Ekainaren 18an, larunbatean, Emakumea* Surflari elkarteak topaketa antolatu du Zarautzen: surfa, jolasak, bazkaria, musika... Emakumeak* elkartu eta ezagutarazi, horixe da oraingoan ere helburua. June Torrealdai elkarteko sortzaile eta surflariak dio "online eskatuta bezala" daudela larunbateko iragarpenak: izugarrizko eguraldia eta itsasoa baldintza onetan. "Nik uste dut plaza beteko dugula; aurten kristorena prestatuko dugu!". Topaketaren aitzakian, proiektuaren nondik norakoak azaldu dizkigu Torrealdaik.
Emakumea* Surflari elkarteak 2014. urtetik darama surfaren bidez emakume, trans eta intersexualei itsasoan tokia egiten. Espazio “erabat maskulinizatuan eta estereotipatuan” emakumeen* ahalduntzea bilatzen dute: ikastaroetan komunitatea eratu eta ikasleen autonomia lantzen dute, besteak beste. Larunbatean Zarautzen elkartuko dira, egun osoko topaketan komunitatea sendotzen jarraitzeko.
Emakumea* Surflariren topaketaren helburu nagusia da sarea sustatzea eta harremanak sendotzea. Zergatik ematen diozue horrelako garrantzia emakume* surflarien komunitatea eratzeari?
Emakumeak* elkarren artean ezagutaraztea eta sarea sustatzea inportantea delako, eta nahiz eta guk lanketa hori surfaren bidez egin, guretzat inportanteagoa da emakume* sare hori sortzea: emakume* anitzak ekartzea eta bistaratzea. Horrela, lortzen dugu medioaz disfrutatzea, elkar ezagutzea... Azken finean hori garelako: emakume* elkartea.
Egun osoko egitaraua antolatu duzue larunbaterako. Goizean hainbat jarduera egiteko aukera egongo da: jolasak, yoga, surfa... Waveskia lehen aldiz eskainiko duzue.
Waveskia da piragua irekiaren antzeko zerbait. Surfeko taula bat da baina zinta bat dauka eta lotuta zoaz. Munduko txapelduna den Ainhoa Tolosaren eta waveskiko beste profesionalen bidez emango dugu saio bat. Mojito deitzen zaien piragua irekiak ere izango ditugu, olatuak hartzeko. Modalitate berri horiek erakutsiko dizkigute, eta ea aurrerantzean gurekin segitzen duten.
Ikasi eta jolastu bai, baina lehiaketak ere antolatu dituzue, sari eta guzti. Itsasoan egoteaz gain, zuen xedea da emakumeen* artean lehiakortasuna bultzatzea eta txapelketetara animatzea?
Alde batetik, ikusten dugu lehen mailako lehiaketa ofizialetan, nahiz eta gero eta gehiago izan emakumeak*, estereotipoa gehienetan berdina dela. Gustatuko litzaiguke emakume* gazteagoetara iristea honetan guztian parte hartzeko, baina hori etorkizuneko proiektu bat da. Larunbatean egingo dugun lehiaketa jolas bidezkoa da. Taldeko lehiaketa, ondo pasatzeko kontu bat. Maila ezberdina daukaten emakumeak elkartuko ditugu likra-kamiseta kolore berdinarekin eta jolas egin. Bi olatu hartu, beraien artean likra aldatu, beste bi olatu hartu… dibertitzeko eta ondo pasatzeko da. Sariena da jendea animatzeko, zeren batzuetan saria jartzean jendea gehiago motibatzen baita!
Adin eta maila guztietako emakume, trans eta intersexualei egiten diezue tokia Emakumea* Surflarin. Nola kudeatzen duzue?
Gure erreferentea Lo Eizagirre da, transa dena; komunikabideetan ere agertu da, bera da gure arpegia eta eredua. Lok aipatzen digu gure jardueretan izena ematen dutenei galdetu behar diegula nola nahi duten deitzea, eta ez zer jartzen dien NANean. Aukera hori eskaintzen dugu, eta bakoitzak erabakitzen du nola identifikatzen den hobeto; uste dut jendea lasaiago geratzen dela horrekin.
Identitate minoritarioei dagokienez hainbat ekimenetan gaude, eta Zarauzko Emakumeen* Etxetik ere zabaltzen dira ekintzak. Izartxoa (*) nahiko begi-bistakoa da, eta uste dut emakume* guztiak biltzen dituela. Besterik gabe, denak dira ongi etorriak eta parte hartzera animatzen ditugu. Uste dut gustora sentitzen direla gure artean.
Taldeak egiterako orduan, kontuan hartzen duzue adin-tarte berekoak batera jartzea edo denak nahastuta?
Denak nahastuta jartzen ditugu. Lehen +55 urteko taldea atera genuen, eta hor adin-tarte berekoak elkartzen ziren. Puntazo bat izan zen. Baina noizbait banaka etorri bada norbait, berak nahi duen lekuan sartu da, ongi datorkion ordu eta egunean; egon dira 62 urteko emakumeak* beren kabuz izena eman dutenak.
Surfeko beste ikastaroen aldean, zer eskaintzen duzue zuek? Zer jasotzen dute zuekin ikasten dutenek?
Inportanteena da berdinen arteko kontu bat dela. Guk monitore emakume* gutxi ditugu, baina beste eskolek ere ez dauzkate asko. Inportantea da erreferentea emakumea* izatea, emakumeentzat* delako. Gainera, zazpi astez zaude zure talde eta monitore berberarekin, eta beste eskoletan normalean jendea aldatzen doa, beste estilo bat da. Zazpi astez jende berarekin egonda, taldea eta giroa sortzen dituzu, konfiantza hartzen zoaz… Askotan saioaren ondoren trago bat hartzen dugu elkarrekin; lagunak egiten ditugu. Eta, noski, Emakumea* Surflari da, filosofiagatik ere bai beste kontu batzuk dauzka.
Eta zuek, proiektuko sustatzaile eta monitoreek, zer eskuratzen duzue?
Monitoreek esaten dute oso gustora egoten direla, erreferente bihurtu dituztelako emakume* hauek. Inportantea da errekonozimendu hori, zeren itsasoa gizonen esparru bat izan baita urte askotan. Monitoreak azken finean surflariak gara, eta bizi izan ditugu gure gauzatxoak itsasoan ere; uretara joaten garenean nabaritzen dute inportanteak garela. Gainera, monitoreek esaten dute esperientzia moduan izugarria dela zazpi astez talde berberarekin egotea, eta lagunak egitea. Ebaluazioetan ikasleek monitoreei buruz oso gauza onak esaten dituzte, eta guk haiei helarazten diegu. Goraipatuak sentitzen dira. Agian beste eskoletan ez dituzte ezta ezagutzen ere. Inportantea da izen bat ematea emakume* monitore horiei.
2014an jarri zenuten martxan proiektua, eta urtez urte eskaera handituz doa, bai surf ikastaroetan bai bidaietan, eta neguko teknifikazio ikastaroetan ere bai. Zer nolako ikasturtea izan duzue aurten?
Mila istorietan sartu gara! Aurten goraipatzekoa da Gurutze Gorriarekin eta Laia elkartearekin izandako elkarlanaren ondorioz emakume* migratu eta emakume* anitz gehiago egon direla gure artean, eta errefuxiaturen bat ere bai. Nazioarteko dirulaguntza bat jaso dugu, eta horrekin emakume* zaurgarri horiei guztiei aukera bat eman diegu surfa egiteko. Kristorena izan da... Batzuek ez dakite ezta igeri egiten ere, eta flipatu dugu nola sartu diren uretara. Monitoreren batek esan digu, “nik ez dut emakume hau ikusi horrela barrezka inoiz”. Horrekin bakarrik jada helburua beteta dago.
Bestalde, Zarauzko Emakumeen* Etxearekin ere atera genuen surfa ikasteko ekimen bat ekainaren 12an, eta 58 emakumek* eman zuten izena —adinaren batezbestekoa 50 urtetik gorakoa zen— ezin izan genien denei eman! Bidaiara orain goaz, Galiziara, eta nahiko jendek eman du izena. Aurtengo ikastaro gehienak beteta izan ditugu. Normalean arazoa da monitore eskasia daukagula: hamar monitore dauzkagu, eta geroz eta gehiago gara… Horregatik, aurten atera dugu monitore izateko doako ikastaro bat. Gure monitore batek prestatu ditu ikasle batzuk monitore probetarako. Halaber, ikusten dugu emakume* gutxi daudela epaile lanetan, eta prest geunden epaile izateko ikastaroa diruz laguntzeko. Ez da inor animatu, baina ea datorren urtean.
Emakumea* Surflarik hainbat elkarte eta erakunderen laguntza jasotzen du, eta pixkanaka sarea handitzen doa.
Bai, eskertu nahi diegu gurekin kolaboratzen duten guztiei, besteak beste, surf eskolei: Donostian Groseko Indarra, Patris, Free Surf; Zarautzen Shelter, North Shore, Zarautz Surf House... Gainera, Emakundek ere laguntzen gaitu, eta Donostiako eta Debako Udaleko Berdintasun Sailek ere ematen digute laguntza, besteren artean. Aipatzekoa da aurten lehen aldiz Orioko Pertzetik Elkarte Feministaren bidez Stand Up Paddlea egin dugula, Cyara Palenzuelarekin. Itsasadarrak garrantzia du Orion, eta guk ere hartu beharreko espazioa zen; han ibili gara bost astez gora eta behera.
Horiez gain, Txiki-txoko elkartearekin ere kolaboratu dugu. Eta Plisti-Plasta Uretan elkartearen bidez aniztasun funtzionala duten emakumeekin* surfeko ikastaro bat egin genuen. Nik bai ikasi nuela haiekin!
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Genero eskubideen urraketaren inguruan mintzatu gara Silvina Molina kazetariarekin. Télameko (Argentinako albiste agentzia publikoa) Generoen eta Aniztasunen ataleko editorea zen Molina, Javier Mileiren gobernuak martxoan agentzia itxi zuen arte. Kazetaritza, inklusioa... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Baionako festetan errepikaturiko eraso sexistei dagokienez Herriko Etxeak politika eta erantzun eskasak bideratu izana salatu du Ipar Euskal Herriko mugimendu feministak. Herriko kontseiluaren batzarrera sartzen saiatu dira 30 bat lagun, baina ateak hetsirik kausitu dituzte.
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Lau hamarkada luzeko ibilbidea du Euskal Herrian bolleren borrokak; garaiko lesbiana feministen oinordekoak dira. Desira eta identitate sexual hutsa baino askoz gehiago da bollerismoa: sistema zisheteropatriarkal eta koloniala borrokatzeko estrategia politikoa, gorputzetik eta... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Ipar Euskal Herriko lehen Emakumeen Etxeak ateak zabalduko ditu ondoko hilabeteetan Urruñan. Ostegunean, ekainaren 27an, ukan dute sorrera finkatzeko biltzar nagusia eta horren berri eman digu Véronique de la Devèze militante feministak.