Antiabortisten jazarpenari aurre egin diete Donostian eta tentsio uneak izan dira
Larunbatean tentsio uneak izan dira Donostiako Amara Zaharrean, abortua praktikatzen duen klinika baten aurrean mugimendu antiabortistak egindako mobilizazioen harira. Eskuin muturreko Hazte Oir gisako eragile espainiarren babesarekin, Koldo Mitxelenatik deituta, prozesioa egin dute egurrezko gurutze handi bat buru. Lekuan bertan zeuden, ordea, klinika hori eta abortatu nahi duten abortatzera doana defendatzera joandako dozenaka pertsonak.
Errezatzea ez da delitua lelopean, abortatzeko eskubidearen aurkako kanpaina indartu du mugimendu antiabortistak. Larunbaterako mobilizazioa deituta zeukaten, Koldo Mitxelena kultur etxetik Amara Zaharreko klinikara prozesioan joateko. 30 bat pertsona joan dira prozesioan egurrezko gurutze handi bat zeraman gizonaren atzetik.
Eragile feministek deituta, goizean auzoa abortuaren aldeko mezuekin eta puxika moreekin apaindu ostean, 19:30ean klinikaren parean hogei pertsonako taldeetan antolatzeko deia zabaldua zuten, "manifestazioa iristean klinikara gerturatzen diren emakumeei* zein langileei gure babesa adierazteko", watsapp bidez zabaldu zutenez.
Prozesio antiabortista klinikara heltzean, 50-60 bat lagun zeuzkaten zain lekuan bertan eta tentsioa biderkatu egin da. Prozesioan joandakoak espaloian errezatzen hasi direnean, "Gora borroka feminista", "Faxistak kanpora" eta "Alde hemendik, utzi bakean" gisako oihu artean aurrez aurre geratu dira, errepidea moztuta.
Ertzaintzak esku hartu du eta klinika defendatzera joandako auzokideak bultzaka beste espaloira joan arazi ditu. 30 bat minutuz luzatu da egoera, errezatzen ari zirenak joan diren arte.
Duela hilabete bat eskuin antiabortistako kideek Amarako auzokide bati eraso egin zioten.
Irutxuloko Hitzak protestaren berri eman zuen momentuan eta astelehenean bideo-erreportajea egin du larunbateko irudiekin.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.