Tafallako Juncal aintziraren bioaniztasuna desagertzeko arriskuan dago
Hori salatu du Sustrai Erakuntza elkarteak. Azaldu duenez, Nafarroako AHTk eta beste hainbat egiturek inguratuta gera daiteke aintzira, batzuk jada eginak daude eta beste batzuk eraikitze bidean dira.
Aintzirari mehatxu egiten diotenen artean daude honakoak: Orkoien eta Tafalla arteko 220 KVko goi-tentsioko linea elektrikoa, Castejon eta Muruarte arteko 400 KVko beste goi-tentsio linea bat, Nafarroako Ubidea (puntu honetan lurpetik igarotzen da), Tafalla eta Miranda de Arga arteko errepidea, edo Castejonetik Iruñerako abiadura handiko trena.
Juncaleko aintzira babestutako eremu naturala da, Kontserbazio Bereziko Eremu eta Erreserba Natural izendapenarekin. Espezi ugari bizi dira han, koartza eta mirotz espezieak besteak beste, eta hegazti migratzaile ugariren babesleku da. Ugaztunen artean aipa daitezke igarabak edo bisoi europarrak, eta horiez gain, beste anfibio mota ugari han bizi dira. Hori guztia lezkadiez eta fenalarrez osatutako aintzira-ekosistema garrantzitsu bati esker. IDENA Nafarroako Gobernuaren plataforma geografikotik ateratako ondorengo irudian ikus daitezke aintzirari mehatxu egiten dizkioten azpiegitura horiek.
.jpg)
Sustrai Erakuntzaren esanetan, azpiegitura horiek guztiek ezaugarri bat dute: “Azpiegitura linealak dira, kilometro askotatik igarotzen direnak, eta faunaren mugimenduari hesi-efektua eragiten diotenak, modu batera edo bestera. Eta horietako batzuetan hesi-efektua oso nabarmena da, AHTaren eraikuntza osatu eta martxan jarriko bada gerta daitekeen bezala”.
Castejón eta Muruarte arteko goi-tentsioko linea ere aintziratik 500 metrora pasatuko da, AHT pasatu ahal izateko 2015ean linea horren trazadura aldatzeko baimena eman ondoren. Eta horiei gehitu behar zaie duela gutxi ezagutu den beste proiektu bat: aintziratik gertu eraiki nahi dute 21 MWko eguzki-poligono fotovoltaikoa, 40,37 hektareako azalera hartzen duena (beheko irudian gorriz margotuak).
.jpg)
Eguzki poligono horrek aintziran duen ingurumen eragina dela eta, Sustrai Erakuntzak alegazioak aurkeztu dizkio proiektuari. Hala ere, diotenez, “berez, azpiegitura horien guztien pilaketak eta haien arteko interakzioak” eragiten dute inpaktu kaltegarri hori.
Elkarteak arriskuan ikusten du Nafarroako bioaniztasuna, eta uste du Nafarroako Gobernua ez dela egiten ari egin beharrekoa berau zaintzeko: “Azpiegituren planifikazio demokratikoaren falta dago eta, ondorioz, Nafarroan geratzen zaigun biodibertsitate urriarekin amaitzen ari da”. Gaiari buruzko informazio zehatzagoa nahi duenak Sustrai Erakuntzaren webgunean egin dezake kontsulta.
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Denborale batek hondamendia eragin du Mediterraneo mendebaldean, eta gutxienez 92 dira hildakoak eta dozenaka desagertu daude. Halako ekaitz bortitzen arrazoiak kostaldearen txikizioan bilatu behar direla ohartarazi zuen Millán Millán meteorologoak. Eta soluzioa... [+]
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Beste hainbat intsekturen kasuen modura, hau ere “tigre” hitzaren itzalpean izendatzen dute herrialde batzuetan. Jakina, halako izena jarriz gero espero zitekeen ehizarako trebetasuna ezin falta! Eta halaxe da, bai.
Badira sei urte nire lehen erlezaintzako ikastaroa egin nuela. Gaur gaurkoz erlezaintza da nire ogibidea.
Lehen erleak erosi nituenean ez nekien arraza ezberdineko erleak zeudenik ere, auskalo zer erosiko nuen bakarren batek "erle beltza izango da, ezta?" galdetu zidan... [+]
"Irudia zuritzeko" estrategiak erabiltzen dituzte energia arloko enpresa nagusiek. Ekintza positiboak azpimarratu eta inpaktu negatiboa "estaltzen" dutela ondorioztatu du ikerketan parte hartu duen EHUko doktoregai Goizeder Blancok.
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Jolastoki eta ikastetxeko sarrera zen asfaltozko 350 metro koadroak berdegune bihurtu dituzte Haur eta Lehen Hezkuntzako Remontival eskola publikoan, Lizarran. Landaturiko zuhaitz, zuhaixka eta landareek helburu dute, besteak beste, beroa eta hotza hobeto kudeatzea,... [+]
Desagertzeko arriskuan dagoen basoilarra ikusi dute azken egunetan Larra eta Aztaparretako naturgunean, Belaguako La Contienda bailarako eski estazioko aparkalekuan. Jokabide arraro horrek kezka sortu du biologoen artean, aurtengo negu beroak eraginda izan baitaiteke. Basoilarra... [+]
Egun osoa airean, buelta eta buelta, haizearekin dantzan kometa balitz bezala… eguzkiari itzal egiteraino! Horra hor, mirua hegan. Hortik dator eguzkia lainoetan atera eta sartu dabilenean “miru-itzala” edo “miru-kerizpea” dagoela esatea, Felipe... [+]
Erreketako tigre-burruntzia Europako burruntzi handienetakoa da. Gure lurretan, gainera, oso zabalduta dago eta erraza da erreka inguruetan ikustea, etengabe hegan, gora eta behera. Arra eta emea oso antzekoak dira, ia berdinak sexu-organoak alde batera utzita.