Araba, Bizkaia eta Gipuzkoako udaltzainek erabili beharreko oinarrizko materiala zein den zehazteko irizpideen txostena aurkeztu dute. Eusko Jaurlaritzako Segurtasun Sailak aurten egingo du dekretua, txostena oinarri hartuta. Egun, sei udaltzainetik bostek daramate suzko pistola.
Udaltzaingoak Koordinatzeko Batzordeko lantalde batek astelehenean Eusko Legebiltzarrean proposatu du zirriborro bat, Segurtasun Sailaren dekretua egiteko oinarri izango dena. Bertan, erabaki dute Araba, Bizkaia eta Gipuzkoako udaltzain guztiek suzko armak erabiltzea. 9 milimetroko Parabellum kalibreko pistola eguneroko lan materialaren parte izango da, eta gutxienez hamahiru tiro emateko karga izango du armak. Udala arduratu beharko da horiek emateaz.
Baldintza batzuk zehaztu dituzte dokumentuan: zerbitzuan daudenean soilik edukitzea; pistola erabiltzea udaltzainen edo besteen bizitza edota “herritarren segurtasuna arrisku larrian” dagoenean, eta “egokitasun, beharrizan eta proportzionaltasun” printzipioen arabera. EH Bilduko Julen Arzuaga legebiltzarkideak zalantzan jarri du ea zeren arabera erabakiko den “proportzionaltasun” printzipioa. Txostenean jaso dutenez, pistolak erabiltzea “muturreko neurria” izango da, eta ezingo dira tiroak zerura bota, esaterako, pertsonak intimidatzeko.
Segurtasun Sailaren arabera, EAEko udalerrien %80etan suzko armak dituzte udaltzainek, alegia, sei udaltzainetik bostek (2.750 polizia inguruk).
Udaltzaingoak Koordinatzeko Batzordearen helburua izan da adostea zein diren udaltzainen oinarrizko materialak, “baliabide teknikoak eta defentsarako materiala”. Irizpide bateratu horiek bete beharko lituzkete udal guztiek, eta gutxieneko material hori eskaini. Pistolez gain, material hauek proposatu dituzte: babes txalekoak, ebakien aurkako eskularruak, esku-burdinak, porra zurrunak edo zabaldu daitezkeenak, besteren artean.
EH Bildu eta Elkarrekin Podemos suzko armak eramatea derrigortzearen aurka agertu dira. EH Bilduko legebiltzarkide Arzuagak ohartarazi du “kezkatzen” dituen gai bat dela, kontuan izanda EH Bilduk agintzen duen udal batzuetako udaltzainek ere suzko armak erabiltzen dituztela: “Irizpide argiak ezarri nahi ditugu”, argitu du.
Gogorarazi du Eibar eta Tolosan derrigortu egin dituztela horretara, auzitegietatik, eta berretsi du “udalen autonomia” babestuko dutela gai honetan. Aurkeztutako proposamenaren lanketan parte hartzeko oztopoak jarri dizkietela kritikatu du, eta ez dietela utzi euren iritzia ematen. “Udaltzaingoan ez dira suzko armak orokortu behar”, salatu du.
Podemoseko legebiltzarkide Gustavo Angulok ere zalantzan jarri du udaltzain orok pistolak eramatea, eta kritikatu du gaiaren inguruan “gardentasun falta” egon dela. Eskatu du udal bakoitzak erabaki dezala suzko armak baimendu edo ez.
Gainerako alderdiek onartu dute pistolen erabilera, EAJk, PSE-EEk, PP+CC’s-ek eta Voxek, zehazki.
Udaberriko azken egunean, ikusmin handia Gasteizko Legebiltzarrean. Nonbait juntatu bada jende frikia, hemen izan da. Baina aspaldian ez bezainbeste jende dago, eta zerbaitegatik da hori. Hedabideetako 300 profesional, ez alferrik. Hamabi urteren ostean, bi boxeolariak berriak... [+]
Azken hamarkadan, EAJk hiru harrobitatik datozen kargu publikoen esku utzi du Eusko Jaurlaritzako sailen kudeaketa. PwC eta Andersen bezalako aholkularitza-enpresetan aritu zen talde bat nabarmentzen da. Beste talde garrantzitsu bat karrerako funtzionarioek osatzen dute... [+]
Software librea erabiltzen duten Lezo BHI, Irungo Hirubide BHI eta Donostiako Antigua-Luberri BHI ikastetxeek beren esperientzia azaldu dute Eusko Legebiltzarreko Hezkuntza batzordean, EH Bilduko Lore Martinez Axpek eskatuta. Institutuetako ordezkarien aurkezpenen bideoak [+]
Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
EAJ, EH Bildu eta PSE-ren babesarekin atera da aurrera. Erregai fosilen desinbertsiorako plan bat gauzatu beharko du Jaurlaritzak. Helburu nagusia 2050rako EAEn karbono emisioak zerora murriztea da.
Euskal Herria Bizirik sareak elkarretaratzea egin du Eusko Legebiltzarraren atarian, barruan Trantsizio Energetiko eta Klima Aldaketaren Legea onartzen zuten bitartean. Sare horren hitzetan, "EAJ-PNV, PSE eta EH Bilduren aldeko botoekin onartu da, agerian utziz hiru alderdi... [+]
Gehiengo zabalarekin onartu dute. EAJ, PSE-EE, EH Bidu eta Elkarrekin Podemos-IU-k baiezkoa eman dute, eta PP aurka agertu da.“Hainbat hobekuntza” txertatuko dituzte Osakidetzan, hezkuntzan eta lan-arloan.
Hauteskunde usainpean bada ere, EAJk, PSE-EEk eta EH Bilduk akordioa lortu dute Trantsizio Energetikorako Legearen inguruan. Prentsaurreko bateratuan aurkeztu dute Eusko Legebiltzarrean.
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Euskalgintzaren Kontseiluak eta beste eragile ugarik datorren larunbatean Bilbon deituriko manifestazioarekin bat egin du Gasteizko Legebiltzarrak EH Bildu eta EAJren sostenguarekin.
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Eusko Legebiltzarrak gehiengo oso handiarekin onartu zuen asteazken honetan memoriaren esparruan aurrerakada esanguratsuak dakarren legea. EAJ, EH Bildu, PSE eta Elkarrekin Podemos-IUren aldeko botoekin, eta PP, Ciudadanos eta Voxekoaren kontrakoekin.
Ikasturtea abiatzearekin bat, eta urte politiko berrian ere Hezkuntza Legea erdigunean izango dela-eta Araban, Bizkaian eta Gipuzkoan, Euskalgintzaren Kontseiluak sinadura bilketa hasi du, "lege horrek euskara gehiago izan dezan bermatu nahi duena".
Algoritmo hitza ezagun samarra bada ere, oro har gizarteak ez daki zer diren, ezta zertarako erabiltzen diren ere. Adimen artifizialaren esparruan duten garrantzia abiapuntutzat hartuta, horien inguruko azalpenak eman ditu Lore Martinez Axpe EH Bilduko digitalizazio idazkari eta... [+]