Terrorismoaren Biktimen Oroimenezko Zentroa “diskriminatzailea” dela salatu du Memoria Osoa sareak
Herritarrak mobilizatzera deitu dituzte bihar Gasteizen, zentroaren inaugurazioarekin bat eginez. Bizikidetzaren aurkako "erasoa" dela salatu dute.
Oroimen historikoa lantzen duten elkarteak batzen dituen Memoria Osoa sareak agerraldia egin du astelehen eguerdian Gasteizen, asteartean inauguratuko den Terrorismoaren Biktimen Oroimenezko Zentrotik metro gutxira. Zentroa “diskriminatzailea” eta “baztertzailea” dela salatu dute, estatuaren ardura diren milaka biktima kanpoan utzi dituelako. “Une historiko honetan, giza eskubideen urraketa guztiak kontuan hartzen dituen proiektu eta dinamika eraikitzaileak eta integralak behar ditugu”, adierazi dute Nerea Martínez eta Josu Ibargutxi bozeramaileek, eta horregatik jo dute biktimen aurkako erasotzat astearteko inaugurazioa.
Protesta inaugurazioaren aurka
Astearte goizean inauguratuko dute zentroa, eta bertan izango dira, besteak beste, Iñigo Urkullu EAEko lehendakaria, Perdo Sánchez Espainiako Gobernuko presidentea eta Felipe VI. Espainiako erregea. “Tamalez, gaurkoan gure memoria kolektiboa modu zatikatuan jorratzen duen eta errealitatearen zati handi bat baztertzen duen zentro bat nola zabalduko duten ikusi beharrean gaude”, adierazi dute Martínezek eta Ibargutxik. Elkarretaratzea antolatu du Memoria Osoa sareak inaugurazioaren ordu berean, eguerdiko hamabietan, Foru Enparantzan, Memoria osoa bizikidetzaren alde, giza eskubideen urraketen arteko diskriminazioari ez lelopean
EH Bilduren kritikak
EH Bilduk ere inaugurazioaren aurka egin du. Zentroak biktimak mailakatzen dituela salatu dute Unai Urruzuno eta Eba Blancok, besteak beste: “Biktima batzuk lehen mailakoak izango dira, beste batzuk bigarren mailakoak, hirugarren mailakoak edota laugarren mailakoak. Eta beste batzuei biktima izaera bera ere ukatzen zaie”. Zentroa “bunker memorialista” bat izango da, EH Bilduren esanetan.
.jpg)
Elkarte memorialistek kritikatu egin dute Iruñeko Udalak Erorien Monumentua eraisteari uko egiteko hartutako erabakia. Memoria Demokratikoaren Legea “oker interpretatzea” egotzi diote Joseba Asiron alkateari, eta mobilizazio batera deitu dute urtarrilaren... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.