Tafalla-Campanas AHT zatia lizitatu dute 281 milioi eurotan
Castejon eta Iruñerria arteko zatia da orain Espainiako Garraio Ministerioak lizitatu duena, 15,1 kilometrokoa eta 30 hilabetetan egin beharrekoa, Espainiako Gobernuak eta abiadura handiaz arduratzen den Adif konpainia publikoak jakinarazi dutenez.
Tafalla, Puiu, Garinoain, Barasoain, Tirapu, Biurrun-Olkotz eta Muru Artederreta herriak hartzen ditu zati honek, eta bere lanik konplexuenak hiru tunel eta biaduktu bat dira. Tunelak honakoak dira: Katedral izenekoa (474 metrokoa), Artzareta (258 m.) eta Murugainekoa (506,9 m).
Horiez gain, hainbat pasabide ere izango ditu gainetik eta azpitik, batetik bestera iragatea errazteko. Biaduktuak 546 metro izango ditu eta La Majadako errekastoa gainditzeko eraikiko da. Garinoainen, halaber, trenak aparkatzeko geltoki bat egingo da, beste tren batzuk aurrera egin dezaten eta garraio-trenak bertan gelditu ahal izateko.
Sakanan zundaketen aurka
Stop AHT Zundaketak ekimenak deituta Lakuntzako plazan ehundik gora lagun bildu ziren astearte arratsaldean eta eskatu zuten Sakanan hainbat lekutan egiten ari diren zundaketak gelditzeko. Oraindik ez dago garbi Nafarroako AHT zatiak nondik egingo duen bat Euskal Y-arekin, edo Ezkiotik eta Gasteiztik.
Bietatik eragina oso handia izango litzateke: Ezkioko hautuak eskatuko luke Aralar azpian 22 kilometroko tunela eraikitzea, eta ingurumen kalteez gain, horrek asko garestituko luke inbertsioa; Gasteizko aukera errazagoa eta merkeagoa litzateke, baina ekarriko luke Sakana bitan zatitzea, eta azpiegitura saturazioa areagotzea jadanik errepide zaharra eta autobideari AHTko trenbidea gehituta.
Epe aurreikuspenaren ikuspegitik ere oso atzeratuta doaz Nafarroako lanak, eta behin eta berriz atzeratzen dira agintariek aipatutako datak. Bernardo Ciriza Nafarroako Gobernuko Lurralde Kohesioko kontseilariak, adibidez, 2021eko azaroan esan zuen Castejón-Campanas eraikita egongo zela 2026rako, baina ordurako amaituta egongo den bakarra, iragarritako epea betetzen bada, orain lizitatu den Tafalla-Campanas zatia izango da.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]
Hamar euroko billeteak zabaldu dituzte Iruñeko Merkatuan, haien mezuarekin.
226,52 milioiko aurrekontuarekin, Eusko Jaurlaritza arduratuko da Abiadura Handiko Trenaren Bilboko sarrerako eraikuntza proiektua idazteaz.
Aldi baterako irtenbide gisa planteatu du Garraio Ministerioak, eta horrela mantenduko litzateke Castejon eta Zaragoza artean Nafarroako AHTaren plataforma martxan egon arte.