Movistar negoziatzeko prest, hautetsi berrien eta langileen presioaren ondorioz
Maiatzaren 24ko hauteskundeen ondoren hautatuak izan diren hainbat lagunek agerraldi jendetsu baten bidez jakinarazi dute hilaren 26an Katalunian Telefonica-Movistarreko grebalarien “Eskaileren konpromisoa” sinatuko dutela.
Horrek esan nahi du, ez dituztela kontratatuko telekomunikazioen alorreko multinazionalaren zerbitzuak hautatuak izan diren udaletan, langileentzat baldintza duinak ziurtatzen ez dituzten bitartean.
La Directa hedabide kataluniarrak informatu duenez, sinatzaileen artean daude, besteak beste, Bartzelonako Udalerako hauteskundeak irabazi dituen Barcelona en Comú plataforma, Guanyem Badalona, CUP, ICV-EUiA eta ERCko hautetsiak, beste zenbait hauteskunde plataformaren artean.
Aurreikuspenen arabera, ekainaren 13an hartuko dituzte aginte-postuak konpromisoa sinatu dutenek.
Telefonicak presioaren aurrean erreakzionatu du
Horren aurrean eta grebalariek Bartzelonan okupatutako dendan jarraitzen dutela ikusirik, ostegunean jakin da Telefonicak bitartekari bat izendatu duela langileekin negoziatzeko.
Hori bai, elkarrizketak hasteko Telefonica-Movistarrek baldintza gisa jarri die langileei itxialdiarekin amaitu behar dutela. Langileek asanblada bidez erabaki dute uko egingo diote baldintza horri, baina prest daudela negoziazio mahaian esertzeko.
Arratsaldeko 18:30ean emango zaio hasiera Correscales, prekarietatearen aurkako lasterketa solidarioari, Movistarrek Bilboko Buenos Aires kalean duen dendaren parean. Lasterketa bera 19:00etan hasiko da; herri mugimenduko elkarte ugarik erreleboka eramango dute lekukoa,... [+]
Prekaritatearen aurkako Correscales lasterketak Bilbo eta Bartzelona batuko ditu otsailaren 18tik 22ra bitartean. Movistar telefono konpainiako langileen iazko grebari lekukoa hartuta, erresistentzia kutxa bat eratzeko asmoa dute.
Apirilean egindako 80 egun inguruko grebaren ostean, Movistar-eko langileek osatutako Marea Urdina elkarteak egitasmo berri bat atondu du: prekarietatearen aurkako Korrika moduko bat egitea, Bilbo eta Bartzelona lotuz. Guztira 674 kilometro etenik gabe egingo dituzte, otsailaren... [+]
Bartzelonako Rambletan dagoen BBVAren bulego bat okupatu dute Telefonicako dozenaka langilek. 74 egun daramatzate greban eta banku hori telefono konpainiako akziodun nagusia da.
Larunbatean hartu dute Bartzelonako Catalunya plazako denda greban diren Movistarreko langileek. Itxialdi mugagabea egingo dutela azaldu dute zuzendaritzarekin negoziaketak hasi ezean.
Movistarreko langile azpikontratatuek 30 segundoko tartea izango dute Herrialde Katalanetako TV3 eta BTV telebista publikoetan. CUP taldeak udal hauteskundeengatik egokitutako publizitate tartea utzi die grebalariei beren egoera azaldu eta erresistentzia kaxaren kontu... [+]
Ez dute fruiturik eman astelehen gauean Movistarreko ordezkaritzak eta grebalariek egindako lehen harremanek. ARGIAk jakin ahal izan duenez, Bartzelonan egindako aurrez aurrekoan Telefonicak ez du Greba Komitea aitortu mintzakide gisa. 15.000 langile greba mugagabean daude... [+]
Espainiako Estatuan Telefonicarentzat lanean ari diren 15.000 kontrata, azpikontrata eta autonomoek nahikoa dela esan dute. Hilabete daramate greba mugagabean, azken urteotako langileen gatazkarik indartsuenetakoan. Lana ehunka azpikontrataren bidez egiteak dakarren... [+]
Telefonicak azpikontratatutako langileen soldatak Cesar Alierta Telefonicako presidentearenak baino 706 bider txikiagokoa dira. Administrazio kontseiluko kideek euren soldatak %20 igo zituzten 2011 eta 2013 urteen artean, 6.830 langile kaleratu zituen enplegu-erregulazioko... [+]
Lerroon aldameneko afixa txikiak (folio soil fotokopiatua, platanoaren gerriari celloz lotua) harritu ninduen duela hamabost egun Tolosako Triangulo plazan baina laster ahaztu nuen. Inon ez baita albisterik ez entzuten, ez ikusten, ez irakurtzen, Espainiako Estatuko konpainiarik... [+]