistema kolonial eta esklabistak. Aldi berean, kontinente oso bateko biztanleria erdira murriztu zuen: Afrika. Mundua errotik aldarazi zuen, eta egun ere indarrean... [+]
Reuters agentziak argitaratu berri duen ikerlan baten arabera, AEBetako politikari asko esklabo jabeen oinordekoak dira.
Europa esklabotzarekin aberastu zela ez da sekretua. Hainbat mendez milioika pertsona garraiatu zituzten Afrikatik Amerikara, eta esplotazio horri esker ekoiztutako kakaoa, azukrea eta kotoia izan ziren Liverpool, Bartzelona edo Bordele bezalako hirien garapen ekonomikoaren... [+]
Pasa den ostiralean bete ziren 220 urte Toussaint Louverture hil zela, Haitiko 1791ko esklaboen iraultzaren buruzagia. Askorentzat, garai hartako politikari garrantzitsuena izan zen Louverture, ez bakarrik Napoleon Bonaparteren gudarostea garaitu eta Amerikako lehen herrialde... [+]
Erresuma Batuan eta Katalunian gizakien esplotazioan oinarrituriko iragan eta garapen ekonomikoarekin zer egin eztabaidak plazara salto egin duen bitartean, gurean jarraitzen dugu isilik eta eztabaidarik gabe.
Big Springs, Tennessee (AEB), 1864. Sezesio Gerra betean, Batasuneko soldaduak Patrick Henry Anderson koronelaren plantaziora iritsi ziren eta bertako esklaboak askatu zituzten, tartean Jourdon eta Amanda Anderson senar-emazteak. Biak Daytonera (Ohio) joan ziren eta han langile... [+]
Familia esklabista ohi batek Grenada Karibeko uharteari barkamena eskatu eta kalte ordaina ematearen harira, laboristek parlamentura eraman dute eskaria. Grenadako Erreparaziorako Komisioak horixe bera eskatu die gobernuari zein errege-erreginen etxeari.