Taser pistolak erabiltzen hasiko da Espainiako Polizia
Datozen hilabeteetan Espainiako poliziak taser arma elektrikoak erabiltzen hasiko dira; Espainiako Barne Ministerioak 1.000 arma elektriko erosi ditu, eta laster hasiko da horiek komisaldegietan banatzen.
SUP Espainiako poliziaren sindikatuak urteak zeramatzan barne-ministerioari taser armak eskatzen, eta azkenean 2019an iritsiko dira komisaldegietara. Ertzaintzak, Mossos d'Esquadrek eta Espainiako Estatuko 200 polizia lokalek baina gehiagok taserrak zituztela zioten Espainiako polizia nazionalek, eta beraiek ere lanerako behar zituztela argudiatuz arma elektrikoak lortu dituzte.
Urteetako lana ebaluatu du SUP sindikatuak, eta ondorioetariko bat “arma elektrikoen beharra” izan da, interbentzioetan “funtzionarioen eta hiritarren segurtasuna” bermatzeko. “Espero dugu denbora igaro ahala mila pistola beharrean 20.000 edukitzea. Ia 25.000 polizia lanean daudela kontuan izan behar dugu, eta garrantzitsua da horietako bakoitzak bat eskura edukitzea”, adierazi du SUP sindikatuak.
Público hedabide espainiarrak jakin duenaren arabera, Barne Ministroak epe ertain batera ez du ikusten Guardia Zibila taserrak erabiltzen hastea.
Arma “ez hilgarriek” hildakoak
Taser arma elektrikoek deskarga jasotzen dutenengan duen eragina eztabaidarako gai izan da urteetan mundu osoan, AEBetan batez ere. Izan ere, AEBetan aspalditik dituzte taser armak poliziek, eta nahiz eta arma “ez hilgarri” gisa sailkatu, ehundaka pertsona hil dira arma honen erabilera dela eta. BBC Mundok 2013an egindako erreportajearen arabera, 2001 eta 2012 urteen artean 500 pertsona baino gehiago hil ziren AEBetan arma honekin egindako interbentzioak zirela eta.
“Taser batek bat-bateko heriotza eragin dezakeela dudarik ez dago. Hori guztiz argi dago”, zioen Douglas P. Zipes kardiologo eta ikertzaileak BBC Mundorekin elkarrizketan, taser armen inguruan hizketan.
Hego Euskal Herri “elektrikoa”
Ertzaintzak 2008tik ditu taser arma elektrikoak, baina 2018an erabili zuten lehenengoz Bizkorrek, interbentzio azkarrerako talde bereziak. Euskal Autonomia Erkidegoan eguneroko interbentzio gutxi egiten ditu Espainiako Poliziak, baina Nafarroan eskumen gehiago ditu; beraz, aurreikusi daiteke Espainiako poliziek Nafarroan gehiago erabili ahal izatea.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]
"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.
Lucia Rodriguez polizia-agenteak hiru urtez egin zituen sator-lanak Distrito104 gazte-kolektibo antifaxistan eta Madrilgo Errepresioaren Aurkako Mugimenduan, aurreko udazkenera arte.
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.