Suzko barrikada eta pikete masiboa Tubacexen, kaleratzeen bezperan
Tubacexeko langileen greba mugagabearen 63. egunean, langileek pikete masiboa eta suzko barrikada egin dituzte Amurrioko lantegiaren sarreran. Biharamunerako daude aurreikusiak 129 kaleratze.
Bi hilabete daramatzate borrokan Tubacexeko langileek, enpresak gauzatu asmo dituen kaleratzeen aurka. Ostegunerako, apirilak 15, daude aurreikusita 129 langileren kaleratzeak. Bezperan, 63. greba egunean, grebalariek pikete masiboa egin dute Amurrioko lantegiaren ateetan, bertan parte hartzera dei eginez bi lantegietako plantilla osoari. Zuzendaritzaren autobusari sarrera oztopatzeko, suzko barrikada egin dute goizeko lehen orduan. Suhiltzaileak bertaratu diren arren, sua itzali gabe buelta eman dute, langileen txalo artean:
Suhiltzaileak etorri eta buelta eman dute. Langileen txaloak eraman dituzte!#TubacexKaleratzerikEz pic.twitter.com/ngjqmKlmjR
— Maddi Isasi Azkarraga (@maddisasi) April 14, 2021
Egun erabakigarriaren bezperan, mezu argia helarazi nahi izan dute: “Tubacexen ez dago inor soberan”. Osteguna eta gero greba mugagabea ez dadila eten eskatu die langileei enpresa batzordeak, kalean geratuko diren lankideei babesa ematen jarraitzeko. Aleak jaso duenez, hala adierazi die: “Denok gaude itsasontzi berean eta helburu berarekin: lanera itzultzea kaleratze traumatikorik gabe”.
Aipatu hedabideak jaso duenez, sindikatuek salatu dute enpresako zuzendaritza langileak banan-banan ari dela deitzen, lanera joan daitezen lortu asmoz. Horren aurrean, enpresa batzordeak zuzendaritzaren telefono deiak grabatzeko gomendioa egin die langileei, solaskideari deia grabatzen ari dela jakinaraziz.
Barricadas a la entrada de Tubacex cuando los trabajadores cumplen 63 días de huelga.
Mañana se efectúan los 129 despidos y mientras tanto los sindicatos denuncian que la dirección está llamando uno por uno a los huelguistas para que vuelvan a trabajar.
— Igor Goikolea (@goikoleaigor) April 14, 2021
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.