Suizidio arriskuagatik 613 protokolo aktibatu dituzte EAEko ikastetxeetan
Eskolan suizidioa prebenitu eta esku hartzeko protokoloa 613 aldiz abiatu dute EAEn, protokoloa martxan jarri den lehen ikasturtean. Bai irakasleak, bai ikasleak gaian trebatzea da helburua, buruko osasun arazoak ikasleen artean ere arazo larri bihurtu diren garaiotan.
Osasun mentalaren nazioarteko eguna da urriaren 10a, eta hala nola antsietatea eta depresioa gure gizartean zenbat orokortu den gogoratuko dute hedabide eta instituzioek. Haur eta gazteak ez dira salbuespen, eta garai batetik hona ikusgai egin da beste errealitate lazgarri bat: suizidioa.
Joan den ikasturtean, lehen aldiz pentsamendu eta jarrera suizidari aurre egiteko protokoloa abiatu zen EAEko eskola eta institutuetan eta datuek zer pentsatua ematen dute: batez beste, eskola egunetan egunean bi protokolo aktibatu ziren Bizkaian, kasik bat egunero Gipuzkoan eta bi egunean behin alerta bat Araban. Hala argitaratu du El Diario Vasco hedabideak.
1.800 irakasle formatu dituzte gaian, eta helburuetako bat da asmo suizida izan dezakeen ikaslea antzematea. Protokoloa aktibatu den kasuetan, profila anitza da, baina oso sarri lagun talderik gabeko ikasleak dira, beren burua isolatuta edo baztertuta ikusten dutenak. Irakasleak bakarrik ez, haur eta gazteek ere seinaleak antzematen jakitea eta aktibo izatea da lehentasunetako bat, ikaskide bat gaizki ikusten badute abisua pasa dezaten.
Haur eta gazteek ere seinaleak antzematen jakitea eta aktibo izatea da lehentasunetako bat, ikaskide bat gaizki ikusten badute abisua pasa dezaten
“Ezin duzu beste alde batera begiratu”
Berariazko laguntza behar duten ikasleen kopurua nabarmen gora egiten ari den honetan, irakasleen funtzioak eztabaidagai dira hezkuntza komunitatean. Zentzu horretan, ikasleen egoera sozio-psikologiko eta emozionalari erantzuteko irakasleen predisposizioa gero eta ohikoa dela dio Mireia Centeno psikologoak, "edo gutxienez gero eta kontzienteago garela predisposizio horren beharraz, besteak beste gero eta gehiago hitz egiten delako kontu hauetaz guztiaz gizartean". Artizar Susperregi irakaslearen iritziz ere, "azken finean, egoera lehenago edo beranduago lehertzen zaizu eskuetan, ezin duzu beste alde batera begiratu. Jarri zaitezke oso-oso zorrotz eta izan zaitezke irakasle zurruna ikas-materiala ematearekin, zurean itsu, ikasleei beldurra emateraino, baina orduan ere, zurekin ez bada hurrengo ikasturteko irakaslearekin lehertuko da egoera".
Bestela pentsatzen duen irakaslerik ere izango da, Agurtzane Martinez irakasleak azpimarratu moduan: "Egongo dira irakasleak pentsatzen dutenak beren lana ez dela psikologoarena egitea eta nahikoa dutela matematika ematearekin, haurrak beste zerbait behar badu beste profesional batek egon beharko duela behar horiei erantzuteko. Eta sentsibilitatea duten irakasleekin erraza da, baina bestelako jarrera duten irakasle horiekin lanketa egitea eta beren pentsamoldea aldatzea oso zaila da".
Aurreko bi paragrafoak (eta gaian sakontzeko hainbat gako) ARGIAn egindako honako mahai-inguruan aurkituko dituzu: Eskola nola bihurtu espazio psikologiko seguru.
Bestalde, Nafarroan joan den abenduan jarri zuten martxan Suizidio Kodea: kode hau psikiatra eta psikologoek aktibatu dezakete, pertsonaren batek pentsamendu suizidak dituela antzemanez gero, eta segimendua eta baliabide bereziak ahalbidetzen ditu, arloko hainbat profesionalen elkarlanaren bidez. Gutxienez 243 Suizidio Kode aktibatu dituzte ordutik.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Presoa ziegan aurkitu dute hilik ostegun iluntzean. Eusko Jaurlaritzak esan du suizidio kasu baten aztarnak dituela. Gainera, Jaurlaritzak 2021ean espetxeen eskumena jaso zuenetik hiltzen den zazpigarren presoa da.
(Azken aldi luzean ezin naiz gauez atera, eta arratsaldez ere larri, eta asteburuetan ere ez, eta (jarri zaizue jada ihes egiteko gogoa), marianitoak eta bazkari azkar samarrak izaten dira nire enkontruneak. Konpainiak ondoegi aukeratu behar ditut. Ezin ditut poteoak... [+]
Euskal Herriko Unibertsitateko zenbait ikertzaileek harrera-egoitzetako nerabeen jokabide suizidak aztertu dituzte, eta ondorioztatu dute gazteen laurdena bere buruaz beste egiten saiatu dela. Salatu dute langile gehienek ezagutza “baxua” dutela.
Lagundu nahi eta kontrakoa eragin dezakegu, ez badakigu gestionatzen zer esan eta egin, gertuko norbaitek aitortzen digunean egoerak gain hartu diola eta bere buruaz beste egingo duela. Jarraibide erraz batzuk eman ditu Pablo R. Coca psikologoak, hain egoera konplexuari aurre... [+]
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Suizidioaz informatzeak lagundu diezaieke pentsamendu suizida duten pertsonei, baina horretarako egoki informatzea funtsezkoa da, tabu honen inguruan dauden uste okerrak, estereotipoak eta sentsazionalismoa saihestuz, eta arrisku faktoreak, prebentzio neurriak eta dauden... [+]
Incidence of mental disorders in the general population aged 1–30 years ikerketak osasun mentalaren inguruko datuak argitaratu ditu. Egungo egoeraren berri eman eta bizitzako etapa garrantzitsuenak zein diren argitu ditu besteak beste.
2021an, Getxo ZUrt! egitasmoa sortu zuten Getxoko Jon Garcia psikiatrak eta Fundación Doble Sonrisa-ko Naomi Hasson erizainak, suizidioaren prebentzioan lagunduko zuen proiektu bat aurrera eramateko xedeagaz. Bi urte geroago, egitasmoa inoiz baino aktiboago dago, eta,... [+]
Preso dauden pertsonen artean portaera suizida areagotu egiten da, faktore psikologiko eta soziodemografikoengatik. Hego Euskal Herrian, 2023an, bi presok egin zuten beren buruaz beste astebetean. Orain gutxi, Eusko Jaurlaritzak “laguntzarako presoen” irudia... [+]
Eusko Jaurlaritzako Hezkuntza Sailak antolatu du ekimena aste honetan zehar, BECen, Barakaldon. 900 ikastetxetako ordezkariak izango dira eta zortzi orduko formakuntza jasoko dute. Begoña Pedrosa Hezkuntza sailburuordeak nabarmendu du ikasleen ongizate emozionala... [+]
Presoen suizidio tasa gizartean dagoen tasaren bikoitza baino gehiago da. Horrez gain, presoen herenak buruko gaitzen bat du. Europako presoen osasunari buruzko 2020ko datuak dira, orain aurkeztu duten OMEren txosten batetik eratorriak.
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
Zer egin norbaitek pentsamendu suizida adierazten duenean? galderari erantzun diote “Suizidioa: XXI. mendeko beste pandemia” jardunaldietan, eta horretarako, suizidioaz dauden hainbat mito gezurtatu dituzte lehenengo, suizidioaren inguruan galdetzeaz, arreta... [+]