Super Txope youtuberra ate joka
Astigarragan jaiotako gaztea da Super Txope, Lilatoian tranpa egin zuen aurreneko emakumea. Idoia Txoperena izena duela eta familia jeltzale bateko ardi beltza dela kontatu zuen youtubera igotako lehenengo bideoan. Bigarrena ere argitaratu zuen asteazkenean, eta euskaldunon bandera definitiboa aukeratzen saiatu da bertan.
ARGIAri azaldu dionez, youtuber mundua geroz eta handiagoa dela konturatu eta bertan sartzea pentsatu zuten Txoperenak eta bere lagun batzuek. Hala ere, ez zuten jasotako erantzuna aurreikusten. Izan ere, lehenengo bideoak 8.885 ikustaldi ditu, eta bigarrenak dagoeneko 2.595.
Maiztasunari dagokionez, bere asmoa astean bideo bat igotzea da, asteazken gauetan. “Buruan sartzen bazaio”, bestalde, aste berean bi igo ditzakeela ere esan du.
Lagun talde batek tabernan aipatu ditzakeen gaien inguruan hitz egingo duela azaldu du, “Euskal Herriko gazte asko modu batera edo bestera identifikatuta sentitzeko modukoak”.
Youtubeko kanalean erabili duen logoari buruz ere galdetu dio ARGIAk, Super Bat Klubeko logoa, hain zuzen ere. Hauxe bere erantzuna: “Bizitzan eduki dudan lehenengo txartela da! Ni Kapitain Planet-en lurra nintzen parkean jolasten ginenean, oso oroitzapen politak dauzkat. Gora Super Bat!”
Terolek barkamena eskatu du eman zuten "ikuskizun lotsagarriagatik", baina aitortu du bat egiten duela bertan esandako ideia "batzuekin".
Igande honetan, azaroaren 17an estreinatuko da Barraka izeneko late-night formatuko programa, EITBren Primeran plataforman. Hiru Damatxok ekoitzi du umorez blaitutako ikuskizun bizia.
Korrika Kulturalaren eskutik, Olatz Beobidek zuzendutako eMcumeak umorezko obra taularatuko dute Maria Riverok eta Itxaso Payak asteartean, 19:00etan, Antsoaingo Antzokian.