Tematzearen emaitza: errepide seinaleak euskaraz
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira eta hedabideek presioa egiten dute. Hala, batzuetan, aldaketak egiten dira; Nafarroan seinaleak euskaraz ere jartzen dituzte.
Hizkuntz Eskubideen Behatokiak abuztuko laburpena plazaratu du, hilero egiten duen moduan. Hizkuntza eskubide urraketak, zoriontzekoak eta lorpenak agertzen dira zerrendan. Lorpen bat ageri da, Iruñea eta Zizur Nagusia lotzen dituen bideko seinale gehienetan euskara txertatu dutela dio. Herritar bat jarri zen harremanetan Behatokiarekin. Seinaleotan euskararik ez zela salatu zuen.
Ez da Behatokian halako salaketa bat jasotzen duten lehenengo aldia, eta bestalde, Nafarroako Gobernuak halakoetan ematen duen erantzuna ia beti berdina da. Agurne Gaubeka Behatokiko zuzendariak testuingurua azaldu digu, ikusteko Nafarroako Gobernuak seinaleen kontuan nola erantzuten duen. 103/2017 dekretuaren hainbat artikulu baliogabetu ziren 2019an. Horietako batek zioen Nafarroako Gobernuaren zerbitzu zentraletako seinaleak, oharrak, jakinarazpenak… elebitan joan behar zirela. Epaitegietatik artikulu hori baliogabetu zuten. Beraz, baliogabetze hori erabilita, Zizurreko herritarrak egindako salaketa moten aurrean horixe erantzuten du Gobernuak: ez daukala elebitan emateko betebeharrik. Behatokiaren erantzuna, behin eta berriz, hau da: betebeharrik ez, baina debekurik ere ez dago: “Gobernuak egin dezake eta iruditzen zaigu egin behar duela, gutxienez elebitan agertu beharko lirateke”. Gaubekaren ustez, tematzeak, batzuetan, baditu ondorioak. Zizurreko adibidean, erantzunak ez zuen aldaketarako itxaropen handirik ematen, baina egoera salatu zuen herritarrak berak adierazi dio Behatokiari ia seinale gehienak elebitan jarri dituztela. Gaubekaren ustez, herritarren eta hedabideen presioak eragina du, eta horregatik: “Herritarrei dei egiten diegu, batzuetan ez lehenengoan, ez bigarrengoan… hirugarrengoan lortzen dugu, baina aldaketak egitea lortzen dugu, eta jendea animatzen dugu argazkiak bidaltzera [Euskararen Telefonora].
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Leringo hainbat gurasok herriko eskola publikoan D lerroa irekitzeko eskatu zuten iaz, baina nahiz eta legeak markatutako gutxiengo eskari kopurua gainditu, gurasoek ez dute aukera hori izango, Nafarroako Gobernuaren iritziz “Leringo eskolak ez duelako espaziorik D eredua... [+]
Kepa Ordoki - Memoria Historikoa Bidasoan elkarteak salatu du antolakuntzatik esan zietela hitzaldian gazteleraz hitz egin beharko zutela, "arrazoi politikoengatik". Hizkuntz Eskubideen Behatokiak "oso larritzat" jo du gertatutakoa.
Hizkuntza eskubideak ohi baino gehiagotan agertu dira titularretan azkenaldian, berri onik iragarri ez badute ere. Epaitegiek atzera bota dituzte hizkuntza eskakizunak herritarren zerbitzurako hainbat lanpostutan. Hizkuntza Eskubideen Behatokiko zuzendari Agurne Gaubeka... [+]
Hilabetero bezala, Hizkuntza Eskubideen Behatokiak abenduko eskubideen urraketak, zoriontzeak eta lorpenak bildu ditu. Urraketak dira gehienak, enpresa pribatuetatik zein erakunde publikoetatik etorriak: besteak beste, osasun zentroetan euskara zerbitzurik ez bermatzea edota... [+]
Hizkuntza-Eskubideen Behatokiak salatu du zerbitzu publikoak euskaraz jaso ahal izatea oinarrizko eskubide kolektiboa dela, eta larritzat jo du EAEko Auzitegi Nagusiak galarazi izana Barakaldoko Udalak zerbitzu publikoetako euskara eskatzea. Bestalde, Barakaldoko Sasiburu... [+]
Iruñeko euskalgintzako kolektiboek eta Hizkuntz Eskubideen Behatokiak jarri dute martxan "Udalak nirekin euskaraz" kanpaina, Iruñeko Udalaren hizkuntza eskubideen urraketak azaleratzeko helburuz. Horretarako, herritarrei eskatu diete partekatu ditzatela... [+]
Hizkuntz Eskubideen Behatokiak publiko egin ditu irailean herritarrek egindiako salaketak, zoriontzeak eta lorpenak.
Uztailaren 6an jarri zuen herritarren eskura Nafarroako Gobernuak Nafarroako administrazio publikoetan sartzeko eta bertako lanpostuak betetzeko merezimenduen balorazio-dekretua. Euskalgintzaren Kontseiluak eta Hizkuntz Eskubideen Behatokiak aurkeztutako proposamenari hainbat... [+]
Hizkuntz Eskubideen Behatokiak publikatu egin ditu ekainean erregistratu dituen eskubide urraketak eta zorion mezuak.
Hizkuntza Eskubideen egoera 2021 txostena aurkeztu zuen Hizkuntz Eskubideen Behatokiak aurreko astean Gasteizko Europa Jauregian egindako ekitaldian. Bertan, zerbitzu publikoetan hizkuntza eskubideen urraketak betikotzeko arriskuaz ohartarazi zuten. 2021ean 1.320... [+]
Herritarren hizkuntza eskubideak errespetatzeko neurriak galdegin dituzte. Gaur egun administrazioan telematikoki egin daitezkeen tramiteen %23 soilik egin daitezke euskaraz, eta tokiko erakundeen kasuan %2,5 besterik ez.
Gobernuaren plan proposamenari 67 zuzenketa egin dizkiote. Kritikatu dute araugintzaren bidean ez dela aldaketarik planteatu eta horrek “eskubide urraketen betikotzea” dakarrela.