Sustrai Erakuntza ingurumen fundazioak diru-bilketa kanpaina abiarazi du
Fundazioa Nafarroan diharduen gobernuz kanpoko erakundea da, ingurumena hartzen du oinarritzat eta, batez ere, lan tekniko-juridikoa garatzen du, ingurumenaren bueltan ari diren gizarte mugimenduek lanerako eta borrokarako tresnak izan ditzaten. Esku bete lan du eta dirua behar du dena aurrera eramateko.
Elkartea 2009an sortu zen, hamar urte pasatxo daramatza lanean beraz, eta esan liteke denbora horretan Nafarroan ingurumenarentzat kaltegarria izan den edozelako proiekturen gainean presente egon dela molde batez edo bestez. AHT gelditu! mugimenduan edota Erriberako zentral termikoen aurka aritutako jendeak sortu zuen, baina borroka haiei beste hamaika gehitu zaizkie.
Azken boladan bereziki aritu dira makroetxaldeen aurka, energia berriztagarrietan oinarritutako proiektu suntsitzaileen aurkako alegazioetan eta abiadura handiko trenaren eraikuntzaren aurka. Lana biderkatu zaiela ikusten dute, eta egin beharrekoen aurrean diru beharrak ere handitu zaizkie.
Elkartea boluntarioen lanarekin aritzen da bereziki, baina lan juridikoa edota txosten teknikoak egiten dituzten adituen lanak ordaindu behar dituzte, eta alde horretatik gero eta lan gehiago bideratzen dituzte.
Kaparrosoko makroetxaldearen salaketa
Oraintsu, adibidez, Valle de Odieta-HTN makroetxaldeak adiskidetze ekitaldi batera deitu du beste hainbat talderekin batera, Kaparrosoko etxaldearen aurkako kalumniak eta irainak egin dituztela salatuz. Martxo amaieran ikusiko da zertan amaitzen den Valle de Odietak epaitegietara eramandako bide hau, baina ez dirudi atzera egingo duenik, eta horrek beste auzi juridiko bat gehiago irekiko du, “eta, beraz, hemen ere abokatuak ordaindu beharra etorriko da”, gogoratzen dute elkartetik, Sustraik bederen esandakoetan atzera ez duela egingo azpimarratuz.
Ohituta daude justizia jauregietako bidezidorretan aritzen, batzuetan arrakastaz gainera eta harro ematen dute irabazi dituzten auzien berri, esate batera, Castejon-Iruña AHTren Ingurumenaren gaineko Eraginen Aitorpenak legez kanpo uztea, edo Castejongo zentral termikoak eraikitzeko baimenari aurre egitea legez kanpo uztea, edo beste bat aipatzeagatik, Aritzu (Anue) eta Lantz artean ireki nahi zuten ofita meategiaren proiektua erretiratzea.
Gaur egun ehun bat bazkide ditu elkarteak, eta Pablo Llorente fundazioko lehendakariak aurtengo martxoan ARGIAn egindako elkarrizketan zioenez, “onena litzateke 500 bat izatea”. Elkarteko bazkide izan nahi duenak, fitxa hau bete dezake.
Abenduak hostoen kolore marroia dauka: lurrean, intxaurrondo biluziaren azpian, geratu diren hostoena. Intxaurrondoak bukatu du bere zikloa. Atseden hartzera doa: zuztarrak indartuz, elikatuz, nutritzea du helburu. Barrura begira, barrenak osatzeko garaian dago, orain arte egin... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Asko hitz egiten da basoaz azken aldian. Basoak berreskuratzeaz, basoak sortzeaz eta basoaren hedadura zabaltzeaz entzungo duzu sarri. Eta ekintza ona izan daiteke zalantzarik gabe, ekosistema moduan duen balioa handia delako. Baina, basoari jartzen diogun atentzio eta indar... [+]
Datozen 100-150 egunak erdi lo negukatzen igaroko dituzte landare askok. Beren jakiak sortzeko nahitaezkoak dituzten hostoak askatu eta aurreko 200-250 egunetan metatutako erreserbei esker biziko dira.
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 310.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Azaroaren 23an egingo dute tokiko arbola, fruitondo eta landare ekoizleen azoka. Horrez gain, egitarau oso indartsua prestatu dute 22 arratsaldetik hasita 23 iluntzera arte: bioaniztasunari buruzko mahai-ingurua, sagarrari buruzko mintzaldia, "Nor dabil basoan?"... [+]
Hegosudandar gehienak txirotasun larrian bizi izan dira azken bi mendeotan gutienez, eta zoritxarrez, estatu independente bihurtzeak ez die egoera hobetu, munduko herrialde txiroena baita, hainbat gerra tarteko. Testuinguru oso hauskor horretan klima aldaketak zailtasun berri... [+]
Esako urtegia handitzeko proiektua berraztertu dezala eskatu dio Chunta Aragonesista alderdiak Espainiako Gobernuari, tanta hotzak berriki utzitako hondamendia ikusita. Halako euriteak jasanez gero, Esak ur hori guztia askatzeko gaitasun nahikorik ez lukeela izango eta... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]