Taser pistola Foruzaingoaren armen araudian sartu nahi du Nafarroako Gobernuak
Nahiz eta Nafarroako hainbat udalerrietako udaltzaingoek taserrak dituzten, ez dago armen araudian jasota. Azkoienen lau aldiz erabili dute, eta Iruñean aurtengo ekainean erabili zuten lehen aldiz.
Nafarroako Gobernua lanean ari da Foruzaingoaren armen araudia aldatzeko, besteak beste, taser pistola sartzeko, foru-poliziek eskatuta. Foruzaingoak proposamen bat aurkeztu du Herrizaingo Zuzendaritza Nagusiaren bitartez, non arauzko arma gisa onartzea eskatzen duten Kontrolerako Gailu Elektronikoa (DEC edo taser pistola) “beste arma batzuk” atalean. Horrez gain, eskaera horretan proposatu dute 17 HRM Erriflea “su-arma luzeen ereduak” atalean sartzea. Polizien arabera “biak Foruzaingoaren hainbat unitateren berezko funtzio eta jarduketetara egokitzen” dira, Noticias de Navarra-k informatu duenez. Nahiz eta 137/1993 Espainiako Errege Dekretuaren 5.1 artikuluan “bereziki gaitutako funtzionarioentzat” taserraren erabilera arautzen den, irailean egitea espero da arma horien ezarpena Nafarroako Foruzaingoaren armen araudian.
Nahiz eta araudian jasota ez dagoen, Nafarroan taser pistolak dituzte Iruñea, Azkoien, Funes, Faltzes, Azagra, San Adrián, Cintruénigo, Cascante, Valtierra eta Corellako udaltzainek, Noticias de Navarra-k jaso duenez. Azkoiengo Udaltzaingoak 2016. urtetik ditu pistola elektrikoak, eta zortzi urtetan taserra lau aldiz erabili dute, horietatik hiru alditan udaltzain agente berak. Iruñean lehen aldiz aurtengo ekainean erabili zuten taser pistola, Buztintxuri auzoan. Iruñeko Udaltzaingoak erabilitakoa Taser T7 pistola da, eta udaltzainek “armaren erabilera arautzen duen protokolo zehatz bat jarraitzen dute”. Irismen laburreko arma da eta deskarga elektrikoen bitartez pertsonak immobilizatzeko gai da.
Taser pistolaren aurrekariak
Taser pistolen erabilera eztabaidagaia izan da azken urteotan. Astigarragan (Gipuzkoa) aurtengo otsailean agerraldi psikotikoa zuen gizon bat hil zen, familiak salatu zuenez Ertzaintzak “bortizki esku hartu” ostean. Eusko Jaurlaritzako Segurtasun Sailak ziurtatu zuen biktimaren aurka jardun zuten polizia-agenteek ez zutela taser pistolarik erabili, baina hildakoaren familiak salaketa aurkeztu zuen Donostiako Instrukzioko 5. epaitegian, gorpuak “higadurak eta urradurak” zituelako, eta “taser pistolarekin bateragarriak ziren markak” ikusten zirelako, Noticias de Gipuzkoa-ren arabera.
Amnistia Internazionalak ziurtatu zuen AEBetan 2001 eta 2012 urteen artean taser pistolekin 500 pertsona inguru hil zituztela, BBC-k 2013an egindako erreportajean irakur daitekeenez. “Zalantzarik gabe, taser batek bat-bateko heriotza eragin dezake. Hori erabat argia da”, adierazi zion Indianako Osasun Unibertsitateko ikertzaile eta kardiologo Douglas P. Zipes-ek BBCri.
Araudi-aldaketa bat egitean, Foruzaingoan taser pistolak modu progresiboan hedatzea espero da: oraingoz, 150 ematea aurreikusi dute. Beste polizia-indar batzuetan ere ari dira arma hori zabaltzen, tartean, Nafarroako hamaika udaltzaingotan eta Guardia Zibilean.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Guardia zibilen Jucil elkarteak jarri zuen helegitea. Gorenak ebatzi du posible dela trafiko eskumena Nafarroako Gobernuaren esku lagatzea, baina Foru Hobekuntzan jasota ez dagoen eskumena izanik, horretarako beste bide bat bilatu beharko litzatekeela: esaterako, Foru Hobekuntza... [+]
"Bortxaren erabilera progresiboa beharrezkoa denean" erabiliko dituzte arma berriak. Bideokamera pertsonal bat ere izango dute taser pistolak daramatzaten polizia-agenteek.
2021eko martxoaren 8an Nafarroako Parlementuaren inguruetan egindako ekintza baten harira, istiluak jaso ziren feministen eta Poliziaren artean. Gertakariaren ondorioz, bi emakume zauritu egin ziren, eta horietako bat atxilo eraman zuten. Atxilotutakoari 15 hilebeteko... [+]
Nafarroako Foruzaingoko polizia-agenteen erretiro-adinaren aurrerapena Espainiako Estatuaren 2022ko aurrekontuen gaineko negoziazioen testuinguruan zehaztu da. Estatuko polizia-indar guztien jubilazio-baldintzak "berdintzea" adostu du PSOE-Unidas Podemosen gobernuak,... [+]
Kartela Nafarroako Legebiltzarraren aurreko posta-kutxa baten jarri zuen LKN kale artistak, eta PSN eta EH Bildu negoziatzen ari diren aurrekontuei erreferentzia egiten zien, Chivite lehendakaria eta EH Bilduko Bakartxo Ruizen muxuarekin.
2016an jazotako talde bortxaketaren harira, bi ikerketa lerro abiatu dira. Bata sexu erasoaren gainean, eta bestea erasoa estaltzeko Espainiako Poliziako agente batek ustez izandako esku hartzearen inguruan. Bortxaketarekin zerikusia dutenen artean, foruzain bat ere bada.
Espainiako Gobernuak "ez du etorkizunean pizgarri hori kentzeko aukerarik planteatzen".
Burlatan, Donostian, Ermuan, Zornotzan eta Iruñean izan dira atxiloketak.
Foruzaingoaren eta Guardia Zibilaren 277 kontrol zenbatu ditu Lizarrako Pikutara mugimenduak azken lau hilabeteetan. Urtarriletik martxora bitartean 211 kontatu zituzten.
Espainiako 700 polizia, 796 guardia zibil, 710 foruzain eta 400 udaltzaingo arituko dira lanean Iruñean, sanferminek irauten duten bitartean.
Asteazken eguerdian Maravillas gaztetxetik materiala ateratzen jarraitzen dute beharginek eta Diario de Noticiasek argitaratu duenez, eraikineko atea porlanarekin itxiko dute.
Herri batzarra eta kalejira egin dute Iruñeko Alde Zaharrean barrena astearte iluntzean. Foruzaingoak Nabarrerian jarraitzen du, auzokideei kalteak eraginez. Istiluak izan dira.
Goizeko 5:00ak aldera sartu dira barrura; ez zegoen inor bertan. Espainiako Poliziak Nabarreria plaza inguru osoa itxi du, inor bertaratu ez dadin. Foruzainen hitzetan, gaztetxearen egoera ikuskatzea dute helburu. Gaztetxekoek uste dute aitzakia hutsa dela eraikina husteko... [+]