Tardeoa
Azken urteotan hamaika aldiz entzun dugun hitz berria: tardeoa. Lekuz leku aldaerak izango dituela susmatzen dut. Nik Bilbokoa baino ez dut ezagutzen, eta oso gauza sinplea dirudi: adin bat daukagunok, orain arratsaldean, lehen gauean egiten genuenari jarri diogun izena, hau da, eta labur esanda, arratsaldez parranda egitea.
Dirudienez ez dugu Euskal Herriko biztanleok asmatu, gauza gehienak lez, kanpotik ekarri eta geure erara moldatu dugu. Bilbon gogor sartu da ordea, eta larunbat arratsaldeetan, pub eta tabernak, 1970-80ko hamarkadetan jaio ginen gizabanakoz bete dira berriz ere. Harrigarria da arratsaldeko seietan, artean egunez dela, pub bateko atea ireki, bertan sartu eta jendea edaten eta dantzan ikustea gaueko ordu txikiak izango balira bezala. Halakorik sekula ikusi ez duzuenoi gomendatu egiten dizuet, benetan. Errealitate birtualeko betaurrekoekin daukazun antzeko sentsazioa sortzen baita.
Baina ez da hori, beharbada, deigarriena. Tardeoa, bere izenak argi agertzen duen bezala, arratsaldez soilik izan beharko luke, ezta? Ba ez, gehienetan gaueko ordu txikietara arte luzatzen da. Tardeoa-k, beraz, parranda luzatzeko aitzakia baino ez dirudi. Gauarekin nahikoa ez eta arratsaldea ere hartu dugu parrandan ordu gehiago emateko.
Askotan pentsatu izan dut gure belaunaldikoena aparteko zerbait dela, parrandarekiko demaseko zaletasuna dugula, alegia. Gure gurasoak ez ziren ateratzen geu gazteak ginenean, baina guk hor jarraitzen dugu, 20 urte genituenean bezalaxe
Joan den larunbatean, aspaldiko partez, Albiako lorategietatik hurbil dagoen betiko pub batera hurbildu nintzen lagunekin, gaueko hamabiak aldera, arratsalde osoan tardeoan ibili ostean. Betiko pub-a esan dut duela 30 urte ere bertara joaten ginelako. Izugarrizko giroa zegoen. Han zeuden tardeoan ibilitako 40-60 urte bitarteko “gazte” guztiak. Gehienak ondo alaituta, pozik, ligatzen saiatzen batzuk eta gure garaiko musika dantzatzen gehienak, ligatu nahi zutenak eta nahi ez zutenak.
−Lan egiten duzu edo jubilatuta zaude jada? –lagun baten txantxa berton geundenon adina ikustean.
Barrea gogoz egin ondoren, geu ere, tardeoa igarota, ondo alaituta baikeunden ordurako, ideia bat otu zitzaidan: jubilatzeko ez gaude baina, agian, martxa honetan jarraituz gero, parrandazale berak betiko lekuetan elkartzen jarraituko dugu, eta orduan bai, orduan ea jubilatuta gauden galdetuko beharko diogu elkarri.
Hala ere, arratsaldea atzetik datozen belaunaldiei utzi beharko diegula iruditzen zait, beraiek hartuko baitute arratsaldean eraiki dugun geure lekua eta, orduan, jokoz kanpo egongo gara berriro ere? Beste zerbait asmatu beharko dugu? Mañaneoa? Ez dut pentsatu ere egin nahi. Gai gara jo eta su, goiz, arratsalde eta gau ibiltzeko.
Askotan pentsatu izan dut gure belaunaldikoena aparteko zerbait dela, parrandarekiko demaseko zaletasuna dugula, alegia. Gure gurasoak ez ziren ateratzen geu gazteak ginenean, baina guk hor jarraitzen dugu, lehenengo lerroan, 20 urte genituenean bezalaxe. Zergatik? Ez dakit, hori soziologoek ikertu beharko lukete, baina hala da.
Jabi Elorza
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Goizean jaiki orduko hasten dira desegokitasunak. Beharbada lotarako erabili duzun lastaira ere ez zen egokiena. Baina, ezin ba idatzi desegoki sentiarazten nauten guztiez. Horregatik, udaberriko ekinozioa –egunaren eta gauaren arteko oreka– dela eta, oraindik ere,... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]
Horra Libération egunkariak berriki argitaratu duen idazkia:
“Bayonne” bukatu da, Libérationek “Baiona” idatziko du
Hiri baten izenaren erabilpena ohiturazkoa delarik, egunkari batean izen horren erabilpena aldatzea zaila da. Alta, irakurleen... [+]
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]