Ukrainak talde errusiazaleen aurkako operazioa abiatu du Donetsk eskualdean
Oleksandr Turtxinov Ukrainako behin-behineko presidenteak jakinarazi duenez, Donetsk eskualdean abiatutako operazioa urratsez-urrats gauzatuko dute, dagokion "ardura eta orekarekin".
Vladimir Putin eta Barack Obama, elkarri mokoka
Vladimir Putinek AEBei eskatu die euren ahalmena balia dezatela Ukrainan odol isuria eragozteko. Barack Obamak, berriz, Errusiari eskatu dio bere eragina balia dezala Ukrainako hainbat eraikin ofizial hartu dituzten ekintzaile errusiazaleak geldiarazteko.
Bi agintariek telefonoz hitz egin dute astelehenean, Ukraina hego-ekialdeko hiriak astindu dituzten liskarren harira. Putinen hitzetan, errusieraz mintzo diren herritarrak aintzat hartu ez dituzten Kieveko agintarien “borondate eta gaitasun ezaren” fruitu dira protesta horiek.
Donetsk, Lugansk, Jarkov eta Slaviansk bezalako hirietako egoera hizpide, Putinek gaineratu du “Errusiaren balizko esku-hartzearen” inguruan AEBek agertu duten kezkak “informazio ez fidagarria” duela oinarri.
Aitzitik, Obamak esan du Ukrainako “indar irregularrek” armak utzi behar dituztela, eta Errusiak bere influentzia baliatu beharko lukeela horretarako. Zentzu horretan, Errusiari eskatu dio bere tropak kentzeko Ukrainako mugatik.
“Errusiaren isolamendu geroz eta agerikoagoa hazi egingo da Ukrainako ekintzek etenik ez badute”, adierazi du AEBetako presidenteak.
Bestalde, nabarmendu du krisi honetan Ukrainako Gobernuak zuzen jokatu duela. Azpimarratu du ahalegin handia egin duela herrialdea bateratzeko, maiatzaren 25eko “hauteskunde libre eta justuen” bitartez; baita boterearen deszentralizazioranzko urrats konkretuak proposatu dituela ere.
Genevako goi-bilera
Errusiar hedabideek iragarri dutenez, bi presidenteek akordio diplomatikoa lortzeko ahaleginetan jarraituko dute, apirilaren 17an Europar Batasunak, AEBek, Errusiak eta Ukrainak Genevan egingo duten bileraren atarian.
Krimeako penintsulak Errusiarekin bat egin zuenetik lehendabizikoz bilduko dira lau aldeak.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
Bakearen goi bilera deiturikoan, Suitzako Bürgenstock hirian, Ukrainako presidente Volodimir Zelenskik hitzordua baliatu du presio diplomatikoa egiteko Errusiari eta fokua, atzera ere, Israel-Palestinatik Europako ekialdera eramateko.
EBko atzerri- eta segurtasun-politika arloko ordezkari Josep Borrellen hitzak azken asteotako eskalatzea elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua... [+]
Urrats berri horren berri eman du Errusiako Defentsa ministerioak maiatzaren 21ean, zehaztuz "Mendebaldeko arduradun batzuen mehatxuei" bideraturiko erantzuna dela. Oraingoz, arma nuklear taktikoak ez dira inoiz erabiliak izan, hain zuzen, suntsiketa gaitasun... [+]
Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.
Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.
Ukrainako gerra hasi zenetik bi urte betetzear direnean, Errusiaren kontrako hamahirugarren zigor-sorta adostu du Europar Batasunak. Orain arteko zabalenetakoa da, eta aurrenekoz barne hartzen ditu Txinako enpresak ere.
Bi urte bete dira Errusiako armadak Ukrainan inbasioa hasi zuela. Egun hori baino lehenago, 2014ko estatu kolpean eta ondoren hasitako gerra zibilean 3.500 zibil inguruk bizitza galdu zuten; horiei gehitu behar zaizkie Nazio Batuen Erakundeak (NBE) azken bi urteotan zenbatu... [+]